హాస్యనటుడు వివేక్‌కి ఇద్దరు కవల కుమార్తెలున్నారా? వారిని రహస్యంగా పెంచడం వెనుక విషాదం

తమిళ సినీ పరిశ్రమలో ప్రముఖ హాస్యనటుడిగా గుర్తింపు తెచ్చుకున్న వివేక్ తన ఇద్దరు కవల పిల్లలను ఎవరికీ తెలియకుండా పెంచడానికి కారణం తెలుసుకుందాం. 

కోలీవుడ్‌లో గొప్ప హాస్యనటుడిగా ఎదిగారు వివేక్‌

కోలీవుడ్‌లో చాలా మంది కమెడియన్స్ ఉన్నా, కొందరు మాత్రమే స్టార్‌ కమెడియన్‌గా,  గొప్ప హాస్యనటులుగా పేరు తెచ్చుకున్నారు. అందులో వివేక్ కు ప్రత్యేక స్థానం ఉంది. 

నేటి కాలంలో చాలామంది అవమానించడాన్ని, హేళన చేయడాన్ని హాస్యంగా భావిస్తున్నారు. కానీ వివేక్ తన హాస్యంతో ప్రజలకు జ్ఞానాన్ని, ఆలోచింప చేసే విషయాలను అందించేవారు. ఆయన తర్వాత అలాంటి హాస్యనటుడు రాలేదు.

అగ్ర హీరోలందరితోనూ కలిసి నటించిన వివేక్‌

వివేక్ ను సినీ పరిశ్రమకు కె.బాలచందర్ పరిచయం చేశారు. 'మనదిల్ ఉరుది వేండుమ్' చిత్రంతో ఆయన సినీ రంగ ప్రవేశం చేశారు. 300 కి పైగా చిత్రాలలో నటించారు. 

విజయ్, అజిత్, రజినీ వంటి అగ్ర హీరోలతో నటించిన వివేక్, కమల్ హాసన్ తో మాత్రం చాలా కాలం నటించలేదు. 'ఇండియన్ 2' చిత్రంతో ఆ కోరిక తీరింది. కానీ ఆ చిత్రం విడుదలకు ముందే వివేక్ మరణించడం బాధాకరం. 

వివేక్‌ అకాల మరణం కోలీవుడ్‌కి తీరని లోటు

2021 ఏప్రిల్ లో వివేక్ గుండెపోటుతో మరణించారు. ఆయన మరణం తమిళ సినీ పరిశ్రమకు షాక్ ఇచ్చింది. కరోనా సమయంలో ప్రజలకు అవగాహన కల్పిస్తున్న వివేక్ మరణం తమిళ సినీ పరిశ్రమకు తీరని లోటు. వివేక్ కు అరుళ్ సెల్వి అనే భార్య, ఇద్దరు కుమార్తెలు, ఒక కుమారుడు ఉన్నారు.

వివేక్‌ కొడుకు మరణంతో సంచలన నిర్ణయం

వివేక్ కుమారుడు ప్రసన్న 2015 లో అనారోగ్యంతో మరణించాడు. కుమారుడిని చాలా ప్రేమించే వివేక్, తనయుడి మరణంతో చాలా బాధపడ్డారు. కుమారుడి మరణం తర్వాత వివేక్ కు ఇద్దరు కవల కుమార్తెలు పుట్టారు. 

ఆయన మరణించే వరకు ఈ విషయం ఎవరికీ తెలియదు. కొన్ని నెలల క్రితం ఒక యూట్యూబ్ ఛానల్ కు ఇచ్చిన ఇంటర్వ్యూలో వివేక్ భార్య ఈ విషయాన్ని వెల్లడించారు.

కవల కుమార్తెలను రహస్యంగా పెంచిన వివేక్‌ భార్య

వివేక్ పెద్ద కుమార్తెల పేర్లు అమృత నందిని, తేజస్విని. 2017 లో పుట్టిన కవల పిల్లలకు నాలుగు నెలల వరకు పేర్లు పెట్టలేదు. ఒకసారి కాంచీపురం గోశాలకు వెళ్ళినప్పుడు, కాంచీ కామాక్షి అమ్మవారి ఆలయానికి వెళ్లారు. 

అక్కడ కొన్ని పేర్లు రాసి ఉన్న చీటీలను అమ్మవారి పాదాల దగ్గర పెట్టి, అందులో రెండు చీటీలు తీసుకురమ్మని అర్చకుడికి చెప్పారు. ఆ చీటీల్లో ఉన్న ప్రశాంతిని, ప్రార్థన అనే పేర్లను తన కవల పిల్లలకు పెట్టారు. ఆ పిల్లలు ఇప్పుడు రెండో తరగతి చదువుతున్నారు.