మస్త్ జబర్థస్త్ యాంకర్ రష్మి గౌతమ్ ఎప్పుడూ ఏదో వివాదాల్లో న్యూస్ ఐటమ్ అవుతూనే ఉంటుంది. ఇక రీసెంట్ గా ఓ నెటిజన్ రష్మిని టార్గెట్ చేసి ట్రోల్ చేయగా.. అతనికి దిమ్మతిరిగి మైండ్ బ్లాక్ అయ్యేలా కౌంటర్ ఇచ్చింది బ్యూటీ.
జ‌బ‌ర్ద‌స్త్, ఎక్ట్సట్రా జబర్థస్త్ యాంకర్ గా తెలుగు రాష్ట్రాల్లో రష్మి పేరు తెలియనివాళ్ళు ఉండరు. ఈ కామెడీ షో ఆమెకు ఎంతో పేరు తీసుకుని వచ్చింది. అయితే ఈ బుల్లి తెర ప్రోగ్రాంగ్స్ తో పాటు సినిమాల్లో కూడా నటించి మెప్పించింది రష్మి. అంతే కాదు సోషల్ మీడియాలో అందాల ఆరబోతతో రచ్ చర్చ చేస్తోంది.
ఇక ప్రస్తుతం అన‌సూయ జ‌బ‌ర్ద‌స్త్ కు గుడ్ చెప్పడంతో.. రెండు జబర్ధస్త్ ప్రోగ్రామ్స్ కు రష్మి మాత్రం యాంకర్ గా కంటీన్యూ అవుతుంది. ఇటు జబర్థస్త్ చేస్తూనే.. మ‌రోవైపు సినిమాలలో కూడా ఛాన్స్ లు అందుకుంది. గుంటూరు టాకీస్ లాంటి బోల్డ్ సినిమాలలో నటించి మెప్పించింది రష్మీ గౌతమ్.
సోషల్ మీడియాలో ఫుల్ యాక్టివ్ గా ఉంటూ.. ఎప్పటికప్పుడూ అభిమానుల‌కు ద‌గ్గ‌ర‌గా ఉంటోంది.తన అభిప్రాయాలు ఎప్పటికప్పుడు నెట్టింట్లో వెల్లడిస్తూ ఉంటుంది. ఎవరు ఎలాంటి ట్రోల్ చేసినా.. వారి బుర్ర తిరిగిపోయేలా కౌంటర్ ఇవ్వడంతో కూడా ఆమెకు ఆమే సాటి. ఇలా రీసెంట్ గా రష్మీని హిందూ వ్యతిరేకి అని విమర్షించిన నెటిజం నోరు మూయించింది చిన్నది.
రష్మి గౌతమ్ జంతు ప్రేమికురాలు. ఎవరన్నా జంతువులను హింసిస్తే.. ఆమె వెంటనే స్పందిస్తుంది.. ఇలా చాలా విషయాల్లో తాను సోషల్ మీడియా ద్వారా స్పందించింది. ముఖ్యంగా.. లాక్ డైన్ స‌మ‌యంలో రష్మి కుక్క‌ల‌కు వంట చేసి మ‌రీ ఆహారం పెట్టింది. అంతే కాకుండా జంతువులను హింసించే వారి పై సోషల్ మీడియాలో ఫైర్ అవుతూ ఉంటుంది.
ఇక తాజాగా గుజరాత్ లో జరిగిన ఓ సంఘటనపై స్పందించింది రష్మి. ఓభారీ వినాయ‌కుడి విగ్రహానికి ఓఏనుగుతో పూలమాల వేయించారు. ఇక వెంటనే ఈ వీడియో ను షేర్ చేసిన రష్మి ఇలా పూలు వేసేట‌ప్పుడు.. ఆ ఏనుగు ఎంత ఇబ్బంది పడిందో అంటూ ఆవేద‌న వ్య‌క్తం చేసింది. ఈ పోస్ట్ చూసిన ఓ నెటిజన్ రష్మీకి రిప్లై ఇచ్చాడు. మీరు జంతు ప్రేమికులు కాద‌ని తెలుసు. మీరు హిందూ వ్య‌తిరేఖి అంటూ కామెంట్ పెట్టాడు.
ఆ కామెంట్ తో మండిపడిన రష్మీ దానికి గట్టిగా కౌంటర్ ఇచ్చింది. తాను నందిని, గోమాత‌ను పూజిస్తాన‌ని చెప్పింది. అందుకే తాను లెద‌ర్ తో చేసిన వ‌స్తువుల‌ను ఉప‌యోగించ‌న‌ని పేర్కొంది. అంతే కాకుండా తాను పాలతో తయారు చేసిన పదార్ధాలు కూడా తిననని చెప్పింది. అలాంటి వ‌స్తువుల‌ను కూడా తాను ఉప‌యోగించ‌ను అంటూ దిమ్మతిరిగేలా కౌంటర్ ఇచ్చింది.
ప్రస్తుతం రష్మీ ఇచ్చిన ఈసమాధానం నెట్టింట తెగ వైరల్ అవుతోంది. కొంత మంది ఆమెకు సపోర్ట్ చేస్తూ.. భలే సమాధానం చెప్పావనగా.. మరికొంత మంది మాత్రం నెగెటీవ్ కామెంట్స్ పెడుతున్నారు.