అమెరికా బిజినెస్ మెన్ తో హీరోయిన్ అంజలి పెళ్లి...? క్లారిటీ ఇచ్చిన బ్యూటీ

వరుస సినిమాలతో దూసుకుపోతోంది  హీరోయిన్ అంజలి. హీరోయిన్ గా .. క్యారెక్టర్ ఆర్టిస్ట్ గా  సందడి చేస్తోంది బ్యూటీ. ఇక ఈ మధ్య అంజలి పెళ్ళి రూమర్స్ పెరిగిపోయాయి. ప్రస్తుతం అజంలి పెళ్ళికి సబంధించి కొత్త రూమర్ వినిపిస్తోంది.   

హీరోయిన్ అంజలి గురించి  ప్రత్యేకంగా  చెప్పనక్కర్లేదు.  హీరోయిన్ గా.. క్యారెక్టర్‌ ఆర్టిస్టుగా.. వరుస ఆఫర్లు సాధిస్తోంది. సౌత్ లో మంచి గుర్తింపు సాధించిన అంజలీ. తెలుగు, తమిళంలో వరుస సినిమాలు చేస్తోంది.  అయితే గత కొద్ది రోజులుగా అంజలీ పెళ్ళి పై రకరకాల వార్తలు వినిపిస్తున్నాయి. 

అంజలి హీరో జైతో ప్రేమలో ప్రేమలో ఉంది అని.. ఇద్దరు పెళ్ళి కూడా చేసుకోబోతున్నట్టు తమిళనాట చాలా వార్తలు స్ప్రెడ్ అయ్యాయి. కాని కొన్నాళ్లకు ఈ వార్తలకు పుల్ స్టాప్ పడింది. అయితే అంజలి పెళ్ళి వార్తలు మాత్రం అప్పడప్పుడు బయటకు వస్తూనే ఉన్నాయి. 

మరో వైపు హీరోయిన్‌గా వరుస ప్రాజెక్ట్‌లు చేస్తూ దక్షిణాదిన మంచి గుర్తింపు తెచ్చుకుంది అంజలి. కొన్నాళ్లు సినిమాలకు గ్యాప్ ఇవ్వడంతో.. అంజలి పని అయిపోయింది.. ఇక తరువాత పెళ్ళై అంటూ వార్తలు వచ్చాయి. అంతే కాదు.. కొన్ని రోజులుగా అంజలికి ఇది వరకే పెళ్లి అయిపోయిందని, అంజలి భర్త అమెరికాలో ఉంటున్నాడని రకరకాల వార్తలు వైరల్ అయ్యాయి.  

అయితే ఈ వార్తలపై  అంజలి స్పందిస్తూ.. వాటిలో నిజం లేదని, ప్రస్తుతానికి తనకు పెళ్లి చేసుకునే ఆలోచన లేదని వెల్లడించింది. అయితే పెళ్లి మాత్రం కచ్చితంగా చేసుకుంటానని, సమయం వచ్చినప్పుడు అందరికీ తప్పకుండా చెబుతానని పేర్కొంది. దీంతో అంజలి పెళ్ళి వార్తలకు ఫుల్‌ స్టాప్‌ పడింది.

పేరుకు తెలుగు నటినే అయిన అంజలి తమిళనాట మంచి క్రేజ్‌ తెచ్చుకుంది. అక్కడే హీరోయిన్ గా సెటిల్ అయ్యింది. అప్పుడుప్పుడు తెలుగులో మెరుపులు మెరిపిస్తూ.. హడావిడి చేసింది.  ఫోటో సినిమాతో సినిమాల్లోకి ఎంట్రీ ఇచ్చిన అంజలి.. ఆతర్వాత టాలీవుడ్‌లో అవకాశాలు రాకపోవడంతో కోలీవుడ్‌కు మకాం మార్చింది. 

కట్రదు తమిజా అనే తమిళ సినిమాతో కోలీవుడ్  ఎంట్రీ ఇచ్చింది అంజలి. మొదటి సినిమాతోనే సూపర్‌ సక్సెస్‌ సాధించింది. దాంతో వరుసగా తమిళంలోనే సినిమాలు చేస్తూ వచ్చింది. మళ్ళీ ఏడేళ్లకు సీతమ్మ వాకిట్లో సిరిమల్లె చెట్టు సినిమాతో తెలుగులోకి రీ ఎంట్రీ ఇచ్చింది. ఈ సినిమా సక్సెస్  సాధించడంతో తెలుగులో కూడా  మంచి గుర్తింపు వచ్చింది. 

దాంతో అటు కోలీవుడ్‌లో, ఇటు టాలీవుడ్‌లో వరుస ప్రాజెక్ట్‌లతో బిజీ బిజీగా మారింది. ప్రస్తుతం అంజలీ ఈమె రామ్‌చరణ్‌ హీరోగా శంకర్ డైరెక్షన్ లో రూపొందుతున్న  ఆర్‌సీ15లో కీలకపాత్రలో నటిస్తోంది. అంజలి ఖాతాలో మరికొన్ని సినిమాలున్నాయి.