Anushka New Movie Shooting: సెట్ లో అడుగు పెట్టబోతున్న అనుష్క, షూటింగ్ ఎప్పటి నుంచి అంటే...?

చాలా కాలం తరువాత ఈమధ్య అనుష్క పేరు గట్టిగా వినిపిస్తుంది. దానిక కారణం కూడా ఆమే చాలా కాలం తరువాత బయటకు రావడమే. ఇక షూటింగ్ సెట్ లోకి ఎంటర్ అవ్వడానికి రెడీ అవుతుంది స్వీటి. మరి ముహూర్తం ఎప్పుడో.. 

సౌత్ ఫిల్మ్ ఇండస్ట్రీలో స్టార్ హీరోలకు పోటీగా.. వారికి సమానంగా క్రేజ్ సంపాదించిన హీరోయిన్ అనుష్క శెట్టి. తెలుగు తమిళ భాషల్లో వరుస సినిమాలతో హడావిడి చేసింది అనుష్క. స్టార్ హీరోలకు జోడీగా సూపర్ హిట్ ఫిల్మ్స్ లో మెరిసిన బ్యూటీ.. విమెన్ సెంట్రిక్ మూవీస్ తో దుమ్మురేపి వదిలిపెట్టంది. 

ముఖ్యంగా అరుంధతి, భాగమతి వంటి లేడీ ఓరియెంటెడ్‌ సినిమాలతో మోస్ట్‌ పాపులారిటీ దక్కించుకున్న అనుష్క.. నిశ్శబ్దం మూవీ తర్వాత మరో సినిమాకు సంతకం చేయలేదు. చాలా కాలంగా  అనుష్క తెరపై కనిపించకపోవడంతో ఆమె అభిమానులు నిరాశలో ఉన్నారు. 

అయితే దాదాపు రేండేళ్ళతరువాత స్వీటి రీసెంట్ గా ఫ్యాన్స్ కు కనిపించింది. రాజమౌళి ఇచ్చిన ట్రిపుల్ ఆర్ సక్సెస్ పార్టీలో ఆమె కనిపించడంతె ప్యాన్స్ దిల్ ఖుష్ అయ్యారు. అంతే కాదు. ఆమె ఇక నుంచి ఇండస్ట్రీలో యాక్టీవ్ కాబోతున్నారంటూ వార్తలు కూడా వినిపించాయి. 

కొద్ది రోజులుగా అనుష్క ఈ సినిమా చేస్తుంది, ఆ సినిమాలో నటిస్తోందంటూ వార్తలు వస్తు‍న్నప్పటికీ.. వాటికి సంబంధించన అప్ డేట్స్ ఏవీ లేకపోవడంతో.. వాటి వట్టి పుకార్లుగా భావించి వదిలేశారు ఫ్యాన్స్. కానిఈసారి అనుష్క నిజంగానే సినిమా చేయబోతున్నట్టు తెలుస్తోంది. త్వరలె సెట్స్ లో అడుగు పెట్టబోతుందట జేజమ్మ.

ఈ నేపథ్యంలోనే అనుష్క యూవీ క్రియేషన్స్‌ బ్యానర్‌లో ఓ సినిమా చేస్తున్నట్లుగా ప్రకటన వచ్చింది. కానీ తర్వాత నుంచి ఎలాంటి అప్‌డేట్ లేదు. తాజాగా ఈ సినిమా షూటింగ్ కు సంబంధించి అప్ డేట్ ఇచ్చింది యూవీ క్రియేషన్స్. ఏప్రిల్‌ 4 నుంచి ఈ మూవీ కొత్త షెడ్యూల్‌ ను  షూటింగ్‌ ప్రారంభం కానుందని తెలిపింది. 

ఈ సినిమాలో అనుష్క శెట్టి తో పాటు యంగ్‌ హీరో నవీన్‌ పోలిశెట్టి కూడా నటిస్తున్నాడు. రారా.. కృష్ణయ్య ఫేమ్ దర్శకుడు మహేష్‌ బాబు పి డైరెక్ట్‌ చేస్తున్న ఈ సినిమాకు ఇంకా టైటిల్ ఫిక్స్ చేయలేదు. అయితే గతంలో యూవీ క్రియేషన్స్‌ బ్యానర్‌ లోనే అనుష్క మిర్చీ, భాగమతి సినిమాల్లో నటించింది. 

అభిమానులను అలరించడానికి సెకండ్ ఇన్నింగ్స్ స్టార్ట్ చేస్తోంది అనుష్క. ఈ సినిమా అనుష్కకు  48వ సినిమా. ఇక వరుసగా సినిమాలు చేసి.. హాఫ్ సెంచరీ పూర్తి చేస్తుందా లేక మళ్లీ గ్యాప్ ఇస్తుందా అనేది చూడాలి.