`ఆర్య` కోసం సూపర్‌ హిట్‌ మూవీని వదిలేసిన అల్లు అర్జున్‌.. రవితేజకది మామూలు జాక్‌ పాట్‌ కాదు..

ఐకాన్‌ స్టార్‌ అల్లు అర్జున్‌ ఇటీవల `ఆర్య` 20ఏళ్ల సెలబ్రేట్‌ చేశారు. కానీ ఈ సినిమా కంటే ముందు తన వద్ద మరో స్క్రిప్ట్ ఉందట. దాని వెనుక కథ చెప్పాడు బన్నీ.   

ప్రముఖ నిర్మాత అల్లు అరవింద్‌ తనయుడిగా ఇండస్ట్రీలోకి అడుగుపెట్టాడు అల్లు అర్జున్‌. `గంగోత్రి` చిత్రంతో హీరోగా పరిచయం అయ్యాడు. కే రాఘవేంద్ర రావు దర్శకత్వం వహించిన ఈ మూవీ మంచి విజయాన్ని సాధించింది. తొలి మూవీతోనే ఆకట్టుకున్నాడు బన్నీ, కానీ తన మార్క్ మాత్రం కనిపించలేదు. దర్శకేంద్రుడి ప్రభావమే కనిపించింది. 

అనంతరం అల్లు అర్జున్‌కి సినిమాలు లేవు, ఏ స్క్రిప్ట్ నచ్చడం లేదు. ఆల్మోస్ట్ జీరో పరిస్థితి. ఏం చేయాలో అర్థం కాకపిచ్చెక్కిపోయే పరిస్థితుల్లో ఉన్నాడు బన్నీ. ఆ సమయంలో ఓ స్క్రిప్ట్ వచ్చింది. అదే `భద్ర` మూవీ. బోయపాటి శ్రీను ఈ కథని బన్నీకి చెప్పాడట. కానీ అంతగా ఎగ్జైట్‌ కాలేకపోతున్నాడట బన్నీ. చేయాలా? వద్దా అనే డైలమాలో ఉన్నాడు. 

 ఇలాంటి కన్‌ఫ్యూజన్‌లో ఉన్న సమయంలో సుకుమార్‌ కలిశాడు. ప్రసాద్‌ ల్యాబ్‌లో సుకుమార్‌ పరిచయం అయ్యాడు. ఆ తర్వాత కథ చెప్పడం, కథకి ఎగ్జైట్‌ కాగా, ఎలాగైనా ఈ స్క్రిప్ట్ చేయాలని తపించారు. కానీ అల్లు అరవింద్‌, దిల్‌రాజు వంటి టీమ్‌కి నమ్మకం కుదరడం లేదు. వినాయక్‌ ఇచ్చిన కాన్ఫిడెన్స్ తో, చిరంజీవి మాటలో రంగంలోకి దిగారు. 

అయితే అప్పటికీ `ఆర్య` చేయలా? `భద్ర` చేయాలా అనే డైలమా కూడా కొనసాగిందట. ఎందుకో సుకుమార్‌ స్క్రిప్ట్ బాగా ఎగ్జైట్‌ చేస్తుందని, దీంతో `భద్ర`ని వదులుకున్నాడట బన్నీ. అలా ఆ మూవీ రవితేజ వద్దకు వెళ్లింది. బోయపాటిని పరిచయం చేస్తూ రవితేజ చేసిన `భద్ర` చిత్రం సైతం పెద్ద విజయాన్ని సాధించింది. మాస్‌ మహారాజాకి మాస్‌ హిట్‌ని అందించింది. బన్నీ రిజెక్షన్‌తో రవితేజ జాక్‌ పాట్‌ కొట్టేశాడు. అయితే అప్పటికే వరుస హిట్లతో స్టార్‌ హీరోగా ఉన్నాడు రవితేజ. ఆ సమయంలోనే ఈ మూవీ చేసి అదరగొట్టాడు. మాస్‌ ఇమేజ్‌ని పెంచుకున్నాడు. 

మరోవైపు అల్లు అర్జున్‌ `ఆర్య`తోనూ సంచలన విజయాన్ని అందుకున్నాడు. అప్పట్లో ఈమూవీ ట్రెండ్‌ సెట్టర్‌. పాటలు కుర్రకారుని ఓ ఊపు ఊపేశాయి. అయితే బన్నీకి `ఆర్య`నే బెస్ట్ ఛాయిస్‌. `భద్ర` చేసేంత ఏజ్‌ లేదు. మాస్‌ ఇమేజ్‌ లేదు. కాబట్టి ఆ మూవీని వదులుకోవడమే బెటర్‌ ఛాయిస్‌ అని అభిమానులు, క్రిటిక్స్ అభిప్రాయపడుతున్నారు. ప్రస్తుతం బన్నీ `పుష్ప 2`లో నటిస్తున్నారు. ఇది ఆగస్ట్ 15న విడుదల కాబోతుంది.