అడివి శేష్ నటించిన లేటెస్ట్ మూవీ హిట్ 2 నేడు గ్రాండ్ గా రిలీజ్ అయింది. ప్రీమియర్ షోల నుంచే ఈ చిత్రానికి పాజిటివ్ టాక్ మొదలయింది. దీనితో హిట్ 2 చిత్రం బాక్సాఫీస్ వద్ద సూపర్ హిట్ గా నిలవడం ఖాయం అని ట్రేడ్ విశ్లేషకులు భావిస్తున్నారు.
అడివి శేష్ నటించిన లేటెస్ట్ మూవీ హిట్ 2 నేడు గ్రాండ్ గా రిలీజ్ అయింది. ప్రీమియర్ షోల నుంచే ఈ చిత్రానికి పాజిటివ్ టాక్ మొదలయింది. దీనితో హిట్ 2 చిత్రం బాక్సాఫీస్ వద్ద సూపర్ హిట్ గా నిలవడం ఖాయం అని ట్రేడ్ విశ్లేషకులు భావిస్తున్నారు. నేచురల్ స్టార్ నాని నిర్మాతగా ఈ చిత్రాన్ని ఒక ప్రాంచైజీలా కొనసాగించనున్నారు.
హిట్ 3లో నాని హీరోగా నటించబోతున్నాడు. హిట్ 2 క్లైమాక్స్ లో ఈ క్రేజీ అప్డేట్ రివీల్ చేశారు. అడివి శేష్ ఒక్కో సినిమాకి క్రేజీ హీరోగా మారిపోతున్నాడు. అడివి శేష్ కి పాన్ ఇండియా క్రేజ్ దక్కుతోంది. గూఢచారి, మేజర్ లాంటి చిత్రాలతో అడివి శేష్ హిందీలో కూడా పాపులర్ అయ్యాడు.
ముఖ్యంగా 26/11 ముంబై దాడుల నేపథ్యంలో తెరకెక్కిన మేజర్ చిత్రంతో అడివి శేష్ అదరగొట్టేశాడు. హిందీలో కూడా ఈ చిత్రం ఘనవిజయం సాధించింది. దీనితో బాలీవుడ్ అడివి శేష్ కి అవకాశాలు వెల్లువెత్తాయట. ఈ విషయాన్ని అడివి శేష్ తాజా ఇంటర్వ్యూలో రివీల్ చేశాడు.
మేజర్ మూవీ తర్వాత తాను 8 బాలీవుడ్ చిత్రాలని రిజెక్ట్ చేసినట్లు పేర్కొన్నాడు. అడివి శేష్ క్రేజ్ ఎలా వ్యాపించిందో దీనిని బట్టే అర్థం చేసుకోవచ్చు. ఆల్రెడీ ఇప్పటికే పలు చిత్రాలకి కమిటై ఉన్నాను. దీనితో బాలీవుడ్ ఆఫర్స్ రిజెక్ట్ చేయక తప్పలేదు. ప్రస్తుతం 4 చిత్రాలకి వర్క్ చేస్తున్నాను. ఆ నాలుగు చిత్రాలు హిందీలో కూడా తప్పకుండా రిలీజ్ అవుతాయి. కాబట్టి హిందీ ఆడియన్స్ కు దూరంగా ఉండడం జరగదు.
హిట్ 2 రిలీజ్ అయిన వెంటనే గూఢచారి 2 స్క్రిప్ట్ వర్క్ మొదలు పెడతాం. ఇపప్టికే స్టోరీ లైన్ లాక్ చేశాం. దానికి స్క్రీన్ ప్లే రాయాలి. దీనికి 6 నెలల సమయం పడుతుంది అని అడివి శేష్ తెలిపాడు. బాలీవుడ్ ఆఫర్స్ కోసం చాలా మంది సౌత్ నటులు ఎదురుచూస్తున్నారు. అలాంటిది అడివి శేష్ 8 బాలీవుడ్ చిత్రాలని రిజెక్ట్ చేశాడు అంటే మామూలోడు కాదు అనే కామెంట్స్ వినిపిస్తున్నాయి.
అడివి శేష్ టాలీవుడ్ లో మొదట క్యారెక్టర్ ఆర్టిస్ట్ గా గుర్తింపు తెచ్చుకున్నాడు. ఆ తర్వాత క్షణం, గూఢచారి, ఎవరు, మేజర్, ఇప్పుడు హిట్ 2 ఇలా వరుస విజయాలతో క్రేజీ హీరోగా దూసుకుపోతున్నారు.