Allu Arjun: రామ్‌ చరణ్‌ హీరోయిన్‌తో అల్లు అర్జున్‌ రొమాన్స్, పోటీ కోసం దించిన కోలీవుడ్‌ స్టార్‌ డైరెక్టర్‌ ?

Allu Arjun-Atlee Movie: అట్లీ దర్శకత్వం వహించనున్న కొత్త చిత్రంలో అల్లు అర్జున్ హీరోగా నటిస్తున్నారు. ఆయన సరసన నటించబోయే హీరోయిన్ ఎవరనేది ఇప్పుడు తెలిసిపోయింది.

allu arjun, atlee

Allu Arjun-Atlee Movie: కొలీవుడ్ లో జీరో ఫ్లాప్ దర్శకుడిగా పేరు తెచ్చుకున్నారు అట్లీ. ఆయన ఇప్పటివరకు తమిళంలో దర్శకత్వం వహించిన `రాజా రాణి`, `తేరి`, `మెర్సల్`, `బిగిల్` చిత్రాలు బాక్సాఫీస్ వద్ద భారీ విజయం సాధించాయి.

ఆ చిత్రాల విజయం తర్వాత బాలీవుడ్ కి వెళ్లిన అట్లీ, షారుఖ్ ఖాన్ తో కలిసి `జవాన్` సినిమాకి దర్శకత్వం వహించారు. ఈ చిత్రం 2023 లో విడుదలై బాక్సాఫీస్ వద్ద రూ.1000 కోట్లకు పైగా వసూలు చేసింది. బాలీవుడ్‌ ని షేక్‌ చేసింది. 

అట్లీ

`జవాన్` సినిమా విజయం తర్వాత అట్లీకి బాలీవుడ్ లో డిమాండ్ పెరిగింది. ఆయన దర్శకత్వంలో నటించడానికి బాలీవుడ్ నటులు ఎదురు చూస్తున్నారు. సల్మాన్ ఖాన్ తో కలిసి ఓ భారీ బడ్జెట్ చిత్రానికి దర్శకత్వం వహించబోతున్నట్లు వార్తలు వచ్చాయి. కానీ ఆ చిత్రాన్ని వెయిటింగ్ లిస్ట్ లో పెట్టి టాలీవుడ్ కి వచ్చేశారు అట్లీ. ఆయన తదుపరి చిత్రంలో అల్లు అర్జున్ హీరోగా నటిస్తున్నారు.

అల్లు అర్జున్ - అట్లీ కాంబినేషన్

`పుష్ప 2` సినిమా విజయం తర్వాత పాన్ ఇండియా హీరోగా ఎదిగిన అల్లు అర్జున్, తొలిసారిగా అట్లీతో కలిసి పనిచేయబోతున్నారు. ఈ చిత్రంపై అంచనాలు పెరుగుతున్నాయి.  దీనికి అనిరుధ్ సంగీతం అందిస్తారని అనుకున్నారు. కానీ ట్విస్ట్ ఏంటంటే యువ సంగీత దర్శకుడు సాయి అభయంకర్ సంగీతం అందిస్తున్నారు.

హీరోయిన్ గా జాన్వీ కపూర్

అట్లీ - అల్లు అర్జున్ కాంబినేషన్ లో తెరకెక్కుతున్న చిత్రంలో హీరోయిన్ ఎవరనేది ఇప్పుడు తెలిసిపోయింది. శ్రీదేవి కూతురు జాన్వీ కపూర్ హీరోయిన్ గా నటిస్తున్నారు. జాన్వీ ఇప్పటికే తెలుగులో `దేవర` సినిమాతో తెరంగేట్రం చేశారు. ప్రస్తుతం బుచ్చిబాబు సనా దర్శకత్వంలో రామ్ చరణ్ సరసన (ఆర్‌సీ16) నటిస్తున్నారు. ఇప్పుడు అల్లు అర్జున్ సినిమాలో కూడా అవకాశం దక్కించుకున్నారు. దీంతో టాలీవుడ్ లో బిజీ హీరోయిన్ గా మారారు జాన్వీ.