Allu Arjun: ఐకాన్ స్టార్ చేతికి అదిరిపోయే లగ్జరీ వాచ్, కాస్ట్ తెలిస్తే కళ్లు తిరగాల్సిందే, అల్లు అర్జున్ గడియారం రేటెంతంటే?

వందల కోట్ల రెమ్యునరేషన్ తీసుకుంటున్న అల్లు అర్జున్.. స్టైలిష్ మెయింటెనెస్ లో ఏమాత్రం తగ్గడం లేదు. ఐకాన్ స్టార్ ఒంటిమీద కోట్లు విలువ చేసే వస్తువులు కనిపిస్తుంటాయి. తాజాగా అల్లుఅర్జున్ చేతి వాచీ వైరల్ అవుతోంది. దాని రేటు ఎంతో తెలుసా?

అల్లు అర్జున్ కాస్ట్లీ లైఫ్ స్టైల్..

ఐకాన్ స్టార్ Allu Arjun స్టైల్, లైఫ్‌స్టైల్ గురించి ప్రత్యేకంగా చెప్పాల్సిన అవసరం లేదు. సినిమాల్లోనే కాకుండా వ్యక్తిగత జీవితంలో కూడా తన స్టైల్, మెయింటేనెస్ తో అభిమానులను ఆకట్టుకుంటూ ఉంటారు బన్నీ. ఒకప్పుడు టాలీవుడ్ కే పరిమితం అయిన అల్లు అర్జున్ క్రేజ్.. ప్రస్తుతం పాన్ఇండియాకు పాకింది.. అట్లీతో చేస్తోన్న రాకా సినిమాతో దాన్ని హాలీవుడ్ రేంజ్ కు తీసుకెళ్లాలని ఐకాన్ స్టార్ ప్రయత్నిస్తున్నారు.

అల్లు అర్జున్ చేతికి కాస్ట్లీ వాచ్..

ఒక్క సినిమాకు వందల కోట్లు రెమ్యునరేషన్ తీసుకుంటున్న అల్లు అర్జున్... ఆరేంజ్ లోనే మెయింటేన్ చేస్తున్నారు. కాస్ట్లీ లైఫ్ స్టైల్ విషయంలో తగ్గేది లేదన్న అల్లు అర్జున్.. మరోసారి తన లగ్జరీ స్టైల్ తో వార్తల్లో నిలిచారు. రీసెంట్ గా టీమిండియా క్రికెటర్ వెంకటేష్ అయ్యర్ హైదరాబాద్‌లోని అల్లు అర్జున్ నివాసానికి వెళ్లి ఆయన్ను కలిశారు. ఈ సందర్భంగా తీసిన ఫొటోలు సోషల్ మీడియాలో వైరల్‌గా మారాయి. అయితే ఈ ఫొటోల్లో అభిమానుల దృష్టిని ఎక్కువగా ఆకర్షించింది అల్లు అర్జున్ చేతికి కనిపించిన ఖరీదైన లగ్జరీ వాచ్.

18 క్యారెట్ల రోజ్ గోల్డ్‌తో చేసిన వాచ్..

అల్లు అర్జున్ ధరించిన ఈ వాచ్ వరల్డ్ ఫేమస్ లగ్జరీ వాచ్ బ్రాండ్ Patek Philippe కు చెందిన ‘నాటిలస్’ మోడల్‌ అని తెలుస్తోంది. ప్రత్యేకంగా ఇది 18 క్యారెట్ల రోజ్ గోల్డ్‌తో రూపొందించిన 5712/1R-001 మోడల్ అని సమాచారం. అత్యంత ప్రీమియం ఫినిషింగ్‌తో రూపొందిన ఈ వాచ్‌లో సన్‌బర్స్ట్ బ్రౌన్ డయల్, మూన్ ఫేజ్ డిస్‌ప్లే, పవర్ రిజర్వ్ ఇండికేటర్ వంటి ఆధునిక ఫీచర్లు ఉన్నాయి.

కాస్ట్ తెలిస్తే కళ్లు తిరగాల్సిందే..

ఈ వాచ్ అందం మాత్రమే కాకుండా దాని ధర కూడా ప్రస్తుతం సోషల్ మీడియాలో వైరల్ గా మారింది. ఈ లగ్జరీ వాచ్ అధికారిక రిటైల్ ధర 2.75 కోట్లకు పైగా పలుకుతున్నట్లు సమాచారం. అయితే మార్కెట్‌లో దీనికి ఉన్న భారీ డిమాండ్ కారణంగా ప్రస్తుతం ఈ మోడల్ ధర భారీగా పెరిగినట్టు సమాచారం.

అల్లు అర్జున్ రెమ్యునరేషన్?

ఒక్కో సినిమాకు రూ.200 కోట్లకు పైగా పారితోషికం తీసుకుంటున్న అల్లు అర్జున్, తన రాయల్ లైఫ్‌స్టైల్‌కు తగ్గట్టుగానే ఈ అల్ట్రా లగ్జరీ వాచ్‌ను పెట్టుకున్నందకు అభిమానులు తెగ సంబరపడిపోతున్నారు. ప్రస్తుతం ఈ ఫొటోలు, వాచ్ ధరకు సంబంధించిన వివరాలు నెట్టింట వైరల్ అవుతున్నాయి. ఇక అల్లు అర్జున్ తన మకాంను ముంబయ్ కి మార్చారు. రాకా షూటింగ్ అంతా ముంబయ్ లోనే జరుగుతుండటంతో.. అల్లు అర్జున్, అట్లీ అక్కడే ఉంటున్నారు. ఈసినిమా తరువాత ఆయన లోకేష్ కనకరాజ్ తో మరో మూవీని చేయబోతున్నారు.