Anasuya : ఏందిరా బై మీ లొల్లి అంటూ రెచ్చిపోయిన అనసూయ.. రిపబ్లిక్ డే వివాదంలో స్టార్ యాంకర్

ఒక పక్క స్టార్ యాంకర్ గా రాణిస్తూనే.. మరో పక్క వెండితెరపై మెరుపులు మెరిపిస్తుంది అనసూయ(Anasuya). సోషల్ మీడియాలో ఫుల్ యాక్టీవ్ గా ఉండే ఈ ముద్దుగుమ్మపై ఎన్నో వివాదాలు.. ఆమే ఏం చేసినా.. అది కాంట్రవర్సీ అవుతోందీమధ్య.

Anasuya Bharadwaj

అనసూయ(Anasuya)బుల్లి తెర ప్రేక్షకులకు పరిచయం అవసరం లేని పేరు. సొగసుల సునామీతో కుర్రాళ్ళను ముంచెత్తుతూ.. అందాలతో విందులు చేసే ఈ స్టార్ యాంకర్.. అటు టీవీ షోలు.. ఇటు సినిమాలు.. మరో వైపు సోషల్ మీడియాలో కూడా రచ్చ రచ్చ చేస్తుంది. ఏదో చేయాలి అనకుంటూ ఆమె పెట్టే పోస్ట్ లు వివాదాలకు దారి తీస్తున్నాయి.

రీసెంట్ గా రిపబ్లిక్​ డే(Republic Day) సందర్భంగా అనసూయ(Anasuya) పెట్టిన పోస్ట్ కు  నెటిజన్లు మండిపడుతున్నారు. క్లారిటీ ఇద్దామనుకున్న ట్రోలింగ్​ ఆగట్లేదు. ఇంతలా వాళ్లు ట్రోల్స్ చేయడానికి కారణం ఏంటీ అంటే..? అనసూయ జాతీయ గేయాన్ని నిలుచుని పాడకుండా కుర్చీలో కూర్చొని పాడింది. జాతీయ గీతం, జాతీయ గేయం ఏదైనా సరే మనం గౌరవిస్తూ.. అవి పాడే సమయాల్లో లేచి నిల్చుంటాం. అనసూయ(Anasuya) అలా చేయకుండా కూర్చొని పాడేసరికి నెటిజన్లకు కోపం వచ్చేసింది. కామెంట్ల రూపంలో విరుచుకుపడటం మొదలు పెట్టారు.  

ఇక ఇది చాలదు అన్నట్టు  అనసూయ వేసుకున్న టీషర్ట్​ మీద గాంధీ బొమ్మ ఉండటంతో గాంధీ బొమ్మ ఎందుకు వేసుకున్నావ్​.. ఈరోజు అంబేడ్కర్​ రాసిన రాజ్యాంగం అమల్లోకి వచ్చింది. రాజ్యాంగానికి గాంధీకి సంబంధం ఏంటని కామెంట్ పెట్టారు.ఇలా వరుసగా రకరకాల కామెంట్లు వచ్చేశాయి. దాంతో అనసూయకు ఏం చేయాలో పాలుపోలేదు.  

ఈ కామెంట్లకు విసిగిపోయిన  అనసూయ (Anasuya) రెండు విషయాల్లో క్లారిటీ ఇవ్వడానికి ప్రయత్నం చేసింది. ముందుగా జాతీయగీతం కూర్చుని పాడినందకు రియలైజ్ అయిన యాంకర్.. ఒక ​ కామెంట్​కు రిప్లై ఇస్తూ.. లేదు.. నేనే సారీ చెబుతున్నా... ఇదంతా చూస్తుంటే నేను నిల్చోకుండా పాడినందుకు చాలా మంది హర్ట్​ అయినట్టున్నారు. అంటూ కామెంట్ చేసింది.

ఇక అలాగే టీ షర్ట్​పై గాంధీ బొమ్మపై వచ్చిన కామెంట్లపై ఫుల్ ఫైర్ అయ్యింది అనసూయ(Anasuya) అరే ఏందిరా బై మీ లొల్లి.. నేషనల్ ఆంథమ్ అంటారు. గాంధీకి రాజ్యాంగానికి సంబంధం ఏంటని అంటారు. మరి జనగణమణ ఏంది.. ఆగస్ట్​ 15, 1947 తర్వాతే జనవరి 26, 1950 అయింది. కొంచెం బుర్ర అద్దెకు తెచ్చుకోనన్నా మాట్లాడండి. హ్యాపీ రిపబ్లిక్​ డే అని ఘాటుగా రిప్లై ఇచ్చింది అనసూయ(Anasuya). 

అటు యాంకర్ గా.. ఇటు యాక్ట్రస్ గా సక్సెస్ ఫుల్ లైఫ్ ను లీడ్ చేస్తుంది అనసూయ(Anasuya). డిఫరెంట్ క్యారెక్టర్స్ ఆమెను వెతుక్కుంటూ వస్తున్నాయి. రీసెంట్ గా పుష్ప సినిమాలో దాక్షాయని పాత్రలో అద్భుతంగా చేసింది అనసూయ(Anasuya). గతంలో రంగంస్థలం మూవీలో రంగమ్మత్తగా బాగా పాపులర్ అయ్యింది. ఇలా వరుసగా డిఫరెంట్ పాత్రలు చేస్తూ... దూసుకుపోతోంది అనసూయ.

వీటితో పాటు సోషల్ మీడియాలో కూడా అప్పుడప్పుడూ రెచ్చిపోతుంది స్టార్ యాంకర్. హద్దులు లేని.. అందాలప్రదర్శనతో హడావిడి చేస్తుంది. తన డ్రెస్సింగ్ స్టైల్ తో మన్మధుడికి కూడా మతిపోయేలా ఫోజులు ఇస్తూ.. సందడి చేస్తుంటుంది. ఈ విషయంలో కూడా పలు వివాదాలు ఆమెను చుట్టు ముట్టాయి. ఆమె డ్రెస్సింగ్ స్టైల్ ను కూడా కామెంట్ చేస్తూ.. నెటిజన్లు మండిపడిన సందర్భాలు చాలా ఉన్నాయి.