బిగ్ బాస్ 6లో ట్రయాంగిల్ లవ్ స్టోరీ.. పాపం ఆమె పెడుతున్న మానసిక క్షోభకి అర్జున్ బలి పశువు అవుతున్నాడా ?

కింగ్ నాగార్జున హోస్ట్ గా వ్యవహరిస్తున్న బిగ్ బాస్ సీజన్ 6లో కొన్ని ఆసక్తికర పరిణామాలు చోటు చేసుకుంటున్నాయి. గీతూ రాయల్, రేవంత్, సూర్య, ఆది రెడ్డి, ఫైమా లాంటి వాళ్ళు యాక్టివ్ గా కనిపిస్తున్నారు. శ్రీసత్య, ఆరోహి, నేహా, కీర్తి లాంటి సెలెబ్రిటీలు యాక్టివ్ గా లేకున్నప్పటికీ ప్రేక్షకుల అటెన్షన్ పొందుతున్నారు. గ్లామర్ పరంగా శ్రీసత్య అందరికీ తెగ నచ్చేస్తోంది. 

ప్రస్తుతం మూడవ వారం జరుగుతోంది. అప్పుడే బిగ్ బాస్ హౌస్ లో ప్రేమ కథలు మొదలయ్యాయి. గత సీజన్స్ లో తనీష్, దీప్తి సునైనా.. రాహుల్ సిప్లిగంజ్, పునర్నవి .. అఖిల్, మోనాల్ లాంటి లవ్ స్టోరీలు చూశాం. సీజన్ 6లో రసవత్తర పరిణామం చోటు చేసుకుంటోంది. 

ఆరోహి, సూర్య మధ్య ప్రేమ చిగురించిన సంగతి తెలిసిందే. ఇక ప్రేక్షకులని ఆకర్షిస్తున్న మరో జంట శ్రీసత్య, అర్జున్ కళ్యాణ్. కాకపోతే ఇందులో పెద్ద ట్విస్ట్ ఉంది. ఇతర సభ్యులు అయిన నేహా, శ్రీహాన్ మాటల్లోనే తెలుసుకుందాం. 

హోస్ లో జరుగుతున్న లవ్ ట్రాక్స్ గురించి శ్రీహన్, నేహా సీక్రెట్ గా మాట్లాడుకుంటారు. అర్జున్ కి శ్రీ సత్య మీద ఏదో ఫీలింగ్ ఉంది. కానీ శ్రీసత్య అతడికి పట్టించుకోవడం లేదు అని శ్రీహాన్ అంటాడు. వాసంతికి అర్జున్ పై ఒక ఫీలింగ్ ఉంది. కానీ అర్జున్ పట్టించుకోవడం లేదు కదా అని నేహా చెబుతుంది. ఇదంతా చూస్తుంటే ట్రయాంగిల్ లవ్ స్టోరీ అనిపిస్తోంది అని నేహా చెబుతుంది. 

లవ్ విషయంలో జాగ్రత్తగా ఉండాలని, కంట్రోల్ చేసుకోవాలని ఆల్రెడీ అర్జున్ ని హెచ్చరించినట్లు శ్రీహాన్ తెలిపాడు. కానీ నా మాట వినడం లేదు. శ్రీసత్యకి అంతా తెలుసు.. కానీ కావాలనే అర్జున్ ని హర్ట్ చేసేందుకు శ్రీసత్య అన్నయ్య అని పిలుస్తూ ఉంటుంది అని అని శ్రీహాన్ అంటాడు. వీళ్ళు ఇలా గేమ్ లో భాగంగా ఉంటున్నారా.. లేక నిజంగానే ఎఫైర్ సాగతోందా అని అనుమానం వ్యక్తం చేస్తుంది నేహా. 

ఇక వాసంతి పూర్తిగా బయటపడడం లేదు. కానీ అర్జున్ వైపు అట్రాక్ట్ అవుతున్నట్లు కనిపిస్తోంది. సూర్య, ఆరోహి మధ్య చూడముచ్చటైన రొమాన్స్ జరుగుతున్న సంగతి తెలిసిందే. రానున్న రోజుల్లో ప్రేమ వ్యవహారాలు హౌస్ లో ముదరడం ఖాయం. కానీ ఇలా ట్రైయాంగిల్ ప్రేమలో చిక్కుకుని అర్జున్ బలిపశువు అవుతాడేమో అనే అనుమానాలు వ్యక్తం చేస్తున్నారు ఆడియన్స్.