అనుష్క శెట్టి ప్రస్తుతం లేడీ ఓరియెంటెడ్‌ చిత్రాలతో రాణిస్తుంది. కానీ ఒకప్పుడు ఆమెని చూసి పేరెంట్స్ సన్యాసిలా మారిపోతుందా ఏంటి? అని భయపడ్డారట. మరి ఆ కథేంటో చూస్తే.
అనుష్క శెట్టి ఇటీవల చాలా సెలక్టీవ్‌గా సినిమాలు చేస్తుంది. `బాహుబలి` తర్వాత ఆమె సినిమాల జోరు తగ్గించింది. ఇంకా చెప్పాలంటే `సైజ్‌ జీరో` తర్వాత ఆమె సినిమాలు చేయడానికే ఇబ్బంది పడుతుంది. కారణం ఆమె బరువు. ఈ సినిమా వల్ల అనారోగ్య సమస్యలు ఫేస్‌ చేస్తుంది అనుష్క. బరువు తగ్గడం లేదు. దీంతో సినిమాలు చేయడానికి ఇబ్బంది పడుతుంది. వెయిట్‌ని కంట్రోల్‌ చేసుకుని మూవీస్‌ చేయడం పెద్ద సవాల్‌గా మారింది. అందుకే అనుష్క సినిమాల విషయంలో సెలక్టీవ్‌గా వెళ్తుంది.
గతేడాది `మిస్‌ శెట్టి మిస్టర్‌ పొలిశెట్టి` సినిమాలో నటించింది. నవీన్‌ పొలిశెట్టి హీరోగా రూపొందిన ఈ మూవీ మంచి ఆదరణ పొందింది. ఆ తర్వాత ఇప్పుడు `ఘాటి` సినిమాతో రాబోతుంది. క్రిష్‌ దర్శకత్వం వహిస్తున్న ఈ సినిమా గ్లింప్స్ ఇటీవలే విడుదలైంది. అనుష్క బర్త్ డే సందర్భంగా రిలీజ్‌ అయి ఆకట్టుకుంది. ఇందులో ఓ కొత్త అనుష్కని చూడబోతున్నామని చెప్పొచ్చు. చాలా క్రూరంగా ఆమె కనిపిస్తుండటం విశేషం.
ఇదిలా ఉంటే అనుష్క హీరోయిన్‌ కావడమనేది చాలా విచిత్రంగా జరిగింది. యోగా టీచర్‌ని పనిచేసే సమయంలో అనుకోకుండా ఆమెని పూరీ జగన్నాథ్‌, నాగార్జున చూసి మరో ఆలోచన లేకుండా సినిమాల్లోకి తీసుకొచ్చారు. నాగ్‌ అయితే మరీ ఫిదా అయిపోయాడట.
నటన రాదని చెప్పినా కూడా మనమే నేర్పిద్దామని చెప్పి తీసుకొచ్చారట. అయితే అనుష్క మాత్రం తాను ఎప్పుడూ సినిమాల్లోకి రావాలని అనుకోలేదట. కానీ తన యోగా టీచర్‌ మాత్రం ముందే చెప్పాడట. నువ్వు సినిమాల్లోకి వెళ్తావ్‌ అని, నటివి అవుతావని చెప్పాడట. ఆయన అన్నదే జరిగిందని చెప్పింది అనుష్క.
ముందు అనుష్క డాక్టర్‌ కావాలనుకుందట. కానీ అనుకోకుండా జియోగ్రఫీ సబ్జెక్ట్ తీసుకుని జాగ్రఫీ టీచర్‌గా పనిచేసిందట. కొన్నాళ్లు టీచింగ్‌ కూడా చేసిందట. డిగ్రీ చేస్తూ టీచింగ్‌ చేసిందట. ఆ సమయంలోనే తన యోగా గురువు భరత్ ఠాకూర్‌ కలిశారట. ఆయనతో పరిచయం యోగా వైపు తీసుకెళ్లిందని చెప్పింది అనుష్క.
యోగా క్లాసులకు వెళ్తున్నప్పుడు తనకు కావాల్సింది ఇదే అని, యోగా చేస్తున్నప్పుడు చాలా హ్యాపీగా అనిపించేదని, ఇదే తన లైఫ్‌ అని ఫిక్స్ అయ్యిందట. అయితే ఇంట్లో ఈ విషయం చెప్పినప్పుడు దెబ్బకి పేరెంట్స్ షాక్‌ అయ్యారట. నాన్న యోగా వైపు వెళ్లడమేంటి అని షాక్‌ అయ్యాడట.
అమ్మ మాత్రం భయపడిందట. సన్యాసిగా మారిపోతుందా ఏంటి? అని చాలా రోజులు ఆమె టెన్షన్‌ పడిందట. అయ్యో వద్దు వద్దు అని చాలా రోజులు చెప్పిందట. అలా యోగా చేస్తున్న క్రమంలో అవకాశాలు రావడం ప్రారంభమయ్యాయని తెలిపింది అనుష్క. ప్రదీప్‌ యాంకర్‌గా చేసిన కొంచెం టచ్ లో ఉంటే చెబుతా ఇంటర్వ్యూలో ఈ విషయాన్ని వెల్లడించింది అనుష్క.
యోగా టీచర్‌ నుంచి సినిమాల్లోకి వచ్చి ఇక్కడ తిరుగులేని స్టార్‌ హీరోయిన్‌గా ఎదిగింది స్వీటి. లేడీ ఓరియెంటెడ్‌ చిత్రాలతో స్టార్‌ హీరోలకు సమానమైన ఇమేజ్‌ ని, మార్కెట్‌ని సొంతం చేసుకుంది. ఓ రకంగా లేడీ సూపర్ స్టార్‌గా రాణిస్తుంది అనుష్క.
Read more: మోహన్ బాబు రిజెక్ట్ చేసిన సినిమాతో హిట్‌ కొట్టిన చిరంజీవి, పాపం కలెక్షన్‌ కింగ్‌ తలపట్టుకున్న వేళ
also read: అజిత్‌ మగాడేనా అంటూ సంచలనం రేపే కథనం, ఆసుపత్రిలో కొట్టుమిట్టాడుతున్న జర్నలిస్ట్ కి తలా సాయం
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి