ఇల్లు కొనడానికి చిరంజీవి దగ్గర డబ్బు లేదా ? రెండు చిత్రాలకు నో రెమ్యునరేషన్..ఆ డైరెక్టర్ చేసిన సాయం

కొత్త ఆర్టిస్టులకు బిగినింగ్ డేస్ లో రెమ్యునరేషన్ ఎక్కువగా ఉండేది కాదు. కొన్నిసార్లు నిర్మాతలు డబ్బు ఇస్తారనే గ్యారెంటీ కూడా లేదు. ఇచ్చింది పుచ్చుకోవాలి.. లేదా సైలెంట్ గా ఉండాలి. చిరంజీవికి కూడా అలాంటి సంఘటన ఎదురైంది. 

మెగాస్టార్ చిరంజీవి నాలుగు దశాబ్దాల కెరీర్ లో ఎన్నో ఘనతలు సాధించారు. చిరంజీవి చూడని క్రేజ్, డబ్బు లేదు. ఒకప్పుడు సౌత్ లో చిరంజీవే అత్యధిక రెమ్యునరేషన్ అందుకునే నటుడు. అయితే చిరంజీవి మధ్యతరగతి కుటుంబం నుంచి వచ్చి ఒక్కో మెట్టు ఎదుగుతూ ఈ స్థాయికి చేరుకున్నారు. 

Chiraneevi

కొత్త ఆర్టిస్టులకు బిగినింగ్ డేస్ లో రెమ్యునరేషన్ ఎక్కువగా ఉండేది కాదు. కొన్నిసార్లు నిర్మాతలు డబ్బు ఇస్తారనే గ్యారెంటీ కూడా లేదు. ఇచ్చింది పుచ్చుకోవాలి.. లేదా సైలెంట్ గా ఉండాలి. అలా ఉండేది పరిస్థితి. చిరంజీవికి కూడా అలాంటి సంఘటన ఎదురైంది. 

టాలీవుడ్ సీనియర్ దర్శక నిర్మాత తమ్మారెడ్డి భరద్వాజ చిరంజీవితో కొన్ని చిత్రాలు చేశారు. కోతల రాయుడు, మొగుడు కావాలి లాంటి చిత్రాలు వీరిద్దరి కాంబినేషన్ లో వచ్చాయి. తమ్మారెడ్డి మాట్లాడుతూ.. నేను తొలిసారి చిరంజీవిని క్రాంతి కుమార్ గారి ఆఫీస్ లో చూశాను. కుర్రాడు ఒత్తుగా జుట్టు, పెద్ద కళ్ళతో భలే ఉన్నాడు అనిపించింది. 

ఎవరీ కుర్రాడు అని అడిగాను.. అతనే మొన్న ప్రాణం ఖరీదులో చేశాడు కదా అని చెప్పారు. అప్పుడే కోతల రాయుడు చిత్రంలో ఈ కుర్రాడినే తీసుకుందాం అని ఫిక్స్ అయినట్లు తమ్మారెడ్డి తెలిపారు. ఆయా విధంగా చిరంజీవితో కోతల రాయుడు, మొగుడు కావాలి చిత్రాలు నిర్మించానని అన్నారు. 

అయితే ఈ రెండు చిత్రాలకు చిరంజీవికి తమ్మారెడ్డి రెమ్యునరేషన్ ఇవ్వలేదట. ఓపెన్ గా ఈ విషయాన్ని తమ్మారెడ్డి చెప్పారు. సినిమా రిలీజ్ అయిపోయిన తర్వాత ఎప్పుడో ఒకసారి ఖర్చులకు డబ్బు ఇచ్చా. ఆ తర్వాత చిరంజీవి ఒక రోజు ఇల్లు కొంటున్నా అని ఫోన్ చేశాడు. దీనితో నా దగ్గర ఉన్న డబ్బు కొంత తీసుకెళ్లి ఇచ్చా. రెమ్యునరేషన్ ఇవ్వలేదు కాబట్టి నా సంతృప్తి కోసం ఆ డబ్బు ఇచ్చా. 

అయితే నేను డబ్బు ఇవ్వకపోతే చిరంజీవి ఇల్లు కొనలేని పరిస్థితిలో ఏమీ లేడు. అప్పటికే మంచి అవకాశాలు వస్తున్నాయి. నేను చిన్న సాయంగా మాత్రమే డబ్బు ఇచ్చానని తమ్మారెడ్డి అన్నారు. చిరంజీవితో తన రిలేషన్ ఎప్పుడూ బావుండేదని తమ్మారెడ్డి అన్నారు.