Prema Entha Madhuram: సమయం చూసుకొని అవకాశాన్ని వాడుకుంటున్న మదన్.. తన మాటలతో లాయర్ నోరు మూయిస్తున్న ఆర్య?

Prema Entha Madhuram: జీ తెలుగులో ప్రసారమవుతున్న ప్రేమ ఎంత మధురం సీరియల్ ప్రేక్షకుల హృదయాలని గెలుచుకొని మంచి రేటింగ్ ని సంపాదించుకుంటుంది. బావగారి ఆధిపత్యంలో భర్తకి ప్రయారిటీ లేదని బావగారి మీద కుట్రలు పన్నుతున్న ఒక మరదలి కథ ఈ సీరియల్. ఇక ఈరోజు ఏప్రిల్ 22 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో నేను నిన్ను వెళ్లిపోమన్నాను కదా వెళ్లలేదా అని అనుని అడుగుతాడు ఆర్య. వెళ్ళిపోదామని అనుకున్నాను కానీ చివరి నిమిషంలో ఏదో తేడాగా అనిపించి ఉండిపోయాను. నేను ఉండడమే మంచిదయింది లేకపోతే మిమ్మల్ని ఎక్కడికో తీసుకెళ్ళి పోయేవారు అంటూ కన్నీరు పెట్టుకుంటుంది అను. అసలు ఇదంతా ఎవరు చేస్తున్నారో అంటూ కోపంతో రగిలిపోతాడు నీరజ్. మరోవైపు బయటికి వెళ్తున్న అంజలి ఎక్కడికి వెళ్తున్నావ్ అని అడుగుతాడు మదన్. ఈరోజు ఆర్య సర్ కేసు కోర్టులో నడుస్తుంది అందుకే వెళ్తున్నాను అంటుంది అంజలి. 

 ఒక ఎంప్లాయ్ కి ఎందుకంత ఇంపార్టెన్స్ ఇస్తున్నావు అతను 14 కంపెనీలని ముంచేశాడు ఒక రకంగా చెప్పాలంటే మినీ మాఫియా నడుపుతున్నాడు అంటాడు మదన్. ఆర్య సార్ ఒక ఎంప్లాయ్ కాదు, గ్రేట్ పర్సన్ అలాంటి వ్యక్తిని వదులుకోకూడదు. అయినా ఒక మనిషి గురించి ఒక్కొక్కరు ఒక్కొక్క రకంగా అనుకుంటారు. అంత మాత్రం చేత ఆయన చెడ్డవారైపోరు అంటూ కోపంగా అక్కడి నుంచి వెళ్ళిపోతుంది అంజలి. మరోవైపు మాన్సీ కి లాయర్ ఫోన్ చేసి ఆర్యకి మినిమం 5 సంవత్సరాలు శిక్ష పడడం గ్యారెంటీ అంటాడు. మా ఆస్తులకి ఎలాంటి ఇబ్బంది ఉండదు కదా అంటుంది మాన్సీ.

అలాంటి ప్రాబ్లం ఏమీ లేదు అంటాడు లాయర్. అది చాలు ఎవరు ఎలా పోతే నాకెందుకు అంటూ ఆనందంగా ఫోన్ పెట్టేస్తుంది మాన్సీ. కిందకి వచ్చేసరికి అను కనిపిస్తుంది. ఇప్పుడే లాయర్ తో మాట్లాడాను బ్రో ఇన్ లా మినిమం ఐదేళ్లు జైల్లో ఉంటారట అంటుంది. నా భర్త నిజాన్ని నమ్మారు. ఆ నిజమే ఆయన్ని బయటకు తీసుకొస్తుంది అంటుంది అను. మరెందుకు దిగులుగా మొహం పెట్టుకున్నావు. అలా అయితే నిన్ను తిరిగి ఇంట్లోకి రమ్మంటారనా? మొగుడు జైలుకెళ్లాడనే ఉద్దేశంతో మళ్లీ తిరిగి వద్దామనుకుంటున్నావేమో అంటూ ఏదో మాట్లాడుతూ ఉండగానే శారదమ్మ మాన్సీ.. అంటూ కేక పెడుతుంది.

నా మీద పడిన నిందని దాదా తనమీద వేసుకుని నీ మొగుణ్ణి రక్షించడమే జాలి కూడా లేకుండా వదినమ్మని బాధ పెడతావా అసలు ఆమెని అనడానికి నీకేం హక్కు ఉంది అంటాడు నీరజ్. నేను ఈ ఇంటి కోడల్ని అంటుంది మాన్సీ. మాన్సీ చెంప పగలగొడుతుంది శారదమ్మ. ఈ ఇంట్లో ఉండే అర్హత నీకన్నా తనకే ఎక్కువగా ఉంది. అనుకీ, నీకు నక్కకి, నాగలోకానికి ఉన్నంత తేడా ఉంది అంటూ మందలిస్తుంది శారదమ్మ. దీన్ని కొట్టినా ఒకటే ఆ గోడను కొట్టినా ఒకటే అంటూ మాన్సీని అసహ్యించుకొని  పదండి మనకి కోర్టుకి టైం అవుతుంది అంటూ తల్లిని, వదినని తీసుకొని బయలుదేరుతాడు నీరజ్. మరోవైపు కోర్టుకు వచ్చిన ఆర్య ని చూసి కన్నీరు పెట్టుకుంటుంది అను.

శారదమ్మ కూడా బాధపడుతూ.. భగవంతుడు మిమ్మల్ని ప్రశాంతంగా ఉంచడం లేదు అంటుంది. ప్రశాంతంగా ఉండాలనుకున్నాను కానీ ఫైట్ చేయక తప్పడం లేదు పోరాడుదాం దోషులు ఎవరో కనుక్కుందాం అంటాడు ఆర్య. శారదమ్మ భయపడుతుంటే పద్మవ్యూహంలోకి వెళ్లి చనిపోవటానికి ఆయన అభిమన్యుడు కాదు అర్జునుడు జయించుకొని వస్తాడు అంటూ ధైర్యం చెబుతుంది అంజలి. మరోవైపు ఆర్య జైలుకి వెళ్తాడు తన కంపెనీ షేర్స్ పడిపోవడం ఖాయం మన బిజినెస్ డెవలప్ చేసుకోవడానికి ఇదే కరెక్ట్ టైం ఈ అవకాశాన్ని వదులుకోకూడదు అంటూ ఇన్వెస్టర్లని రెచ్చగొడతాడు మదన్.

 మరోవైపు కోర్టులోకి వెళ్ళిన తర్వాత లాయర్ మాట్లాడుతూ ఈయన డొల్ల కంపెనీలతో ప్రజల్ని మోసం చేసి 1300 కోట్లు స్వాహా చేశాడు.ఒకప్పుడు తిండి కోసమో, గుడ్డ కోసమో నేరాలు చేసేవారు. కానీ ఇప్పుడు ఇలాంటి వాళ్ళు కూడా మోసాలు చేస్తున్నారు అంటూ ఆర్య మీద నిందలు వేస్తాడు లాయర్. ఆర్య తరపు లాయర్ ఏదో మాట్లాడకపోతే ఆర్య అడ్డుకొని ఈ కేసుని నేనే మీకు వివరిస్తాను నాకు పర్మిషన్ ఇవ్వండి అని అడుగుతాడు. జడ్జి గారు పర్మిషన్ ఇవ్వడంతో ఆర్య వర్ధన్ కంపెనీలు నమ్మకం మీద నడుస్తున్నాయి.

మా కంపెనీలలో పెద్ద ఆఫీసర్ నుంచి చిన్న వర్కర్ల వరకు ఉండే రిలేషన్ నమ్మకమే. ఇప్పటివరకు మా కంపెనీ ఏ ఒక్కరిని మోసం చేయలేదు. ఎవరి దగ్గర ఒక రూపాయి కూడా దొంగిలించలేదు. రెండు రూపాయలకు కూడా చాలా పవర్ ఉంది గురు అంటూ ప్రజల మనసులు దోచుకున్నాం కానీ మనీని కాదు అంటూ ఎక్స్ప్లనేషన్ ఇస్తాడు ఆర్య. తర్వాత ఏం జరిగిందో రేపటి ఎపిసోడ్ లో చూద్దాం.