మంచు విష్ణు కన్నప్ప నుంచి అదిరిపోయే అప్డేట్.. సీనియర్ హీరోయిన్ లుక్ చూశారా..

మంచు విష్ణు భారీ బడ్జెట్ లో తన మార్కెట్ కి మించి కన్నప్ప అనే చిత్రంలో నటిస్తున్న సంగతి తెలిసిందే. పాన్ ఇండియా స్థాయిలో ఈ చిత్రాన్ని సొంత నిర్మాణంలో నిర్మిస్తున్నారు. ఆల్రెడీ టీజర్ విడుదలయింది. కన్నప్ప శివభక్తుడు అనే సంగతి తెలిసిందే. ఎలాగైనా ఈ చిత్రం పాన్ ఇండియా స్థాయిలో విజయం సాధించేలా మంచు విష్ణు గట్టి ప్రయత్నమే చేస్తున్నాడు. 

ఈ చిత్రంలో ప్రభాస్, అక్షయ్ కుమార్ గెస్ట్ రోల్స్ చేస్తున్నారు. తాజాగా మరో సీనియర్ హీరోయిన్ కీలక పాత్రలో నటిస్తున్నట్లు చిత్ర యూనిట్ ప్రకటించారు. అంతే కాదు ఆమె ఫస్ట్ లుక్ ని కూడా రిలీజ్ చేశారు. 

ఆ హీరోయిన్ ఎవరో కాదు మధుబాల. మధుబాల గతంలో ఎన్నో మరపురాని చిత్రాల్లో హీరోయిన్ గా అలరించారు. రోజా లాంటి క్లాసిక్ చిత్రంలో నటించిన ఘనత ఆమెది. కన్నప్ప చిత్రంలో మధుబాల.. పన్నగ అనే పాత్రలో వీర నారిగా నటిస్తునారు. ఆమె లుక్ చాలా పవర్ ఫుల్ గా ఉంది. కత్తి పట్టుకుని ఉగ్రరూపంలో ఉన్న ఆమె లుక్ ఆకట్టుకుంటోంది. 

ఈ చిత్రంలో మధుబాల చెంచులకు నాయకురాలిగా ఆమె కనిపిస్తున్నారు. పోస్టర్ పై పన్నగ వీరత్వాన్ని తెలియజేసేలా వ్యాఖ్యలు కూడా ఉన్నాయి. మొత్తంగా మధుబాల లుక్ కన్నప్ప చిత్రంలో ఆకట్టుకునే విధంగా ఉంది.