హాలీవుడ్‌ సినిమాలు ఇండియాలో కలెక్షన్ల వర్షం కురిపిస్తున్నాయి. ఈ క్రమంలో ఇప్పుడు మరో హాలీవుడ్‌ కలెక్షన్ల వేట స్టార్ట్ చేసింది. ఇండియాలో దుమ్మురేపుతుంది.
ఇప్పుడు మరో సినిమా దుమ్మురేపుతుంది. `డెడ్ ఫుల్‌ అండ్‌ వాల్వరిన్‌` అనే చిత్రం ఇండియాలో సత్తా చాటుతుంది. ఇది హిందీతోపాటు, తెలుగు, తమిళం వంటి భాషల్లో డబ్‌ అయి రిలీజ్‌ అయ్యింది. ఈ నెల 26న విడుదలైన ఈ మూవీ ఇప్పుడు భారీ వసూళ్లని రాబడుతుంది. తొలి రోజు ఏకంగా రూ.21కోట్ల వసూళ్లని రాబట్టింది. అంతేకాదు మూడు రోజుల్లో షాకింగ్ కలెక్షన్లని వసూలు చేసింది.
`డెడ్‌పుల్‌ అండ్‌ వాల్వరిన్‌` చిత్రం మూడు రోజుల్లో ఏకంగా 66కోట్లు వసూలు చేయడం విశేషం. తొలి రోజు 21 కోట్లు, రెండో రోజులు 22.50కోట్లు, మూడో రోజు 22.65కోట్ల కలెక్షన్లని సాధించింది. ఇలా మూడు రోజుల్లోనే రూ. 66కోట్లు వసూలు చేయడం విశేషం. ఇండియాలోనే కాదు, ఇది ప్రపంచ వ్యాప్తంగానూ కలెక్షన్ల సునామీ సృష్టిస్తుంది. మూడు రోజుల్లోనే ఇది వరల్డ్ వైడ్‌గా ఏకంగా 3670కోట్లు రాబట్టడం విశేషం. ఇది సరికొత్త రికార్డుగా చెప్పొచ్చు. చూడబోతుంటే ఇది మరిన్ని రికార్డులను తిరరాయబోతుందని చెప్పాలి. ప్రస్తుతం హాలీవుడ్‌లో అత్యంత కలెక్షన్లు రాబట్టిన చిత్రాలుగా `అవతార్‌`, `అవెంజర్స్` ఉన్నాయి. సుమారు 19వేల కోట్లు వసూలు చేశాయి. మరి ఈ మూవీ వాటిని రీచ్‌ అవుతుందా అనేది చూడాలి.
మర్వెల్స్ సిరీస్‌ నుంచి వచ్చిన ఈ చిత్రంలో ర‌య‌న్ రెనాల్డ్స్, హుయ్ జాక్ మెన్ ముఖ్య పాత్రలు పోషించారు. తెలుగు డ‌బ్బింగ్ వెర్ష‌న్ లో ఉన్న టైమ్లీ డైలాగులు అభిమానుల్ని విశేషంగా ఆకట్టుకున్నాయి. డెడ్ పుల్ పాత్ర‌దారు ర‌య‌న్ రెనాల్డ్స్ ప‌లికిన ప్ర‌తి సంభాష‌ణ‌కి సంబంధించిన తెలుగు డ‌బ్బింగ్ ఆద్యంతం హాస్యాన్ని పండించింది. దీంతో ఈ సినిమాకు విడుదలైన రోజు నుంచి తెలుగులోనూ మంచి ఆదరణ దక్కుతుంది.
ప్రస్తుతం ఇండియాలో బాగా ఆకట్టుకుంటున్న సినిమా `కల్కి 2898 ఏడీ`. ప్రభాస్‌ హీరోగా, కమల్‌ హాసన్‌, అమితాబ్‌ బచ్చన్‌, దీపికా పదుకొనె ప్రధాన పాత్రలు పోషించిన ఈ చిత్రం గత నెలలో విడుదలై కలెక్షన్లు దమ్ములేపుతుంది. వెయ్యి కోట్లు దాటింది. నెల రోజులు దాటినా ఇంకా రన్‌ అవుతుంది. ఇప్పటికీ మంచి కలెక్షన్లు వస్తున్నాయి. అయితే ఈ మూవీపై `డెడ్‌పుల్‌ అండ్‌ వాల్వరిన్‌` చిత్ర ప్రభావం పడింది. కలెక్షన్లకి దెబ్బకొడుతుందని తెలుస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి