రాజు వెడ్స్ రాంబాయి సినిమాతో ఫేమస్ అయ్యాడు హీరో నిఖిల్ రాజ్. తాజాగా ఆయన ఓ డెలివరీ బాయ్ తో గొడవపడటం వివాదంగా మారింది. ఈ విషయంలో అసలు నిజానిజాలేంటో తెలుపుతూ.. ఓ వీడియోను రిలీజ్ చేశాడు. ఇంతకీ విషయం ఏంటంటే?
రాజు వెడ్స్ రాంబాయి, ఈషా సినిమాలతో హీరోగా మంచి గుర్తింపు పొందిన అఖిల్ రాజ్కు సంబంధించిన ఒక వీడియో గత రెండు రోజులుగా సోషల్ మీడియాలో వైరల్ అవుతోంది. ఆ వీడియోలో అఖిల్ రాజ్ ఓ డెలివరీ బాయ్పై దాడి చేశారనే ఆరోపణలు రావడంతో, పూర్తి వివరాలు తెలియకుండానే పలువురు సోషల్ మీడియాలో ఆయనపై విమర్శలు చేశారు. ఈ నేపథ్యంలో అఖిల్ రాజ్ తాజాగా ఓ వీడియో విడుదల చేసి ఘటనపై తన వివరణ ఇచ్చారు.
25
అసలు విషయం ఏంటో చెప్పిన తెలుగు హీరో..
అఖిల్ రాజ్ మాట్లాడుతూ, ''రమేష్ అనే డెలివరీ బాయ్ తమ ఇంటికి పొరపాటున ఒక ఆర్డర్ తీసుకొచ్చాడు, ఆ ఆర్డర్ తమ ఇంటికి కాకుండా ఎదురుగా ఉన్న ఫ్లాట్కు ఇవ్వాల్సి ఉంది. అయితే అడ్రస్లో "అరుణ రెసిడెన్సీ ఎదురుగా ఉన్న ఫ్లాట్" అని ఉండగా, డెలివరీ బాయ్ దానిని అరుణ రెసిడెన్సీలోని తమ 201 ఫ్లాట్కు తీసుకొచ్చాడు. ఆ సమయంలో తమ తండ్రి ఆ ఆర్డర్ను తీసుకున్నారు, అది ఎవరు ఆర్డర్ చేశారో అడిగేలోపే డెలివరీ బాయ్ అక్కడి నుంచి వెళ్లిపోయాడు. అనంతరం మా అమ్మ అది తమ ఇంటికే వచ్చిన ఆర్డర్ అనుకుని ప్యాకెట్ను తెరిచారు. అని అఖిల్ అన్నారు.
35
అమ్మను తిడితే ఎవరికైనా కోపం వస్తుందిగా?
అఖిల్ మాట్లాడుతూ.. దాదాపు 20 నిమిషాల తర్వాత డెలివరీ బాయ్ తిరిగి వచ్చి ఆ ఆర్డర్ గురించి అడిగాడు. డెలివరీ ఇచ్చే సమయంలో అడ్రస్ను సరిచూసుకోవాల్సిన బాధ్యత మీది కాదా అని నేను ప్రశ్నించగా, అతను "చూసుకోలేదు, ఇలాగే ఇస్తాను" అన్నట్లు మాట్లాడాడు. అంతే కాదు అతను ఆల్కాహాల్ తీసుకున్నట్టు కూడా అనిపించింది. అప్పుడు మా అమ్మ జరిగిన విషయం వివరించి, తెలియక ప్యాకెట్ తెరిచామని చెబుతూ తిరిగి ఇవ్వడానికి ప్రయత్నించగా, డెలివరీ బాయ్ ఆమెను కూడా దూషించాడు. అమ్మపై అనుచితంగా మాట్లాడడంతో ఒక కొడుకుగా నాకు కోపం వచ్చిందని'' అఖిల్ రాజ్ అన్నారు.
ఇలాంటి పరిస్థితి ఎదురైతే ఏం చేస్తారంటూ నెటిజన్లకు ప్రశ్న..?
"నేను కూడా ఒకప్పుడు డెలివరీ బాయ్గా పని చేసిన వ్యక్తినే. ఆ ఉద్యోగం విలువ నాకు తెలుసు. కానీ ఈ ఘటనలో డెలివరీ బాయ్ తప్పు చేశాడు. మా అమ్మను దూషించాడు. నిజాలు తెలియకుండా అందరూ నన్నే తప్పుబడుతున్నారు. అతను వెళ్లే సమయంలో వీడియో తీసుకుంటూ 'నువ్వు హీరో కదా... వైరల్ చేస్తాను' అని అన్నాడు. ఇప్పుడు అదే వీడియో సోషల్ మీడియాలో వైరల్ అవుతోంది. మీ ఇంట్లో ఇలాంటి పరిస్థితి ఎదురైతే ఎవరైనా స్పందించకుండా ఉంటారా?" అని అఖిల్ నెటిజన్లను ప్రశ్నించారు.
55
పోలీసులకు కంప్లైంట్ చేసిన రాజు వెడ్స్ రాంబాయి హీరో..
తాను డెలివరీ బాయ్ను కొట్టలేదని కూడా అఖిల్ రాజ్ స్పష్టం చేశారు. "నేను కొట్టానంటే ఆ వీడియోలో చూపించండి. మా ఇంటికి సంబంధించినది కాని ఆర్డర్ తీసుకొచ్చి, తర్వాత వచ్చి మా కుటుంబ సభ్యులతో ఇష్టానుసారంగా మాట్లాడడం సరైంది కాదు" అని అన్నారు. ఈ ఘటనపై ఇప్పటికే పోలీసులకు ఫిర్యాదు చేసినట్లు అఖిల్ రాజ్ వెల్లడించారు. "నేను తప్పు చేసి ఉంటే క్షమాపణ చెబుతాను. కానీ నిజం ఏమిటో ముందుగా తెలుసుకోవాలి. అవసరమైతే సీసీటీవీ ఫుటేజ్ కూడా పరిశీలించండి. ఎవరో షేర్ చేసిన ఒక్క వీడియో ఆధారంగా నిజానిజాలు తెలుసుకోకుండా నన్ను విమర్శించడం సరికాదు" అంటూ ఆయన ఆవేదన వ్యక్తం చేశారు.
