ఎన్టీఆర్ ‘దేవర’ సెన్సార్ కట్స్ ఇవే
First Published Sep 13, 2024, 6:55 AM IST
ఎన్టీఆర్ హీరోగా డైరెక్టర్ కొరటాల శివ తెరకెక్కిస్తున్న చిత్రం ‘దేవర’. ఈ క్రేజీ పాన్‌ ఇండియా ప్రాజెక్టు ‘దేవర’ సెప్టెంబర్ 27 న పార్ట్‌ 1ను రిలీజ్ చేస్తున్నారు.
ఎన్టీఆర్ హీరోగా డైరెక్టర్ కొరటాల శివ తెరకెక్కిస్తున్న చిత్రం ‘దేవర’. ఈ క్రేజీ పాన్‌ ఇండియా ప్రాజెక్టు ‘దేవర’ సెప్టెంబర్ 27 న పార్ట్‌ 1ను రిలీజ్ చేస్తున్నారు.
ఎన్టీఆర్- దర్శకుడు కొరటాల శివ కాంబినేషన్‌లో రూపొందుతున్న భారీ యాక్షన్ డ్రామా చిత్రం ‘దేవర’. ఆర్‌ఆర్‌ఆర్‌ తర్వాత తారక్‌ నుంచి వస్తున్న సినిమా కావడంతో అభిమానులు ఎంతగానో ఈ సినిమా కోసం ఎదురుచూస్తున్నారు.
ఈ సినిమాపై భారీ ఎక్సపెక్టేషన్స్ ఉండటంతో బిజినెస్ కూడా అదే స్దాయిలో జరుగుతోంది. కేవలం తెలుగు రాష్ట్రాల నుంచి మాత్రమే కాకుండా వేరే రాష్ట్రాల నుంచి కూడా బిజినెస్ పరంగా క్రేజ్ నెలకొని ఉంది. రీసెంట్ గా ఈ చిత్రం సెన్సార్ పూర్తైంది. ఆ సెన్సార్ కట్స్ డిటేల్స్ చూద్దాం.
దేవర చిత్రం ప్రమోషన్స్ ఫుల్ స్వింగ్ లో మొదలయ్యాయి. ఎన్టీఆర్ ఈ సినిమాపై పూర్తి దృష్టి పెట్టారు. ప్యాన్ ఇండియా స్టార్ గా దేవరతో ఎన్టీఆర్ ఎస్టాబ్లిష్ అవ్వాలని భావిస్తున్నారు.
దీన్ని దృష్టిలో పెట్టుకునే నిర్మాతలు సైతం సినిమాని ఎగ్రిసివ్ గా ప్రమోట్ చేస్తున్నారు. సినిమాలో ఉన్న ఎలిమెంట్స్ ని హైలెట్ చేస్తూ ప్రమోషన్ క్యాంపైన్ నిర్వహించాలని ప్లాన్ చేస్తున్నట్లు సమాచారం.
ముంబై లో దేవర ట్రైలర్ లాంచ్ తర్వాత దేవర పై అంచనాలు భారీగా పెరిగిపోయాయి. దేవర ట్రైలర్ విడుదలైన రోజే సెన్సార్ కి వెళ్ళిపోయింది.
దేవర రన్ టైం 2.47 నిమిషాలుగా ఉంది. అందులో టైటిల్స్, ఎండ్ టైటిల్స్ తో కలిపి 2.57 నిమిషాల కట్ తో దేవర నిడివి ఉంది. ఇక దేవర లో సెన్సార్ సభ్యులు కొన్ని కట్స్ చెప్పినట్టుగా తెలుస్తుంది.
దేవరలో ఒక వ్యక్తి తన భార్య కడుపు మీద తన్నే సీన్, కుంజర అనే అతని కొడుకు తన తల్లిని కొట్టే సీన్ తో పాటుగా కత్తికి వేలాడదీసిన ఒక బాడీ సీన్, అంతేకాకుండా ఫైనల్ గా సొర చేప విజువల్ లో సిజిఐ మార్క్ వేయలేదని ఈ నాలుగు సీన్స్ దేవర లో ఉండరాదు అని కట్స్ చెప్పారట.
టోటల్ గా 7 సెకండ్స్ కట్స్ లో 2 సెకండ్స్ రీప్లేస్ చేసినట్టుగా తెలుస్తుంది. దేవర కు సెన్సార్ బోర్డు వారు యు/ఏ సర్టిఫికెట్ ఇచ్చిన విషయం తెలిసిందే.
భారీ యాక్షన్ ఎంటర్టైనర్ గా రాబోతున్న ఈ చిత్రం పై విపరీతమైన క్రేజ్ ఉంది. దేవర ఓపెనింగ్స్ తోనే సరికొత్త రికార్డ్ నెలకొల్పేలా దేవర బుకింగ్స్ ఉన్నాయి.
రెండు భాగాలుగా తెరకెక్కుతున్న ఈ చిత్రంలో ఎన్టీఆర్ తండ్రీకొడుకులుగా ద్విపాత్రాభినయం చేస్తున్నారని తెలుస్తోంది. సెప్టెంబరు 27న అభిమానుల కోసం తెల్లవారుజామున 1:08 గంటలకు బెన్ ఫిట్ షోస్ వేసేలా మేకర్స్‌ ప్లాన్ చేస్తున్నారని టాక్‌..
ఓవర్సీస్‌లో కూడా ఇదే సమయంలో షో పడనుంది. తెలుగు రాష్ట్రాలలో ఈ చిత్ర థియేట్రికల్ రైట్స్ ను సితార ఎంటైర్మెంట్స్ నిర్మాత నాగవంశీ దక్కించుకున్నారు. సోలోగా దేవర వస్తుండటంతో బాక్సాఫీస్ షేక్‌ చేయడం గ్యారెంటీ అంటూ అభిమానులు కామెంట్లు చేస్తున్నారు.
బిగ్ బాస్ తెలుగు సీజన్ 8 అప్ డేట్స్ కోేసం ఇక్కడ క్లిక్ చేయండి.
దేవర మూవీ తెలుగు, హిందీ, తమిళం, కన్నడ, మలయాళం భాషల్లో రిలీజ్ కానుంది. అన్ని భాషల కోసం ప్రమోషన్లను జోరుగా చేసేలా మూవీ టీమ్ పక్కా ప్లాన్ వేస్తోందని తెలుస్తోంది. దేవర చిత్రంలో ఎన్టీఆర్ సరసన జాన్వీ కపూర్ హీరోయిన్‍గా నటించారు.
బాలీవుడ్ స్టార్ సైఫ్ అలీ ఖాన్, బాబీ డియోల్ విలన్లుగా చేశారు. ఈ మూవీలో ప్రకాశ్ రాజ్, షైన్ టామ్ చాకో, శ్రీకాంత్, తారక పొన్నాడ, శృతి మరాథే, మురళీ శర్మ కీలకపాత్రలు పోషించారు.