నాగార్జున కంటే ముందు అమల ఆ హీరోని ప్రేమించిందా .. ఆమె ఫస్ట్ లవ్ ఎవరో తెలుసా?

హీరోయిన్ అమల అక్కినేని నాగార్జునను ప్రేమ వివాహం చేసుకున్న విషయం తెలిసిందే. కానీ నాగార్జున కంటే ముందు అమల మరో హీరోని ప్రేమించిందట.   

Nagarjuna

అక్కినేని నాగార్జున సతీమణి అమల గురించి ప్రత్యేకంగా పరిచయం అవసరం లేదు. ఒకప్పుడు  స్టార్ హీరోయిన్ గా సినీ ఇండస్ట్రీలో మంచి గుర్తింపు సంపాదించుకుంది. కిరాయి దాదా సినిమాతో తెలుగు పరిశ్రమలో అడుగు పెట్టింది. ఈ సినిమాలో నాగార్జున హీరోగా నటించాడు. కిరాయి దాదా మంచి విజయం సాధించడంతో ఆఫర్లు క్యూ కట్టాయి. స్టార్ హీరోలు చిరంజీవి, వెంకటేష్, రాజశేఖర్ లతో సినిమాలు చేసింది. రక్త తిలకం, అగ్గి రాముడు, రాజా విక్రమార్క, ఆగ్రహం వంటి సినిమాల్లో నటించింది. 

ఆ తర్వాత చినబాబు, శివ, నిర్ణయం, ప్రేమ యుద్ధం ఇలా వరుసగా నాగార్జున - అమల కలిసి నటించారు. ఆ సమయంలో వారి మధ్య ఏర్పడిన పరిచయం ప్రేమగా మారింది. ఇక ఇరు కుటుంబ పెద్దల అంగీకారంతో పెళ్లి చేసుకున్నారు. 1992లో వీరి వివాహం జరిగింది. పెళ్లి తర్వాత అమల సినిమాలకు పూర్తిగా దూరం అయింది.  కాగా ఈ దంపతులకు అఖిల్ జన్మించాడు. అఖిల్ సైతం హీరోగా రాణిస్తున్న సంగతి తెలిసిందే. ఇది ఇలా ఉంటే .. అమల మొదటి ప్రేమ నాగార్జున కాదట. 

ఆయన కంటే ముందు మరో స్టార్ హీరోతో అమల లవ్ లో ఉందట. అతనితో బ్రేకప్ కావడంతో ఆమె నాగార్జున ని ప్రేమించారట. ఆ హీరో ఎవరు. ఏంటి. ఆ వివరాల్లోకి వెళితే .. అప్పట్లో అమల  తెలుగు, తమిళ, మలయాళ  సినిమాల్లో నటించింది. తమిళ హీరో కార్తీక్ తో అమల ప్రేమలో పడ్డారనే వార్తలు అప్పట్లో బాగా వినిపించాయి. కార్తీక్ తో అమల ' ఘర్షణ ' సినిమాలో కలిసి నటించింది. అలా ఏర్పడిన పరిచయమే ప్రేమకు దారి తీసింది. 

అమల - హీరో కార్తీక్ ప్రేమలో ఉన్నారంటూ బాగా పుకార్లు వచ్చాయి. వీరి సీక్రెట్ లవ్ గురించి అమల క్లోజ్ ఫ్రెండ్స్ కి తప్ప ఎవరికీ తెలియదట. కొంతకాలానికి ఇద్దరికీ బ్రేకప్ కావడంతో మళ్లీ కోలీవుడ్ ఇండస్ట్రీలో అమల అడుగుపెట్టలేదు. తెలుగులోనే సినిమాలు చేస్తూ నాగార్జునని పెళ్లి చేసుకుని టాలీవుడ్ లో సెటిల్ అయింది. అమల ప్రేమ వార్తల్లో నిజమెంత ఉందో తెలియదు కాదు నెట్టింట బాగా వైరల్ అవుతుంది. 

కాగా నాగార్జున అమలను రెండో వివాహం చేసుకున్నాడు. ఆయన మొదటి భార్య డి. రామానాయుడు కుమార్తె  దగ్గుబాటి లక్ష్మి. 1984లో వీరికి వివాహం జరిగింది. 1986లో నాగార్జున - లక్ష్మి దంపతులకు నాగ చైతన్య జన్మించాడు. ఏవో మనస్పర్థల  కారణంగా కొన్నాళ్లకు విడిపోయారు. అనంతరం నాగార్జున  అమల ను ప్రేమించి పెళ్లి చేసుకున్నాడు. ప్రస్తుతం నాగార్జున సినిమాలతో బిజీగా ఉన్నారు. కుబేర మూవీలో నటిస్తున్నారు. త్వరలో కింగ్  బిగ్ బాస్ సీజన్ 8 హోస్ట్ గా అలరించనున్నారు.