డబ్బు కోసం ఏమైనా చేస్తా అది తప్ప..బీఎండబ్ల్యూ కార్లు ఎలా వచ్చాయంటే, నటి హేమ ఓపెన్ కామెంట్స్

గతంలో హేమ డబ్బు విషయంలో చేసిన వ్యాఖ్యల్ని నెటిజన్లు ఇప్పుడు వైరల్ చేస్తున్నారు. హేమ దగ్గర వందల కోట్ల ఆస్తి ఉందనే రూమర్స్ పై ఓ ఇంటర్వ్యూలో హేమ స్పందించింది.

కొన్ని దశాబ్దాలుగా టాలీవుడ్ లో నటి హేమ క్యారెక్టర్ ఆర్టిస్ట్ గా పాతుకుపోయారు. బడా హీరోలు, నిర్మాతలు, దర్శకులు అందరితో ఆమెకి మంచి పరిచయాలు ఉన్నాయి. అత్త, వదిన, తల్లి తరహా పాత్రలు.. కామెడీ టచ్ ఉన్న పాత్రల్లో హేమ నటించడం చూస్తూనే ఉన్నాం. హేమ ఎంత గుర్తింపు తెచ్చుకుందో అదే స్థాయిలో వివాదాలని కూడా మూటగట్టుకుంది. 

రీసెంట్ గా హేమ రేవ్ పార్టీ వివాదంలో చిక్కుకుని అరెస్ట్ అయిన సంగతి తెలిసిందే. హేమ బెంగుళూరు రేవ్ పార్టీలో పాల్గొన్నట్లు పోలీసులు గుర్తించారు. అంతే కాదు ఆమె డ్రగ్స్ తీసుకున్నట్లు కూడా రక్త పరీక్షలో నిర్ధారణ అయింది. దీనితో బెంగుళూరు పోలీసులు హేమని అరెస్ట్ చేసి కోర్టులో హాజరు పరిచారు. రీసెంట్ గా హేమ బెయిల్ పై విడుదల అయింది. 

అయితే గతంలో హేమ డబ్బు విషయంలో చేసిన వ్యాఖ్యల్ని నెటిజన్లు ఇప్పుడు వైరల్ చేస్తున్నారు. హేమ దగ్గర వందల కోట్ల ఆస్తి ఉందనే రూమర్స్ పై ఓ ఇంటర్వ్యూలో హేమ స్పందించింది. తన సంపాదనకు ఆధారం కేవలం సినిమా మాత్రమే కాదు అని హేమ తెలిపింది. ముందు నుంచి తమది ధనిక కుటుంబమే అని పేర్కొంది. మా అమ్మకి నాకు ఒంటి నిండా నగలు ఉన్నాయి. 

అలాగని కేవలం సినిమా మీదే ఆధార పడి ఉంటే ఇంత డబ్బు ఉండేది కాదు అని తెలిపింది. ఎంత డబ్బు ఉన్నా కోట్ల విలువ చేసే ఫ్లాట్ లు, బీఎండబ్ల్యూ కార్లు ఎలా సంపాదించారు అని యాంకర్ ప్రశ్నించారు. హేమ సమాధానం ఇస్తూ మా ఊర్లో నాకు ఆస్తులు ఉన్నాయి. నా భర్త సంపాదిస్తారు. అలాగే నేను కూడా చిట్టీలు లాంటి వ్యాపారాలు చేస్తాను. కాబట్టి నా లైఫ్ హ్యాపీ అని తెలిపింది. 

అంతా అనుకుంటున్నట్లు నా దగ్గర వందల కోట్లు అయితే లేవు అని తెలిపింది. ఎంత డబ్బు ఉన్నా నేను గంజి నీళ్లు తాగి బతకగలను. అడవిలో వదిలేసినా బతుకుతా. నాకు లగ్జరీ లైఫ్ మాత్రమే అవసరం లేదు అని తెలిపింది. పని విషయంలో నాకు చిన్న చూపు లేదు. 

డబ్బు సంపాదించడం కోసం ఎలాంటి పని అయినా చేస్తాను. అయితే తలవంచుకునే పని మాత్రం చేయను అని తెలిపింది. ఈ మాటలనే వైరల్ చేస్తూ.. హేమ రేవ్ పార్టీలో దొరికిన విషయాన్ని నెటిజన్లు హైలైట్ చేస్తున్నారు. తలదించుకునే పని మాత్రం జీవితంలో చేయను అని తెలిపింది. ఇప్పుడు రేవ్ పార్టీలో దొరికిపోయి పరువు పోగొట్టుకుందిగా అంటూ నెటిజన్లు విమర్శిస్తున్నారు. 

హేమని పోలీసులు అరెస్ట్ చేయడంతో మా అసోసియేషన్ కూడా ఆమెని సస్పెండ్ చేసిన సంగతి తెలిసిందే. ఇప్పుడు బెయిల్ పై విడుదలయింది కాబట్టి అసలు రేవ్ పార్టీలో ఏం జరిగింది ? తనని ఎందుకు అరెస్ట్ చేశారు.. ఈ సమస్య నుంచి తాను ఎలా బయటపడబోతోంది .. మా అసోసియేషన్ బ్యాన్ చేయడం లాంటి విషయాల గురించి హేమ క్లారిటీ ఇచ్చే అవకాశం ఉంది.