అక్కినేని ఫ్యామిలీలో వరుసగా పెళ్లి బాజాలు మోగబోతున్నాయి. ఇప్పటికే చైతూ మ్యారేజ్‌ ఫిక్స్ అయ్యింది. ఇక త్వరలోనే మరో పెళ్లి బాజా మోగబోతుందని టాక్‌.
నాగార్జున కుటుంబంలో వరుస పెళ్లిళ్లు జరగనున్నట్లు వార్తలు వస్తున్నాయి. ఇప్పటికే నాగ చైతన్య - శోభిత పెళ్లికి ముహూర్తం ఖరారు అయిన నేపథ్యంలో, నాగార్జున తన మేనల్లుడి పెళ్లిని కూడా త్వరలోనే జరిపించనున్నట్లు తెలుస్తోంది.
సుశాంత్ అనుమోలు, ఇటీవల `గుంటూరు కారం`, `లక్కీ భాస్కర్` చిత్రాలతో విజయాలు అందుకున్న హీరోయిన్‌ మీనాక్షి చౌదరితో ప్రేమలో ఉన్నారట. హర్యానాకు చెందిన మీనాక్షి చౌదరి, ఫెమినా మిస్ ఇండియా పోటీలో పాల్గొని రెండో స్థానంలో నిలిచారు. అదేవిధంగా మిస్ గ్రాండ్ ఇంటర్నేషనల్ 2018 పోటీలో కూడా పాల్గొని రెండో స్థానంలో నిలిచారు.
సినిమాల్లో నటించే అవకాశం కోసం చూస్తున్న ఆమెకు, హిందీలో 'అబ్‌స్ట్రాడ్స్' అనే సినిమాలో నటించే అవకాశం వచ్చింది. 2019లో విడుదలైన ఈ సినిమా సక్సెస్‌ కాలేదు. దక్షిణాది సినిమాలపై దృష్టి సారించారు. 2021లో `ఇచ్చట వాహనములు` నిలుపరాదు సినిమాలో నటించారు. ఈ సినిమాలో హీరోగా సుశాంత్ అనుమోలు నటించడం విశేషం.
ఈ సినిమా విజయం తర్వాత రవితేజతో `ఖిలాడి`, అడవి శేష్‌ తో `హిట్ : ది సెకండ్ కేస్` వంటి సినిమాల్లో నటించారు. తెలుగులో బిజీగా నటిస్తున్న సమయంలోనే, 2023లో విజయ్ ఆంటోనీ కోలై సినిమాతో తమిళంలోకి అడుగుపెట్టారు. ఆ తర్వాత ఆర్.జె.బాలాజీతో `సింగపూర్ సెలూన్` సినిమాలో నటించారు.
అదే విధంగా, దళపతి విజయ్ ద్విపాత్రాభినయం చేసిన 'ది గ్రేటెస్ట్ ఆఫ్ ఆల్ టైమ్' సినిమాలో యంగ్‌ విజయ్‌కి జంటగా నటించారు. మంచి సినిమాలను ఎంచుకుని నటిస్తున్న మీనాక్షి చౌదరి, దుల్కర్ సల్మాన్‌తో నటించిన 'లక్కీ భాస్కర్' ఇటీవల విడుదలై మంచి ఆదరణ పొందుతోంది.
వీటితోపాటు ఇటీవలే `మట్కా` సినిమాతో ఆడియెన్స్ ముందుకు వచ్చింది మీనాక్షి చౌదరీ. వరుణ్ తేజ్‌తో నటించిన ఈ మూవీ డిజాస్టర్‌ టాక్‌ని తెచ్చుకుంది. త్వరలో ఆమె విశ్వక్ సేన్‌తో 'మెకానిక్ రాకీ' తో ఆడియెన్స్ ముందుకు రాబోతుంది. తక్కువ సమయంలోనే దక్షిణాది సినీ పరిశ్రమలో మంచి గుర్తింపు తెచ్చుకున్న మీనాక్షి చౌదరి త్వరలో పెళ్లి చేసుకోబోతున్నారనే వార్త టాలీవుడ్‌లో హాట్ టాపిక్‌గా మారింది.
నాగార్జున మేనల్లుడు సుశాంత్ అనుమోలును మీనాక్షి ప్రేమిస్తున్నారని, త్వరలో వీరి నిశ్చితార్థం జరగనున్నట్లు టాలీవుడ్ వర్గాల్లో చెప్పుకుంటున్నారు. సుశాంత్.. అనుమోలు సత్య భూషణరావు, నాగ సుశీల దంపతుల కుమారుడు. నాగ సుశీల, నాగార్జున సోదరి అనే విషయం తెలిసిందే. సుశాంత్ ఒకప్పుడు హీరోగా మంచి సినిమాలు చేశాడు. పాపులర్‌ అయ్యాడు. కానీ ఇటీవల ఆయనకు సరైన విజయాలు రావడం లేదు. దీంతో క్యారెక్టర్లు కూడా చేసేందుకు సిద్ధమయ్యాడు. ఇప్పటికే `రావణాసుర`, `భోళా శంకర్‌` చిత్రాల్లో నటించాడు. కానీ ఇవి డిజాస్టర్‌ అయ్యాయి. దీంతో ఇప్పుడు మంచి స్క్రిప్ట్ కోసం వెయిట్‌ చేస్తున్నాడు సుశాంత్.
నాగచైతన్య పెళ్లి తర్వాత వీరి మ్యారేజ్‌ ఉంటుందనే రూమర్స్ వినిపిస్తున్నాయి. మరి ఇందులో నిజమెంతా అనేది తెలియాల్సి ఉంది. అయితే సుశాంత్, మీనాక్షి కలిసి `ఇచ్చట వాహనములు నిలుపరాదు` సినిమాలో నటించిన విషయం తెలిసిందే. ఈ మూవీ టైమ్‌లోనే ఇద్దరుప్రేమలో పడ్డారని టాక్‌. ఈ ప్రేమని రహస్యంగా మెయింటేన్‌ చేస్తున్నారని సమాచారం.
read more:ఒకప్పుడు స్టార్‌ హీరోయిన్‌ వెలిగి, ఇప్పుడు సీరియల్స్ చేసేందుకు రెడీ అయిన నటి
also read: మొన్న సమంత, నేడు నాగ చైతన్య.. పిల్లల్ని కనడంపై పోటాపోటీగా కామెంట్స్, మధ్యలో వెంకటేష్ బలి
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి