స్టార్ సీనియర్ హీరో అర్జున్ రెండవ కూతురు అంజనా సర్జా 13 ఏళ్ల ప్రేమను పెళ్లి బంధంగా మార్చుకోబోతోంది. ప్రియుడిని త్వరలో వివాహం చేసుకోనుంది. ఈ జంట కలిసి దిగిన ఫోటోలు ప్రస్తుతం సోషల్ మీడియాలో వైరల్ అవుతున్నాయి.
కన్నడ చిత్ర పరిశ్రమలో హీరోగా పరిచయమైన అర్జున్, తమిళ సినిమాల్లో కూడా విజయం సాధించారు. నటుడు, దర్శకుడు, నిర్మాతగా బహుముఖ ప్రజ్ఞాశాలి అయిన ఆయన 90లలో ప్రముఖ యాక్షన్ హీరోగా ఉన్నారు. ఇటీవల కాలంలో స్టార్ హీరోల సినిమాల్లో కీలక పాత్రలు పోషిస్తున్నారు. విజయ్ తో లియో, అజిత్ తో విడాముయర్చి వంటి చిత్రాల్లో నటించారు. ప్రస్తుతం ఆయన దర్శకత్వం వహిస్తున్న సీత అనే సినిమా చిత్రీకరణ దశలో ఉంది.
అర్జున్ 1988లో కన్నడ నటి నివేదితను ప్రేమించి పెళ్లి చేసుకున్నారు. వీరికి ఐశ్వర్య, అంజనా అనే ఇద్దరు కుమార్తెలు. పెద్ద కూతురు ఐశ్వర్య విశాల్ సరసన హీరోయిన్ గా పరిచయమయ్యారు. ఆ తర్వాత తన తండ్రి అర్జున్ దర్శకత్వంలో, నిర్మాణంలో 'సొల్లివిడవా' అనే చిత్రంలో నటించారు. ఆ తర్వాత ఆమెకు పెద్దగా అవకాశాలు రాలేదు. ప్రస్తుతం తండ్రి వ్యాపారం, నిర్మాణ సంస్థ పనులు చూసుకుంటున్నారు.
అర్జున్ పెద్ద కూతురు ఐశ్వర్యకు సినిమాల్లో ఆసక్తి ఉన్నప్పటికీ, చిన్న కూతురు అంజనకు సినిమాలపై ఆసక్తి లేదు. వ్యాపారవేత్త కావాలనేది ఆమె కోరిక. అందుకే 2023లో హ్యాండ్ బ్యాగుల తయారీ సంస్థను ప్రారంభించి విజయవంతంగా నిర్వహిస్తున్నారు. ఇక్కడ తయారయ్యే హ్యాండ్ బ్యాగులన్నీ పండ్ల తొక్కలు, కూరగాయల తొక్కలు, నార వంటి వాటితో తయారవుతాయి.
అంజన తన సంస్థకు తానే మోడల్ గా ఉండటం విశేషం. ఇదిలా ఉండగా, గతేడాది అర్జున్ పెద్ద కూతురు ఐశ్వర్యకు నటుడు తంబి రామయ్య కుమారుడు ఉమాపతితో వివాహం జరిగింది. ఈ ఏడాది రెండో కూతురు అంజన వివాహం జరగనుంది.
అర్జున్ చిన్న కూతురు అంజనా 13 ఏళ్లుగా ప్రేమిస్తున్న తన ప్రియుడి పెళ్లి ప్రతిపాదనకు అంగీకరించారు. ఈ విషయాన్ని తెలియజేస్తూ ఆయనతో కలిసి దిగిన ఫోటోలను విడుదల చేశారు. త్వరలో వీరి వివాహం గురించి అధికారిక ప్రకటన వెలువడే అవకాశం ఉంది. అంజనా ప్రియుడు ఎవరనే విషయం ఇంతవరకూ బయటకు రాలేదు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి