Prema Entha Madhuram: భయంతో వణికిపోతున్న ఎస్ఐ.. పట్టుదలతో అనుకున్నది సాధించిన అను!

Prema Entha Madhuram: జీ తెలుగులో ప్రసారమవుతున్న ప్రేమ ఎంత మధురం సీరియల్ మంచి కథ కథనాలతో ప్రేక్షకుల హృదయాలని గెలుచుకుంటుంది. తప్పు చేయకపోయినా తమ్ముని కోసం కటకటాల పాలైన భర్త కోసం తపన పడుతున్న ఒక భార్య కథ ఈ సీరియల్. ఇక ఈరోజు ఏప్రిల్ 20 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో నా భర్తని చూపించండి అంటూ ఎస్ఐ ని రిక్వెస్ట్ చేస్తుంది అను. ఆయన ఇక్కడ లేరు వేరే పోలీస్ స్టేషన్లో ఉన్నారు చెప్పిన మాట విను బయటకు వెళ్ళు అంటాడు ఎస్ఐ. మీరు ఎన్ని చెప్పినా వినను ఆయన ఇక్కడే ఉన్నారు రెండు నిమిషాలు మాట్లాడి వెళ్లిపోతాను దయచేసి అర్థం చేసుకోండి అంటూ కన్నీరు పెట్టుకుంటుంది అను.లేడీ కానిస్టేబుల్ ని పిలిపించి ఆవిడని బయటికి పంపించేయండి ఎంత చెప్పినా వినటం లేదు అంటాడు ఎస్ఐ. 

లేడీ కానిస్టేబుల్ అనుని బయటికి తీసుకెళ్లడానికి ప్రయత్నిస్తే వాళ్లను కూడా నా భర్తని చూపించండి  అంటూ బ్రతిమాలుతుంది. కావాలంటే రేపు పొద్దున్న కోర్టులో చూసుకుందువు గాని ఇప్పుడు చూడటం కుదరదు అంటూ ఆమెని బయటికి నెట్టేస్తారు లేడీ కానిస్టేబుల్స్.  అప్పుడే సెల్ లోంచి వచ్చిన ఇద్దరు కానిస్టేబుల్స్ ఎంత అడిగినా అతను నిజం చెప్పటం లేదు మొండికేస్తున్నాడు మా వల్ల కావడం లేదు అంటూ ఎస్ఐకి చెప్తారు. నేనే చూసుకుంటాను అని చెప్పి ఆర్య దగ్గరికి వెళ్లి   ఇది ఏమైనా నీ గెస్ట్ హౌస్ అనుకుంటున్నారా ఇక్కడ నేను చెప్పినట్లు వినాలి మాతోపాటు రండి అంటాడు ఎస్ఐ. కోర్టుకి కావాలంటే రేపు పొద్దున్న వస్తాను.

ఇప్పుడు మాత్రం నేను ఎక్కడికి కథలను అంటాడు ఆర్య. మీరు చెప్పినట్లు మేం వినడం కాదు మేము చెప్పినట్లు మీరు వినండి అంటాడు ఎస్ఐ. మీరు లీగల్ గా ఏం చెప్పినా నేను చేస్తాను మీరు ఎవరో చెప్పినట్లు చేస్తే మీరు చెప్పిన పని నేను చేయను అయినా వేరే స్టేషన్ కి తీసుకెళ్లడానికి నోటీసు ఏది అని అడుగుతాడు ఆర్య. ఇందులో ఆ అనామకురాలు ఎస్సై కి ఫోన్ చేసి నేను చెప్పిన పని త్వరగా పూర్తి చేయు లేకపోతే నీ కూతురు నీకు దక్కదు అంటూ బెదిరిస్తుంది. ఇక్కడ ఇతను చెప్పిన మాట వినటం లేదు ఈవిడేమో ఫోన్ చేసి చంపేస్తుంది ఎక్కడ ఎలాంటి తేడా వచ్చినా నష్టపోయేది నా కుటుంబమే అంటూ టెన్షన్ పడతాడు ఎస్ఐ. 

మరోవైపు మదన్ తన దగ్గర వర్క్ చేసే వ్యక్తి తెచ్చిన ఫైల్స్ మీద సైన్ చేస్తూ ఉంటాడు. వచ్చిన వ్యక్తి ఆనంద్ మన దగ్గర ఉంటే మనకి హెల్ప్ అవుతుంది సార్. అతను చేయి పెడితే ఏ ప్రాజెక్ట్ అయినా సక్సెస్ అవ్వాల్సిందే అతను రేసుగుర్రం లాంటి వాడు అంటాడు. అతను రేసుగుర్రం అయితే నేను సింహాన్ని నాకు ఏ రేసుగుర్రంతోనో పనిలేదు అవసరమైతే వందమంది పని వాళ్ళని పెట్టుకుని చేయించుకుంటాను నువ్వు నోరు మూసుకొని ఇక్కడ నుంచి వెళ్ళు అంటూ ఫైల్ విసిరేస్తాడు మదన్. ఏమీ చేయలేక ఫైలు తీసుకుని వెళ్ళిపోతాడు  ఆ వ్యక్తి. ఈ మాటలు అన్ని వింటున్న అంజలి తమ్ముడు కోసం ఆనంద్  జైలు పాలయ్యారు ఇలాంటి పరిస్థితి ఎవరికి రాకూడదు అంటుంది.

అతని గురించి అంత పాజిటివ్గా ఆలోచిస్తున్నావు ఏంటి సంగతి అని అడుగుతాడు మదన్. అలాంటిది ఏమీ లేదు ఆయన అంటే నాకు ఒకలాంటి గౌరవం రెండు టేబుల్స్ తో ఆఫీస్ ని స్టార్ట్ చేసి వేలకోట్ల సామ్రాజ్యంగా మార్చిన వ్యక్తి ఆయన అసలు ఇక్కడ ఉండవలసిన వ్యక్తి కాదు అంటుంది అంజలి. యూఎస్ లో ఆర్య కంపెనీలు ఫ్రాడ్ అని ఒక పేపర్లో  వచ్చింది. అదే న్యూస్ ఇండియాకి కూడా స్ప్రెడ్ అయితే ఇంక అతని కంపెనీ అధోగతే  అంటాడు మదన్. ఆయన కంపెనీ ఎప్పుడు ఏ పొజిషన్లో ఉంటుందో ముందు ముందు తెలుస్తుంది అంటూ కోపంగా అక్కడి నుంచి వెళ్ళిపోతుంది  అంజలి. 

మరోవైపు  తన భర్తని చూపించమని మొండిగా స్టేషన్ బయట నుంచి ఉంటుంది అను. నిన్ను చూస్తే జాలేస్తుంది నీ బిడ్డ కోసమైనా దయచేసి ఇక్కడి నుంచి వెళ్ళిపో అంటుంది కానిస్టేబుల్. ఎంత చెప్పినా వినకపోవడంతో ఆర్య దగ్గరికి వెళ్లి నీ భార్య బయట మొండిగా నిన్ను చూడాలని పట్టు పడుతుంది ఆమె మీద జాలితో చెప్తున్నాను ఎస్సైతో  మాట్లాడి పంపించండి అని చెప్తుంది కానిస్టేబుల్. ఏం మాట్లాడుతున్నారు తను ఇక్కడ ఎందుకు ఉంది అంటూ కంగారుగా  ఎస్ఐ గారు మీరు చేస్తున్నది తప్పు తను ప్రెగ్నెంట్ లేడీ తనని ఇబ్బంది పెట్టవద్దు అంటూ గట్టిగా మాట్లాడతాడు.

ఆ గొంతు విన్న అను, ఆర్య సార్ అనుకుంటూ స్టేషన్ లోపలికి వస్తుంది. కానిస్టేబుల్స్ తో ఆమెని బయటికి నెట్టేయబోతుంటే అప్పుడే అక్కడికి పై ఆఫీసర్ అక్కడికి వస్తారు. అను ద్వారా జరిగింది తెలుసుకొని రెండు నిమిషాలు మాట్లాడితే ఏంటి నీ ప్రాబ్లం అని ఎస్ఐ ని మందలించి అనుని లోపలికి పంపిస్తాడు. అను, ఆర్యతో మాట్లాడి మిమ్మల్ని ఇలా చూడటం నాకు బాధగా ఉంది అంటూ కన్నీరు పెట్టుకుంటుంది.ఎందుకు ఇంత పట్టు పడుతున్నావు వెళ్ళిపోవచ్చు కదా మన బేబీ కోసమైనా ఆలోచించాలి కదా అంటాడు ఆర్య. మీరు నా దేవుడు మిమ్మల్ని చూడకుండా ఎలా ఉండగలను అంటుంది అను. తర్వాత ఏం జరిగిందో రేపు ఎపిసోడులో చూద్దాం.