ఆవేశంలో ప్రేరణ మెడలో తాళికట్టిన అవినాష్‌.. లైట్లు ఆఫ్‌ చేసి డార్క్ రూమ్‌లో చుక్కలు చూపించిన బిగ్‌ బాస్‌

బిగ్‌ బాస్‌ తెలుగు 8వ సీజన్‌లో సోమవారం ఎపిసోడ్‌ ఆసక్తికరంగా, ఆద్యంతం ఫన్నీగా సాగింది. ప్రేరణ మెడలో అవినాష్‌ తాళి కట్టడం హైలైట్‌గా నిలిచింది.   

బిగ్‌ బాస్‌ తెలుగు చివరి వారానికి చేరుకుంది. ప్రస్తుతం 15వ వారం ప్రారంభమైంది. వచ్చే ఆదివారంతో షో పూర్తి కానుంది. ఇప్పటి వరకు బిగ్‌ బాస్‌ నుంచి 17 కంటెస్టెంట్లు ఎలిమినేట్‌ అయ్యారు. 14మందితో సెప్టెంబర్‌ 1న ప్రారంభమైన బిగ్‌ బాస్‌ తెలుగు 8వ సీజన్‌ ఐదో వారంలో మరో ఎనిమిది మంది యాడ్‌ అయ్యారు. ఆద్యంతం రసవత్తరంగా ఈ షో సాగుతూ వచ్చింది. కాకపోతే రేటింగ్‌ పరంగా డల్‌గానే సాగింది. 

ఇదిలా ఉంటే ఈ ఆదివారం, శనివారం విష్ణు ప్రియా, రోహిణి ఎలినేట్‌ అయ్యారు. ఇప్పుడు నిఖిల్‌, గౌతమ్‌, ప్రేరణ, నబీల్‌, అవినాష్‌ టాప్‌ 5కి చేరుకున్నారు. ఫైనల్‌కి చేరుకున్నారు. వీరిలో విన్నర్‌ ఎవరు అనేది ఆసక్తికరంగా మారింది. ఈ నేపథ్యంలో ఇప్పటికే దీనిపై ఆసక్తికర చర్చ నడుస్తుంది. విన్నర్‌ ఆ ఇద్దరిలో ఒక్కరు ఉంటారని అంటున్నారు. నిఖిల్‌, గౌతమ్‌ మధ్యలోనే పోటీ అని అంటున్నారు. ఎవరు విన్నర్‌ అనేది మరింత క్యూరియాసిటీని క్రియేట్‌ చేస్తుంది. 

అయితే టాప్‌ 5 కంటెస్టెంట్లకి గ్రాండ్‌గా స్వాగతం పలుకుతుంటారు బిగ్‌ బాస్‌. ఈ వారం మాత్రం భిన్నంగా వెళ్తున్నారు. స్టార్‌ మా సీరియల్స్ ఆర్టిస్ట్ లను హౌజ్‌లోకి తీసుకొచ్చి టాప్‌ 5 కంటెస్టెంట్లతో సరదా గేమ్‌లు ఆడిస్తున్నారు. ప్రైజ్‌ మనీ పెంచే అవకాశం కల్పిస్తున్నారు. ఈ క్రమంలో ఈ రోజు `నువ్వుంటే నా జతగా` సీరియల్స్ నుంచి హీరోహీరోయిన్లు దేవ(అర్జున్‌), మిథున వచ్చారు.

అయితే వీరి సీరియల్‌ ప్రోమోలోని స్కిట్‌ని హౌజ్‌మేట్స్ తో చేయించారు. అవినాష్‌ ప్రేరణ, నబీల్‌, నిఖిల్‌ ఇందులో పాల్గొన్నారు. సీరియల్‌ లో అర్జున్‌ చేసినట్టుగా పెళ్లికి అడ్డు వచ్చిన ప్రేరణని లాక్కెళ్లి తాళి కడతాడు అర్జున్‌. అలాగే ఇందులో కూడా ప్రేరణని లాకెళ్లి అవినాష్‌ తాళికట్టినట్టుగా సరదాగా స్కిట్‌ ప్రదర్శించారు. ఇది ఆద్యంతం ఆసక్తికరంగా సాగింది. ఆ తర్వాత ఒక టాస్క్ ఇచ్చారు. ఇందులో బిబి పరివారం విన్‌ అయ్యింది. స్టార్ మా పరివార్‌ ఓడిపోయింది. దీంతో ఆ ప్రైజ్‌మనీ యాడ్‌ అయ్యింది. 

అనంతరం ఇల్లు ఇల్లాలు పిల్లలు సీరియల్‌ నుంచి ప్రభాకర్‌, ఆమని వచ్చారు. వీరు కూడా తమ సీరియల్ కాన్సెప్ట్ ని చెప్పి వారిచేత అభిప్రాయం చేయించారు. నిఖిల్‌ తాను ప్రేమ పెళ్లికే ప్రయారిటీ ఇస్తానని తెలిపారు. అవినాష్‌ తనదైన స్టయిల్‌లో ప్రేమించి అరెంజ్‌ మ్యారేజ్‌ చేసుకుంటానని చెప్పాడు. తన మార్క్ కామెడీతో నవ్వులు పూయించారు. ఆ తర్వాత వీరు కూడా ఓ టాస్క్ ఆడారు. ఇందులో బీబీ పరివార్‌ గెలిచింది. వీరి ప్రైజ్‌ మనీ కూడా బిబి ప్రైజ్‌మనీకి యాడ్‌ అయ్యింది. 

ఇదిలా ఉంటే వీరికంటే ముందు హౌజ్‌లో ఓ సరదాగా గేమ్‌ హైడ్‌ అండ్‌ సీక్‌ ఆడారు టాప్‌ 5 కంటెస్టెంట్లు. ఇందులో మొదట పోలీస్‌గా, మిగిలిన వాళ్లు దొంగగా నటించారు. నబీల్‌ దొరికిపోయాడు. ఆయన పోలీస్‌గా ఉన్నప్పుడు మిగిలిన వారు దాక్కున్నారు. అవినాష్‌ ఓ రూమ్‌లో దాచుకున్నాడు. అయితే గేమ్‌ అయిపోయాక బిగ్‌ బాస్‌ లైట్లు తీసేశాడు. చీకటి చేశాడు.

దీంతో అవినాష్‌కి చుక్కలు కనిపించాయి. దీనికితోడు గజ్జల సౌండ్‌, దెయ్యం సౌండ్‌తో మరింత బయటపెట్టించాడు. ఓ రకంగా అవినాష్‌కి చుక్కలు చూపించాడు. దీంతో వణికిపోయాడు అవినాష్‌. కావాల్సినంత ఫన్‌ ఇచ్చి అలరించారు. ఈ గేమ్‌ హైలైట్ గా నిలిచింది.