Bigg Boss Telugu 7: బిగ్ బాస్ 7 ప్రోమో కేక, మీరు చూశారా?... అది మాత్రం సస్పెన్సు!

బిగ్ బాస్ సీజన్ 7 కి రంగం సిద్ధమైంది. మేకర్స్ ప్రోమో విడుదల చేశారు. ఆడియన్స్ పండగ చేసుకుంటున్నారు. తమ ఫెవరేట్ షో వచ్చేస్తుందని సంతోషం వ్యక్తం చేస్తున్నారు. 

Bigg Boss Telugu 7

ఎక్కడో విదేశాల్లో బిగ్ బ్రదర్ పేరుతో మొదలైన రియాలిటీ షో ఇండియాలో బిగ్ బాస్ గా ప్రాచుర్యం పొందింది. హిందీలో విపరీతమైన ఆదరణ రాగా ప్రాంతీయ భాషలకు కూడా వ్యాపించింది. తెలుగులో 2017లో ఎన్టీఆర్ హోస్ట్ గా స్టార్ మాలో ప్రారంభమైంది. గత ఆరు సీజన్స్ గా బిగ్ బాస్ షో సక్సెస్ ఫుల్ గా సాగుతుంది. ఎన్టీఆర్ ఫస్ట్ సీజన్ తర్వాత తప్పుకున్నారు. సీజన్ 2 హోస్ట్ గా హీరో నాని వ్యవహరించారు. సీజన్ 3 నుండి నాగార్జున కొనసాగుతున్నారు. 

Bigg Boss Telugu 6

గత సీజన్ పూర్తిగా విమర్శల పాలైంది. కనీస ఆదరణ దక్కలేదు. కనీసం సీరియల్ కి వచ్చే రేటింగ్ కూడా రాలేదు. దారుణంగా 2 రేటింగ్ కి బిగ్ బాస్ పడిపోయింది. వీకెండ్స్ కి కూడా కూడా 4 రేటింగ్ దాటలేకపోయింది. చెప్పాలంటే సీజన్ 6 పెద్ద ఎత్తున విమర్శలపాలైంది. నాగార్జున హోస్టింగ్, ఎలిమినేషన్స్ పై వ్యతిరేకత వ్యక్తమైంది. అలాగే కసి లేని కంటెస్టెంట్స్, పసలేని గేమ్స్ కిక్ ఇవ్వలేకపోయాయి. 

Bigg Boss Telugu 6

సీజన్ 6 ఫెయిల్యూర్ నుండి పాఠాలు నేర్చుకున్న నిర్వాహకులు సీజన్ 7 గట్టిగా ప్లాన్ చేశారని సమాచారం. పాప్యులర్ కంటెస్టెంట్స్ ని ఎంపిక చేశారట. హోస్ట్ ని కూడా మార్చేశారంటూ ప్రచారం జరుగుతుంది. కాగా నేడు బిగ్ బాస్ 7 ప్రోమో విడుదల చేశారు. దీంతో షో సిద్ధమైందని ఆడియన్స్ ఫిక్స్ అయ్యారు. అయితే ఫస్ట్ ప్రోమోలో ఎలాంటి డిటైల్స్ షేర్ చేయలేదు. కేవలం సీజన్ 7 లోగో ఆవిష్కరించారు. కాబట్టి హోస్ట్ ఎవరనే సస్పెన్స్ కొనసాగుతోంది. 

Bigg Boss Telugu 6

అందుతున్న సమాచారం ప్రకారం బిగ్ బాస్ 7 కంటెస్టెంట్స్ ఎంపిక ప్రక్రియ పూర్తయ్యింది. జులై చివరి వారం లేదా ఆగస్టు మొదటివారంలో షో మొదలు కానుంది. స్టార్ మాతో పాటు డిస్నీ ప్లస్ హాట్ స్టార్ లో బిగ్ బాస్ 7 వీక్షించవచ్చు. 

ఇక నాగార్జున తప్పుకుంటే ఎవరు హోస్టింగ్ చేస్తారనే సందేహాలు ఉన్నాయి. ఈ క్రమంలో రానా, బాలకృష్ణతో పాటు పలువురు స్టార్స్ పేర్లు వినిపిస్తున్నాయి. రానా, బాలకృష్ణ సక్సెస్ఫుల్ హోస్ట్స్ గా నిరూపించుకున్నారు. మొత్తంగా ఆడియన్స్ కి నాన్ స్టాప్ ఎంటర్టైన్మెంట్ పంచేందుకు బిగ్ బాస్ సీజన్ 7 సిద్ధమైంది.