ఎన్టీఆర్- ప్రశాంత్ నీల్ మూవీపై క్రేజీ అప్డేట్!

ఎన్టీఆర్-ప్రశాంత్ నీల్ మూవీ కోసం ఫ్యాన్స్ తో పాటు దేశవ్యాప్తంగా ఉన్న మూవీ లవర్స్ ఎదురు చేస్తున్నారు. ఎట్టకేలకు అప్డేట్ వచ్చింది. కెజిఎఫ్ ఫేమ్ ప్రశాంత్ నీల్ ఎన్టీఆర్ షూటింగ్ కి ఏర్పాట్లు మొదలు పెట్టాడట.   

వరుస  విజయాలతో జోరు మీదున్నారు ఎన్టీఆర్. టెంపర్ అనంతరం ఎన్టీఆర్ కి ప్లాప్ లేదు. వీటిలో ఆర్ ఆర్ ఆర్, దేవర భారీ విజయాలు అందుకున్నాయి. రామ్ చరణ్-ఎన్టీఆర్ ల మల్టీస్టారర్ ఆర్ ఆర్ ఆర్ వరల్డ్ వైడ్ రూ. 1200 కోట్లకు పైగా వసూళ్లు రాబట్టింది. రాజమౌళి ఆర్ ఆర్ ఆర్ చిత్రాన్ని తెరకెక్కించిన సంగతి తెలిసిందే. 

సాధారణంగా రాజమౌళి సెంటిమెంట్ కి ఆయన హీరోలు బలి అవుతూ ఉంటారు. రాజమౌళితో మూవీ చేసిన ప్రతి హీరో నెక్స్ట్ మూవీ డిజాస్టర్ అయ్యింది. ఆర్ ఆర్ ఆర్ హీరోల్లో ఒకరైన రామ్ చరణ్ కూడా ఈ బ్యాడ్ సెంటిమెంట్ ఫేస్ చేశాడు. ఆచార్య మూవీ రూపంలో భారీ డిజాస్టర్ పడింది. రాజమౌళి సెంటిమెంట్ ని బ్రేక్ చేసిన మొదటి హీరో ఎన్టీఆర్. దేవర వరల్డ్ వైడ్ రూ. 500 కోట్లకు పైగా వసూళ్లు రాబట్టింది. 

హిందీలో సైతం దేవర చెప్పుకోదగ్గ వసూళ్లు రాబట్టింది. దేవర హిందీ వెర్షన్ రూ. 60 కోట్ల వరకు రాబట్టినట్లు ట్రేడ్ వర్గాలు అంచనా వేశాయి. ఆర్ ఆర్ ఆర్ చిత్రానికి ఎన్టీఆర్ దాదాపు నాలుగేళ్లు కేటాయించాడు. మరో రెండేళ్ల సమయం దేవర విడుదలకు పట్టింది. ఆరేళ్లలో ఎన్టీఆర్ చేసింది కేవలం రెండు సినిమాలే. ఇకపై వీలైనంత త్వరగా చిత్రాలు చేయాలని ఎన్టీఆర్ భావిస్తున్నాడు. ప్రస్తుతం వార్ 2 షూటింగ్ లో ఎన్టీఆర్ నటిస్తున్నారు. హృతిక్ రోషన్ మరో హీరోగా నటిస్తున్నాడు. 

అయాన్ ముఖర్జీ దర్శకుడిగా ఉన్నాడు. వార్ 2 మూవీలో ఎన్టీఆర్ రోల్ పై ఇంట్రెస్టింగ్ న్యూస్ వైరల్ అవుతుంది. ఎన్టీఆర్ పాత్ర రెండు డిఫరెంట్ షేడ్స్ కలిగి ఉంటుందట. రా ఏజెంట్ గా పాజిటివ్ యాంగిల్ లో అలాగే నెగిటివిటీతో కూడిన మరో యాంగిల్ ఆ రోల్ కలిగి ఉంటుందట. ఈ న్యూస్ టాలీవుడ్ వర్గాల్లో ఆసక్తి రేపుతోంది. గతంలో ఎన్టీఆర్ నెగిటివ్ షేడ్స్ ఉన్న రోల్స్ చేశారు. జై లవకుశ చిత్రంలో ఎన్టీఆర్ ట్రిపుల్ రోల్ చేశాడు. జై, లవ పాత్రలు నెగిటివ్ షేడ్స్ కలిగి ఉంటాయి. 

NTR 31

 వార్ 2 అనంతరం ఎన్టీఆర్ దర్శకుడు ప్రశాంత్ నీల్ తో మూవీ చేయనున్నారు. డ్రగ్ మాఫియాలో సాగే గ్యాంగ్ స్టర్ డ్రామా ఈ చిత్రం తెరకెక్కనుందంటూ అంటూ ప్రచారం జరుగుతుంది. డ్రాగన్ అనే టైటిల్ పరిశీలనలో ఉంది. కాగా ఎన్టీఆర్-ప్రశాంత్ నీల్ ప్రకటించి చాలా ఏళ్ళు అవుతుంది. సలార్ కంటే ముందే ఈ మూవీ మొదలు కావాల్సింది. ఇతర కారణాలతో ఆలస్యం అవుతూ వచ్చింది. 

ఎట్టకేలకు అభిమానుల నిరీక్షణకు తెరపడింది. ఎన్టీఆర్ మూవీ షూటింగ్ ప్రశాంత్ నీల్ సంక్రాంతి అనంతరం స్టార్ట్ చేస్తున్నారట. ప్రచారం జరిగినట్లే రుక్ష్మిణి వసంత్ హీరోయిన్ గా ఫిక్స్ అట. అలాగే మలయాళ పాప్యులర్ స్టార్స్ తోవినో థామస్, బిజు మీనన్ కీలక రోల్స్ చేస్తున్నారట. ఈ మేరకు ఓ న్యూస్ సోషల్ మీడియాలో వైరల్ అవుతుంది.