సోషల్‌ మీడియాలో తరచూ హాట్‌ టాపిక్‌గా మారే అనసూయ ఇప్పుడు మరోసారి క్రేజీ పోస్ట్ పెట్టింది. అలాంటి కామెంట్లు చేసేవారికి ఇదే సమాధానం అంటూ ఆమె పోస్ట్ పెట్టింది.
మాజీ జబర్దస్త్ యాంకర్‌ అనసూయ.. మహిళలకు సంబంధించిన ప్రతి అంశంపై స్పందిస్తుంది. తన ముందు అన్యాయం జరిగితే ఊరుకోరు. ఏ సందర్భంలో అయినా ఆమె రియాక్ట్ అవుతుంది. దీని కారణంగా ఆమె చాలా సార్లు విమర్శలపాలవుతుంది. చాలా ట్రోల్స్ కి గురయ్యింది. కానీ తాను స్పందించడం మాత్రం మానదు.
జబర్దస్త్ మానేసి సినిమాల్లో బిజీ అయ్యింది అనసూయ భరద్వాజ్‌. బలమైన పాత్రల్లో నటిస్తూ నటిగా మెప్పిస్తుంది. తన విశ్వరూపం చూపిస్తుంది. విలక్షణ పాత్రలు పోషిస్తూ ఆకట్టుకుంటుంది. నెగటివ్‌ రోల్స్, బోల్డ్ రోల్స్, పాజిటివ్‌ రోల్స్ ఇలా పాత్ర ఏదైనా తాను రెడీ అంటుంది. అంతేకాదు స్పెషల్‌ సాంగ్‌ల్లోనూ మెరుస్తూ అదరగొడుతుంది.
తాజాగా ఆమె సోషల్‌ మీడియాలో పెట్టిన పోస్ట్ వైరల్ అవుతుంది. మరో రచ్చకి కారణమవుతుంది. ఇన్‌స్ట్రామ్‌లో ఆమె ఓ వీడియోని పంచుకుంది. ఇందులో 60ఏళ్ల మహిళ అందాల పోటీల్లో టైటిల్ ని గెలుచుకుంది. ఆమె ఎంతో మంది మహిళలకు స్పూర్తిగా నిలుస్తుంది. ఈ వీడియో వైరల్ అవుతుంది.
అయితే ఈ వీడియోని ఉద్దేశిస్తూ అనసూయ ఓ కామెంట్ చేసింది. ఈ వీడియో ఎంతో మందికి సమాధానం అని తెలిపింది. ఇలానే సమాధానం చెబుతూ ఉండాలని పేర్కొంది. సెక్సీస్ట్ లు, బాడీ షేమింగ్ కామెంట్లు చేసే వారిని ఉద్దేశించి అనసూయ ఈ కామెంట్ చేయడం విశేషం.
ఆడవాళ్లకి పెళ్లైందని, పిల్లలున్నారుగా, 30ఏళ్లు దాటాయిగా, ఇంట్లో నుంచి బయటకు వెళ్లి ఏం చేస్తారు, ఇంట్లో ఉండొచ్చుగా అని మహిళలను ఉద్దేశించి కామెంట్లు చేసే వారికి ఇలానే సమాధానం చెప్పాలని అనసూయ కామెంట్ చేయడం విశేషం. ప్రస్తుతం ఆ వీడియోతోపాటు అనసూయ కామెంట్ పోస్ట్ కూడా వైరల్ అవుతుంది. మరి ఇది మున్ముందు ఎలాంటి రచ్చకి కారణమవుతుందో చూడాలి.
అనసూయ.. ప్రస్తుతం `పుష్ప2`లో నటిస్తుంది. దాక్షాయణి పాత్రతో అలరించబోతుంది. దీంతోపాటు తెలుగు మరో రెండు మూడు సినిమాలకు కమిట్‌ అయ్యిందని సమాచారం. అలాగే తమిళంలో సినిమా చేస్తుంది. కానీ గతంతో పోల్చితే అనసూయ కి ఆఫర్లు తగ్గాయనిపిస్తుంది. అవకాశాలు రావడం లేదా? సెలక్టీవ్‌గా వెళ్తుందా అనేది ఆసక్తికరంగా మారింది.