Surekha Vani
నటి సురేఖావాణి రెండు దశాబ్దాలుగా చిత్ర పరిశ్రమలో ఉన్నారు. ఆమె క్యారెక్టర్ ఆర్టిస్ట్ గా, కమెడియన్ గా పలు చిత్రాల్లో నటించింది. ఈ మధ్య సురేఖావాణికి అవకాశాలు తగ్గాయి. కాగా కూతురు సుప్రీతను హీరోయిన్ గా పరిచయం చేసింది.
జబర్దస్త్ ఫేమ్ రీతూ చౌదరి హోస్ట్ గా దావత్ పేరుతో ఒక టాక్ షో చేస్తున్న సంగతి తెలిసిందే. అమ్మడు కొంచెం పచ్చి, బూతు ప్రశ్నలతో తన గెస్ట్స్ ని ఉక్కిరిబిక్కిరి చేస్తుంది. ఇక అమర్ దీప్, సుప్రీతలను కిక్ కోసం, క్రాక్ లో, బలుపుతో చేసిన పనులు ఏమిటో చెప్పాలని అడిగింది.
కిక్ కోసం చేసిన పని అంటే... 15-16 ఏళ్ల వయసులో లైసెన్స్ లేకుండా మా అమ్మ కారు తీసుకుని వెళ్లిపోయేదాన్ని. అప్పుడు అమ్మ పిచ్చ కొట్టుడు కొట్టేది, అని సుప్రీత అన్నారు. అది చాలదు, ఇంకా కిక్ కోసం నువ్వు చేసిన పని చెప్పాలని రీతూ చౌదరి అన్నది.
స్కూల్ డేస్ లో నా ఫ్రెండ్స్ కి స్ప్రైట్ లో కలుపుకుని మందు తాగాలని ఉండేది. ఒకరోజు అమ్మకు తెలియకుండా నేను మందు బాటిల్ స్కూల్ కి తీసుకెళ్లి ఫ్రెండ్స్ అందరికీ తాగించేశాను. అయితే ఆ విషయం తర్వాత మా కో ఆర్డినేటర్ కి తెలిసిపోయిందని... సుప్రీత అన్నది.
ఇక క్రాక్ లో చేసిన పని చెప్పాలంటే... నేను ఇష్టపడిన అబ్బాయిని ఎవరైనా అమ్మాయి చూస్తే ఆ అమ్మాయికి నేను వెళ్లి కొట్టేదాన్ని. ఇక బలుపుతో చేసిన పని చెప్పాలంటే... ఎవరైనా ఫ్రెండ్స్ నా నెంబర్ బ్లాక్ చేస్తే వేరే నెంబర్ నుండి కాల్ చేసి ఎందుకు బ్లాక్ చేశావని అడిగి పారేసేదానిని... అంటూ సుప్రీత చెప్పుకొచ్చింది. ఆమె కామెంట్స్ వైరల్ అవుతున్నాయి.