నటుడు జీవా తన కుటుంబ సభ్యులతో కలిసి సేలం నుండి చెన్నైకి తిరిగి వస్తుండగా కారు ప్రమాదానికి గురయ్యారు. కల్లకురిచ్చి సమీపంలో జరిగిన కారు ప్రమాదం తీవ్ర కలకలం రేపింది.
తమిళ సినిమా రంగంలో ప్రముఖ నిర్మాత అయిన ఆర్.బి. చౌదరి రెండవ కుమారుడు జీవా. తమిళ సినీ ప్రేక్షకులందరికీ సుపరిచితుడు. చిన్నతనంలోనే బాల నటుడిగా కొన్ని చిత్రాలలో నటించే అవకాశం లభించింది.
2003 సంవత్సరంలో 'ఆశై ఆశాయై' అనే చిత్రం ద్వారా హీరోగా పరిచయం అయ్యాడు. తొలి చిత్రంతోనే మంచి గుర్తింపు తెచ్చుకున్న జీవా, తర్వాత వరుసగా తితిక్కుతే, రామ్, డిష్యుం, పోరి, ముఖముడి వంటి చిత్రాలలో నటించాడు. జీవా తొలుత ప్రేమకథా చిత్రాలలో నటించినప్పటికీ, తర్వాత విభిన్నమైన పాత్రలను ఎంచుకుని నటించడం ప్రారంభించాడు. అయితే, గత కొన్ని సంవత్సరాలుగా జీవా నటించిన చిత్రాలు ఏవీ ఆశించిన విజయాన్ని అందుకోలేకపోయాయి.
గతేడాది వెంకట్ ప్రభు దర్శకత్వంలో నాగ చైతన్య హీరోగా నటించిన 'కస్టడీ' చిత్రంలో అతిథి పాత్రలో మాత్రమే కనిపించాడు. ఈ ఏడాది జీవా.. వైఎస్ జగన్ జీవిత చరిత్ర, పాదయాత్ర ఆధారంగా తెరెకెక్కించిన యాత్ర 2 చిత్రంలో నటించారు. వైఎస్ జగన్ పాత్రలో జీవా నటించారు.
Also Read: ఆ స్టార్ హీరో మూవీ రీమేక్ చేయమని అడిగిన సమంత..ఇకపై నోరెత్తకుండా మహేష్ దిమ్మతిరిగే సమాధానం
నటుడు జీవా కుటుంబం ప్రమాదానికి గురైన వార్త తీవ్ర కలకలం రేపింది. జీవా తన కుటుంబ సభ్యులతో కలిసి సేలం నుండి చెన్నైకి కారులో తిరిగి వస్తుండగా, కల్లకురిచ్చి సమీపంలోని చిన్న సేలం ప్రాంతంలో ఆయన కారు ప్రమాదానికి గురైంది. ఎదురుగా వస్తున్న బైక్‌ను తప్పించబోయి, రోడ్డు పక్కన ఉన్న డివైడర్‌ను తాకి కారు ప్రమాదానికి గురైనట్లు సమాచారం. జీవా కారు ముందు భాగం తీవ్రంగా దెబ్బతినగా, ఆయన కుటుంబ సభ్యులు స్వల్ప గాయాలతో బయటపడ్డారు.
ఈ ప్రమాదంతో సంఘటనా స్థలానికి స్థానికులు పెద్ద ఎత్తున తరలివచ్చారు. జీవాను పరిస్థితి ఏమిటని అడిగిన ఓ వ్యక్తిపై ఆయన ఆగ్రహం వ్యక్తం చేశారు. జీవా అతడి ఫ్యామిలీ స్వల్ప గాయాలతో బయటపడడంతో అభిమానులు ఊపిరి పీల్చుకున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి