కోలీవుడ్ హీరోయిన్ మీరా మిథున్ తనను చంపేస్తానంటూ బెదిరిస్తుందని మరో నటి శాలుషమ్ము పోలీస్‌ కమిషనర్‌కు ఫిర్యాదుచేసింది. శాలు వరుత్త పడాద వాలిబర్ సంఘం సినిమాతో పాపులర్‌ అయ్యింది. ఇప్పుడు ఈమే మీరా మీథున్‌పై తీవ్రస్థాయిలో ఆరోపణలు చేసింది. అంతేకాదు ఆమె తనపై హత్యా బెదిరింపులకు పాల్పడుతోందని శాలు కంప్లయింట్ ఇచ్చింది.
undefined
ఇటీవల మీరా మిథున్ పేరు తరుచూ వార్తల్లో వినిపిస్తోంది. ఆమె కోలీవుడ్ సినీ ప్రముఖులపై తీవ్ర స్థాయిలో ఆరోపణలు చేస్తుంది. సూర్య నుంచి విజయ్‌ వరకు స్టార్ హీరోలను కూడా వదిలి పెట్టకుండా ఆమె ఆరోపణలు చేస్తోంది. దీంతో మీరాపై తమిళ సినీ పరిశ్రమ పెద్దలు గుర్రుగా ఉన్నారు. ఇటీవల దర్శకుడు భారతీ రాజా కూడా ఆమెకు వార్నింగ్ ఇచ్చారు.
undefined
అయితే ఈ నేపథ్యంలో శాలుషమ్ము కంప్లయింట్ చర్చనీయాంశమైంది. మీరా మీథున్‌ చేస్తున్న విమర్శలను తాను తప్పుపట్టడంతో ఆమె తన మీద బెదిరింపులకు దిగిందని శాలు వెల్లడించింది. అంతేకాదు ప్రస్తుతం మీరాకు అవకాశాలు లేకపోవటంతో ఆ కోపాన్ని కూడా తన మీదే చూపిస్తుందని చెప్పింది.
undefined
అంతేకాదు తనను వ్యభిచారిగా చిత్రించి అవకాశాలు రాకుండా చేయాలని మీరా ప్లాన్ చేస్తోందని తీవ్ర ఆరోపణలు చేస్తోంది శాలుషమ్ము. సోషల్ మీడియాలోనూ తన మీద దుష్ప్రాచారం చేస్తుందని ఆవేదన వ్యక్తం చేసింది. మీరా చేస్తున్న పనులతో తాను మానసికంగా ఇబ్బంది పడుతున్నానని ఆత్మహత్య చేసుకోవాలనిపిస్తుందని చెప్పింది. ఈ మేరకు చెన్నై పోలీస్‌ కమీషనర్‌కు కంప్లయింట్ ఇచ్చింది శాలు.
undefined