సినిమా షూటింగ్ జరుగుతున్నప్పుడు హీరోలకు, హీరోయిన్లకు కేర వ్యాన్ లు తప్పనిసరిగా ఉండాలి. ఒకప్పుడు ఎలాగోలా షూటింగ్స్ జరిగిపోయేవి. కానీ ఇప్పుడు స్టార్లు లగ్జరీ కేరవాన్ లు ఉపయోగిస్తున్నారు.
సినిమా షూటింగ్ జరుగుతున్నప్పుడు హీరోలకు, హీరోయిన్లకు కేర వ్యాన్ లు తప్పనిసరిగా ఉండాలి. ఒకప్పుడు ఎలాగోలా షూటింగ్స్ జరిగిపోయేవి. కానీ ఇప్పుడు స్టార్లు లగ్జరీ కేరవాన్ లు ఉపయోగిస్తున్నారు. కేరవాన్ లు కేవలం స్టార్ సెలెబ్రెటీలకు మాత్రమే పరిమితం.
ఇతర నటీనటులకు అందులో ప్రవేశం ఉండదు. కొన్ని షూటింగ్ లొకేషన్స్ లో సరైన సదుపాయాలు లేక నటీనటులు పడే ఇబ్బదులు అన్నీ ఇన్నీ కావు. ముఖ్యంగా మహిళా ఆర్టిస్టులకు చాలా కష్టం అవుతుంది. కాస్ట్యూమ్ మార్చుకోవాలన్నా ప్రైవేట్ ప్లేస్ ఉండని పరిస్థితి ఉంటుంది. ఎంత ఇబ్బంది ఉన్నా స్టార్ హీరోలు, హీరోయిన్ల కేరవాన్ లోకి ఇతరులకు ప్రవేశం ఉండదు.
స్టార్ హీరోయిన్ అమలాపాల్ వల్ల తనకి ఎదురైన చేదు అనుభవాన్ని ప్రముఖ హెయిర్ స్టైలిస్ట్ హేమ ఓ ఇంటర్వ్యూలో తెలిపారు. అమలాపాల్ బిహేవియర్ పట్ల ఆమె సంచలన వ్యాఖ్యలు చేశారు. చెన్నైలో ఒక లొకేషన్ లో షూటింగ్ జరుగుతోంది.
ఎండాకాలం కావడంతో ఎండలు మండిపోతున్నాయి. అక్కడ కూర్చోవడానికి ఒక్క చెట్టు కూడా కనిపించలేదు. కానీ అమలాపాల్ కి వ్యానిటి వ్యాన్ ఉంది. ఆ వ్యానిటి వ్యాన్ రెండు భాగాలుగా ఉంది. ఒక వైపు అమలాపాల్ కోసం.. మరోవైపు ఆర్టిస్టుల కోసం ఉంది.
ఎండలు ఎక్కువగా ఉండడంతో మేము అందులో కూర్చున్నాం. అది అమలాపాల్ చూశారు. వెంటనే తన మేనేజర్ ని పిలిచి మమ్మల్ని అక్కడి నుంచి గెంటేసింది. మేము ఒకరినొకరు చూసుకుని ఆశ్చర్యపోయాం. ఇంత ఎండల్లో ఎక్కడ ఉండాలో కూడా అర్థం కాలేదు అని హెయిర్ స్టైలిస్ట్ హేమ తెలిపింది.
కానీ తాను పనిచేసిన వారిలో హీరోయిన్ టబు చాలా మనసున్న వ్యక్తి అని పేర్కొంది. ఆమె మాలాంటి మేకప్, హెయిర్ స్టైలిస్ట్ ల కోసం టబు ప్రత్యేకంగా వ్యాన్ బుక్ చేసేవారు అని హెయిర్ స్టైలిస్ట్ హేమ తెలిపారు.