మెగా పాన్ ఇండియా సమరం.. రాంచరణ్ RC 15, అల్లు అర్జున్ పుష్ప 2 పై క్రేజీ బజ్ ?

టాలీవుడ్ లో సంక్రాంతి సీజన్ ఎప్పుడూ ప్రత్యేకమే. అందుకే వీలైనంత ఎక్కువ చిత్రాలు సంక్రాంతికి రిలీజ్ చేయాలని భావిస్తారు. ఈ సంక్రాంతికి మెగాస్టార్ చిరంజీవి నటించిన వాల్తేరు వీరయ్య, నందమూరి బాలకృష్ణ నటించిన వీరసింహారెడ్డి చిత్రాలు బాక్సాఫీస్ వద్ద తలపడ్డాయి. 

Image: Getty Images

టాలీవుడ్ లో సంక్రాంతి సీజన్ ఎప్పుడూ ప్రత్యేకమే. అందుకే వీలైనంత ఎక్కువ చిత్రాలు సంక్రాంతికి రిలీజ్ చేయాలని భావిస్తారు. ఈ సంక్రాంతికి మెగాస్టార్ చిరంజీవి నటించిన వాల్తేరు వీరయ్య, నందమూరి బాలకృష్ణ నటించిన వీరసింహారెడ్డి చిత్రాలు బాక్సాఫీస్ వద్ద తలపడ్డాయి. రెండు చిత్రాలు మంచి విజయం సాధించాయి. వాల్తేరు వీరయ్య అయితే 100 కోట్ల పైగా షేర్ సాధించి దూసుకుపోతోంది. 

ఇక వచ్చే సంక్రాంతి గురించి కూడా చర్చ మొదలైపోయింది. మెగా పవర్ స్టార్ రాంచరణ్ నటిస్తున్న తాజా చిత్రం RC 15(వర్కింగ్ టైటిల్). దిగ్గజ దర్శకుడు శంకర్ భారీ పాన్ ఇండియా చిత్రం గా ఈ చిత్రాన్ని రూపొందిస్తున్నారు. అయితే శంకర్ ఇండియన్ 2 కూడా తెరకెక్కిస్తుండడంతో రాంచరణ్ మూవీ షూటింగ్ ఆలస్యం అవుతోంది. 

ఈ ఏడాదే విడుదల కావాల్సిన ఈ చిత్రం వచ్చే ఏడాది సంక్రాంతికి వాయిదా పడ్డట్లు వార్తలు వస్తున్నాయి. ఇక ఐకాన్ స్టార్ అల్లు అర్జున్ పుష్ప తో పాన్ ఇండియా హీరోగా మారాడు. మాస్టర్ మైండ్ సుకుమార్ తెరకెక్కించిన ఈ చిత్రం పాన్ ఇండియా స్థాయిలో సూపర్ హిట్ గా నిలిచింది. 

ఇప్పుడు పుష్ప 2 షూటింగ్ జరుగుతోంది. ఈ చిత్రం కూడా 2024 సంక్రాంతికి రిలీజ్ కాబోతున్నట్లు వార్తలు వస్తున్నాయి. దీనితో అప్పుడే హీట్ పెరుగుతోంది. మెగా ఫ్యామిలీకి చెందిన ఇద్దరు క్రేజీ హీరోల చిత్రాలు ఒకేసారి విడుదలైతే పరిస్థితి ఎలా ఉంటుందో ఊహించుకోవచ్చు. 

ఆర్ఆర్ఆర్ తర్వాత రాంచరణ్ కి పాన్ ఇండియా స్థాయిలో విపరీతమైన ఫాలోయింగ్ ఏర్పడింది. అల్లు అర్జున్ కూడా తన మేనరిజమ్స్ తో అందరిని కట్టి పడేశాడు. రాంచరణ్, శంకర్ చిత్రాన్ని దిల్ రాజు నిర్మిస్తున్నారు. దిల్ రాజు ఫిక్స్ అయితే ఖచ్చితంగా తన చిత్రాన్ని సంక్రాంతికే తీసుకుని వస్తారు. 

ఇక పుష్ప 2ని మైత్రి మూవీస్ వారు నిర్మిస్తున్నారు. ఈ సంక్రాంతికి విడుదలైన వాల్తేరు వీరయ్య, వీరసింహారెడ్డి రెండు చిత్రాలు వారివే. ఎలాంటి లాభాలు అందుకుంటున్నారో చూస్తూనే ఉన్నాము. ఇన్ టైం లో పుష్ప 2 షూటింగ్ పూర్తయితే సంక్రాంతి రిలీజ్ ఖాయంగా కనిపిస్తోంది. సో బాక్సాఫీస్ వద్ద మెగా ఫ్యామిలీ నుంచి బిగ్ క్లాష్ చూసే అవకాశాలు మెండుగా ఉన్నాయి.