Allu Arjun: తెలుగులో సెకండ్‌ హైయ్యెస్ట్ పెయిడ్ యాక్టర్ ఐకాన్‌ స్టార్‌.. అట్లీ సినిమాకి ఎంత తీసుకుంటున్నాడంటే?

ఐకాన్‌ స్టార్‌ అల్లు అర్జున్‌ ప్రస్తుతం `పుష్ప2` చిత్రంలో నటిస్తున్నారు. ఈ మూవీకి భారీగానే పారితోషికం అందుకుంటున్నారు. అయితే అట్లీతో చేయబోయే సినిమాకి షాకిచ్చే రెమ్యూనరేషన్‌ తీసుకుంటున్నారట.   

ఐకాన్‌ స్టార్‌ అల్లు అర్జున్‌ `పుష్ప` చిత్రంతో తన ఇమేజ్‌ని పెంచుకున్నారు. మార్కెట్‌ని పెంచుకున్నారు. `పుష్ప2`తో ఆ మార్కెట్‌ని మరింతగా పెంచుకునే పనిలో ఉన్నారు. ఈ మూవీ ఇండియన్‌ మార్కెట్‌నే కాదు, ఇతర దేశాల మార్కెట్‌ని కూడా టార్గెట్ చేసింది. రష్యా, జపాన్‌, అమెరికా, దుబాయ్‌, ఇలా ఇతర దేశాల్లోనూ సినిమాని భారీగా విడుదలకు రంగం సిద్ధమవుతుంది. `పుష్ప2`తో బన్నీ తన రేంజ్‌ ఏంటో చూపించేందుకు గట్టి ప్రయత్నం చేస్తున్నారు. సినిమా ఫలితాన్ని బట్టి ఆయన మార్కెట్‌ ఏ స్థాయిలో పెరిగిందో ఓ అంచనా వస్తుంది.  

అయితే దర్శకుడు సుకుమార్‌పై అందరిలోనూ నమ్మకం ఉంది. ఆయన మామూలుగా తీయరని ఇప్పటికే అర్థమయ్యింది. ప్రస్తుతం రెండో పార్ట్ విషయంలో మీరు ఎంతైనా అంచనాలు పెట్టుకోండి దాన్ని మించి సినిమా ఉంటుందన్నారు. సినిమాపై హైప్‌ని మరింతగా పెంచుతున్నారు. అదే స్థాయిలో సినిమాని తీర్చిదిద్దుతున్నారట. ఏమాత్రం రాజీపడకుండా తెరకెక్కిస్తున్నాడని తెలుస్తుంది. కాస్టింగ్‌ కూడా పెరుగుతుందని గుసగుసలు వినిపిస్తున్నాయి. 

ఇదిలా ఉంటే బన్నీ  నెక్ట్స్.. అట్లీ దర్శకత్వంలో సినిమా చేస్తున్నారు. త్వరలోనే ఈ మూవీ ప్రారంభమయ్యే అవకాశం ఉంది. ఈ మూవీకి సంబంధించిన తరచూ ఇంట్రెస్టింగ్‌ విషయాలు బయటకు వస్తున్నాయి. అట్లీ దీన్ని `జవాన్‌`ని మించి తెరకెక్కించేందుకు ప్లాన్‌ చేస్తున్నట్టు తెలుస్తుంది. గీతా ఆర్ట్స్, సన్‌ పిక్చర్స్ సంయుక్తంగా ఈ మూవీని నిర్మిస్తున్నాయని తెలుస్తుంది. బన్నీ మూవీకి దర్శకుడు అట్లీ భారీగా పారితోషికం తీసుకుంటున్నారట. ఆయన ఏకంగా 60కోట్లు డిమాండ్‌ చేస్తున్నట్టు తెలుస్తుంది. మేకర్స్ కూడా గ్రీన్‌ సిగ్నల్‌ ఇచ్చారని అంటున్నారు.

ఇక అల్లు అర్జున్‌కి కూడా భారీగా ఇస్తున్నారట. ఆయన పారితోషికం వంద కోట్లు దాటుతుందని తెలుస్తుంది. దాదాపు 120కోట్ల పారితోషికం బన్నీకి ఇవ్వబోతున్నారని అంటున్నారు. ఇదే నిజమైతే ప్రభాస్‌ తర్వాత ఆ స్థాయిలో పారితోషికం తీసుకుంటున్న హీరోగా అల్లు అర్జున్‌ నిలుస్తారని చెప్పొచ్చు. ప్రభాస్‌ ఒక్కో సినిమాకి సుమారు 150-200కోట్లు తీసుకుంటున్న విషయం తెలిసిందే. 

అలాగే ఈ సినిమాలో హీరోయిన్‌ కూడా ఫిక్స్ అయ్యిందట. మరోసారి బన్నీకి జోడీగా పూజా హెగ్డే నటించబోతుందట. ఆమెని హీరోయిన్‌గా ఫైనల్‌ చేశారని తెలుస్తుంది. ఈ మూవీకి అనిరుథ్‌ రవిచంద్రన్‌ సంగీతం అందిస్తున్నారు. ఇక బన్నీ ప్రస్తుతం నటిస్తున్న `పుష్ప2` శరవేగంగా చిత్రీకరణ జరుపుకుంటోంది. దీన్ని ఆగస్ట్ 15న విడుదల చేయబోతున్నారు. అనంతరం అట్లీ సినిమా షూటింగ్‌ ప్రారంభమయ్యే అవకాశం ఉంది.