బ్రహ్మానందం హేమని మాత్రమే కాదు నన్నూ ఇబ్బంది పెట్టారు..డాక్టర్లు కూడా అలా కోరుకున్నారు, నటి సంచలన నిజాలు

వ్యాంప్ తరహా పాత్రల్లో నటించే నటీమణులు చాలా తక్కువగా కనిపిస్తారు. ఒక వేళ ఎవరైనా ఉన్నపటికీ చాలా సవాళ్లు ఎదుర్కొంటూ నిలబడగలగాలి. అలాంటి నటీమణుల్లో రమ్యశ్రీ ఒకరు.

Brahmanandam

వ్యాంప్ తరహా పాత్రల్లో నటించే నటీమణులు చాలా తక్కువగా కనిపిస్తారు. ఒక వేళ ఎవరైనా ఉన్నపటికీ చాలా సవాళ్లు ఎదుర్కొంటూ నిలబడగలగాలి. అలాంటి నటీమణుల్లో రమ్యశ్రీ ఒకరు. ఎన్నో చిత్రాల్లో రమ్యశ్రీ బోల్డ్ గా నటించింది. వ్యాంప్ తరహా రోల్స్ చేసింది.   

నటీమణులకు ఉండే ఇబ్బందుల గురించి రమ్య శ్రీ ఓ ఇంటర్వ్యూలో పేర్కొంది. రమ్యశ్రీ మాట్లాడుతూ నేను చాలా మంది హీరోయిన్లతో వర్క్ చేశాను. అదే విధంగా కమెడియన్లతో కూడా వర్క్ చేశాను. తెలుగులో బ్రహ్మానందం లాంటి టాప్ కమెడియన్ నుంచి సుమన్ శెట్టి వరకు అందరితో చేశాను. 

నేను ఎవరితో అంతగా కలిసేదాన్ని కాదు. నాతో మాట్లాడితే నేను కూడా మాట్లాడతా. అంతే గ్రూపుగా కూర్చుని అక్కడ లేని వాళ్ళ గురించి మాట్లాడే అలవాటు నాకు లేదు అని రమ్యశ్రీ తెలిపింది. దీనితో బ్రహ్మానందం తరచుగా నన్ను అడిగేవారు. హే అమ్మాయి.. ఇలా రా సరదాగా వెళ్ళేసి వద్దాం అని అడిగేవారు. ఎంతసేపు రూమ్ లోనే ఏమంటావ్ అని అనేవారు. 

కానీ నేను వెళ్లకుండా ఏదో ఒకటి చెప్పి తప్పించుకునేదాన్ని. రెండు మూడు రోజులు చూశాక వాళ్ళకి అర్థం అయ్యేది.. అమ్మాయి కావాలనే అవాయిడ్ చేస్తోంది అని అనుకునేవారు. కానీ ఒక విషయం నేను విన్నాను. అది హేమ గారి గురించి అని రమ్యశ్రీ తెలిపింది. హేమని బ్రహ్మానందం ఇబ్బంది పెట్టారు అని నేను విన్నాను. బ్రహ్మానందం నా విషయంలో కూడా ఆ విధంగా ప్రవర్తించారు అంటూ రమ్యశ్రీ బాంబు పేల్చింది. బాబు మోహన్ గారు కూడా అదే విధంగా ఇబ్బంది పెట్టారు. 

ఆ అమ్మాయి ఉంటేనే సినిమా చూస్తారా, మమ్మల్ని చూడరా అంటూ అందరి ముందు చిన్న చూపు చూశారని కూడా రమ్యశ్రీ పేర్కొంది. నా వ్యక్తిగత జీవితాన్ని నేనెప్పుడూ మీడియా ముందుకు తీసుకురానని రమ్యశ్రీ పేర్కొంది. నా గురించి ఎప్పుడూ ఎలాంటి రూమర్స్ రాలేదు. ఎవరితోనో తిరుగుతున్నట్లు, డేటింగ్ చేస్తునట్లు ఎలాంటి రూమర్స్ లేవు. 

నేను జీవితంలో కొన్ని విలువలు పాటిస్తాను. ఏం జరిగినా ఆ విలువలని అతిక్రమించను అని పేర్కొంది. ప్యారిస్, లండన్, అమెరికాలో పనిచేసే పెద్ద పెద్ద తెలుగు డాక్టర్లు కూడా నన్ను కోరుకున్నారు. నాకు ప్రపోజ్ చేశారు. కానీ నేను ఆ వైపు వెళ్ళలేదు అని పేర్కొంది.