తనపై అసత్య ప్రచారాలు చేస్తున్న వారికి ఏఆర్ రెహమాన్ లీగల్ నోటీసులు జారీ చేశారు. విడాకుల గురించి, కుటుంబం గురించి తప్పుడు వార్తలు, పోస్టులు తొలగించాలని డిమాండ్ చేశారు.
తనపై దుష్ప్రచారం చేసిన సోషల్ మీడియా, ప్రధాన మీడియా సంస్థలకు ప్రముఖ సంగీత దర్శకుడు ఏఆర్ రెహమాన్ లీగల్ నోటీస్ ఇచ్చారు. తన విడాకులపై, తన కుటుంబంపై అవాస్తవాలు, అసత్యాలు ప్రచారం చేసేలా ఉన్న వార్తలు, సోషల్ మీడియా పోస్టులను, వీడియోలు డిలీట్ చేయాలని రెహమాన్ డిమాండ్ చేశారు.
24 గంటల్లోగా తనపై జరిగిన దుష్ప్రచారానికి సంబంధించిన కంటెంట్ ఏ రూపంలో ఉన్నా మొత్తం తొలగించకపోతే భారతీయ న్యాయ సంహితలోని 356 సెక్షన్ కింద పరువు నష్టం దావా దాఖలు చేస్తామని హెచ్చరిస్తూ ఏఆర్ రెహమాన్ తరపు న్యాయవాది బహిరంగ నోటీసులు విడుదల చేశారు.
ప్రముఖ మ్యూజిక్ డైరెక్టర్, నేషనల్ అవార్డ్స్ విన్నర్ ఎఆర్ ఎఆర్ రెహమాన్ ఇటీవలే తన భార్య సైరా భానుతో విడాకులు తీసుకున్న విషయం తెలిసిందే. అయితే పెళ్లయిన 28 ఏళ్ళ తర్వాత విడాకులు తీసుకోవడం సంచలనం గా మారింది. అయితే ఎఆర్ రెహమాన్ సింగర్, గిటార్ ప్లేయర్ మోహిని డే అనే యువతిలో ప్రేమలో ఉన్నాడని అందుకే తన భార్య సైరాభానుకి విడాకులు ఇచ్చాడని పలు వార్తలు వైరల్ అవుతున్నాయి.
అలాగే మరికొందరు మాత్రం ఎఆర్ రెహమాన్ కుటుంబలో గత కొన్నేళ్లుగా కలహాలు, విభేదాలు మొదలయ్యాయని ఈ కారణంగానే వివాహ బంధానికి గుడ్ బై చెప్పారని ప్రచారాలు చేస్తున్నారు.దీంతో ఎఆర్ రెహమాన్ ఈ విషయంపై స్పందించాడు.
ఇందులో భాగంగా నిజానిజాలు తెలుసుకోకుండా తప్పుడు ప్రచారాలు చేస్తున్నవారిపై లీగల్ గా చర్యలు తీసుకుంటానని అన్నాడు. అలాగే 24 గంటల్లోగా తనగురించి పబ్లిష్ చేసిన కంటెంట్ ని డిలీట్ చేయాలని లేకపోతే పరువు నష్టం దావా వేస్తానని హెచ్చరించాడు. ఈ క్రమంలో ఇప్పటికే పలు యూట్యూబ్ ఛానెల్స్, ఫేస్ బుక్ పేజ్ మేనేజర్స్ తదితరులకి లీగల్ నోటీసులు పంపంచినట్లు తెలుస్తోంది.
తన క్లైయింట్‌కు సంబంధించి యూట్యూబ్, ట్విట్టర్ (ఎక్స్), ఫేస్ బుక్, ఇన్ స్టాగ్రామ్, ఇతర ఆన్ లైన్ సోషల్ మీడియా, న్యూస్ మీడియాలో చేసిన అసత్యప్రచారానికి సంబంధించి మొత్తం కంటెంట్ తొలగించాలని న్యాయవాది నర్మదా సంపత్ నోటీసులో పేర్కొన్నారు.
దీంతో అభిమానులు ఎఆర్ రెహమాన్ కి సపోర్ట్ చేస్తున్నారు. అలాగే సినీ సెలెబ్రటీలకి ప్రవైట్ స్పేస్ ఉంటుందని కానీ కొందరు ఇది అర్థం చేసుకోకుండా వారిగురించి తప్పుడు ప్రచారాలు చేస్తున్నారని అలాంటివారికి ఎఆర్ రెహమాన్ సరిగ్గా బుద్ధి చెప్పాడని అంటున్నారు.
ఈ విషయం ఇలా ఉండగా ఎఆర్ రెహమాన్ డైవర్స్ పై అడ్వకేట్ వందన షా స్పందించింది. ఇందులో భాగంగా ఏఆర్ రెహమాన్ మోహిని డే తో ప్రేమలో ఉన్నట్లు వినిపిస్తున్న వార్తల్లో ఎలాంటి నిజం లేదని స్పష్టం చేసింది.
అలాగే విడాకుల కారణంగా ఇద్దరూ బాధ పడుతున్నారని, కానీ ఈ లవ్ ఎఫైర్ రూమర్స్ మరింత బాధ కలిగిస్తాయని కాబట్టి నిజానిజాలు తెలుసుకోకుండా మాట్లాడటం సరికాదని తెలిపింది. వ్యక్తిగత గోప్యతకు భంగం కలిగించవద్దని సైతం పేర్కొన్నా కొన్ని మీడియా సంస్థలు, సోషల్ మీడియాలో అసత్యాలు ప్రచారం చేయడంపై మండిపడ్డారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి