మా నాన్న దర్శకత్వంలో నటించను, తేల్చేసిన ఆకాష్ పూరి.. లవ్ ఎఫైర్ గురించి కామెంట్స్

డాషింగ్ డైరెక్టర్ పూరి జగన్నాధ్ తనయుడిగా, చైల్డ్ ఆర్టిస్ట్ గా ఆకాష్ పూరి చిత్ర పరిశ్రమలోకి ఎంట్రీ ఇచ్చారు. గబ్బర్ సింగ్, చిరుత లాంటి చిత్రాల్లో ఆకాష్ పూరి చైల్డ్ ఆర్టిస్ట్ గా ప్రూవ్ చేసుకున్నారు. హీరోగా కూడా కొన్ని చిత్రాల్లో నటించాడు. చివరికి తన తండ్రి పూరి జగన్నాధ్ దర్శకత్వంలో కూడా ఆకాష్ పూరి నటించాడు. కానీ సక్సెస్ అయితే దక్కలేదు. హీరోగా తొలి విజయం కోసం ఆకాష్ పూరికి ఎదురుచూపులు తప్పడం లేదు. 

అయితే తాజాగా ఆకాష్ పూరికి క్లోతింగ్ బ్రాండ్ కి అంబాసిడర్ గా వ్యవహరించే అవకాశం దక్కింది. తొలిసారి ఆర్ సీ ట్రెండ్ సెట్టర్స్ క్లాత్ బ్రాండింగ్ కు అంబాసిడర్ గా వ్యవహరిస్తున్నారు. ఆంధ్రప్రదేశ్, తెలంగాణలో ఆర్ సీ ట్రెండ్ సెట్టర్స్ క్రేజీ మెన్స్ క్లాత్ బ్రాండింగ్ గా పేరు తెచ్చుకుంటోంది. ఈ క్లాతింగ్ కు బ్రాండ్ అంబాసిడర్ గా పనిచేయడం హ్యాపీగా ఉందంటున్నారు ఆకాష్ పూరి. ఇవాళ హైదరాబాద్ లో జరిగిన ఈ బ్రాండింగ్ లాంఛ్ కార్యక్రమంలో ఆర్ సీ ట్రెండ్ సెట్టర్స్ వ్యవస్థాపకులు రమేష్, రోమన్ తో కలిసి ఆకాష్ పూరి పాల్గొన్నారు.

ఈ కార్యక్రమంలో ఆకాష్ పూరి మీడియా అడిగిన ప్రశ్నలకు ఓపిగ్గా సమాధానాలు ఇచ్చారు. నెక్స్ట్ మీ తండ్రి దర్శకత్వంలో ఎప్పుడు నటించబోతున్నారు అని మీడియా ప్రశ్నించగా.. ఆకాష్ పూరి ఆసక్తికర సమాధానం ఇచ్చారు. నాన్న దర్శకత్వంలో నేను నటించను. ఇది నా నిర్ణయమే. ఎందుకంటే ముందుగా నేను నటుడిగా, హీరోగా ప్రూవ్ చేసుకోవాలనుకుంటున్నా. 

నన్ను నేను ప్రూవ్ చేసుకున్న తర్వాత అప్పుడు నాన్న దర్శకత్వంలో ఒక పెద్ద చిత్రం చేస్తా. అప్పటి వరకు ఆయన దర్శకత్వంలో నటించాలనుకోవడం లేదు అని ఆకాష్ తెలిపాడు. మన ఇండస్ట్రీలో చాలా గొప్ప సినిమాలు వస్తున్నాయి. కార్తికేయ 2, హనుమాన్ వంటి మూవీస్ చూసినప్పుడు ఇలాంటి సినిమాల్లో నటించాలి అనే కోరిక కలుగుతుంటుంది. నాన్న పూరి డైరెక్షన్ లో రామ్ గారు నటిస్తున్న డబుల్ ఇస్మార్ట్ చాలా బాగా వస్తోంది. ఈ మధ్యే టీజర్ రఫ్ కట్ చూశాను. రామ్ గారి అభిమానులు హ్యాపీగా ఫీలయ్యేలా టీజర్ ఉంటుంది.

ఇక నా కెరీర్ పరంగా చూస్తే గత సినిమా చోర్ బజార్ అంతగా ఆదరణ పొందలేదు. అందుకే ఈసారి నేను చేసే సినిమాను చాలా జాగ్రత్తగా ఎంచుకోవాలని అనుకుంటున్నాను. ఓ లవ్ స్టోరీ, మరో యాక్షన్ మూవీ కథలు విన్నాను. అవి ఫైనలైజ్ చేసే పనిలో ఉన్నాం. ప్రాజెక్ట్ లాక్ అయ్యాక మీకు వివరాలు చెబుతాను. నేను ఈసారి చేసే సినిమా కిడ్స్, ఫ్యామిలీ, యూత్ అందరికీ నచ్చేలా చూసుకుంటాను. 

నేను ఇప్పటికీ చిన్న పిల్లాడిలా ఉంటాను అనే కంప్లైంట్ ఉంది. హీరోగా సెట్ అయిన తర్వాతే విలన్ వంటి క్యారెక్టర్స్ చేయడం గురించి ఆలోచిస్తా.ఇక ఆకాష్ తాను ప్రస్తుతం సింగిల్ గా మాత్రమే ఉన్నానని.. ఎలాంటి లవ్ ఎఫైర్స్ లేవని తెలిపాడు.