రేటు పెంచిన మృణాల్ ఠాకూర్.. ఎంత డిమాండ్ చేస్తుందంటే...?

ఒక్క సినిమాతో టాలీవుడ్ లో స్టార్ హీరోయిన్ గా మారింది మృణాల్ ఠాకూర్.  తెలుగువారి మనసును దోచిన ఈ బ్యూటీ.. తాజాగా తన రేటును కూడా పెంచేసిందట.. ఇంతకీ ఆమె ఎంత డిమాండ్ చేస్తుందంటే..?   

సినిమా రంగంలో ఫేమస్ అయ్యేంత వరకే కష్టాలు.. టాలెంట్ తో ఎదిగి.. కాస్త ఇమేజ్ వస్తే చాలు.. డిమాండ్ ఆటోమాటిక్ గా పెరుగుతుంది. మరీ ముఖ్యంగా హీరోయిన్ల విషయంలో.. తొందరగా ఫలితం చూపిస్తుంది. ఎందుకంటే వారి కెరీర్ లైఫ్ స్పాన్ చాలా తక్కువగా ఉంటుంది కాబట్టి మంచి ఫామ్ లో ఉండగానే సంపాదించుకోవాలి అని చూస్తుంటారు తారలు. ఆఫార్ములాను బాగా వంటబట్టించుకున్నట్టుంది మృణాల్ ఠాకూర్ తాజాగా  తన రెమ్యూరేషన్ పెంచేసిందట. 

దీపం ఉండగానే ఇల్లు చక్కదిద్దుకోవాలి.. అవకాశాలు వస్తున్నప్పుడే సందపాదించేసుకోవాలి.. మృణాల్ ప్రస్తుతం అదే పనిలో ఉంది. వరుసగా ఆఫర్లు వస్తున్నా.. ఆచితూచి అడుగులు వేస్తుంది. హిట్టయినా..ప్లాప్ అయినా సరే.. సినిమా గుర్తుండిపోవాలి.. జనాలలో ఇమేజ్ డామేజ్ అవ్వకూడదు..అలాంటి సినిమాలు ఎంచుకుని మరీ చేస్తుంది. ఇక దానికి తోడు తాజాగా ఆమె  తన రెమ్యూనరేషన్ కూడా పెంచేసిందట. 

తారలు తమ క్రేజ్‌ను బట్టి పారితోషికాన్ని డిమాండ్‌ చేస్తుంటారు. ప్రస్తుతం తెలుగు తారాపథంలో దూసుకుపోతున్న హీరోయిన్ మృణాల్‌ ఠాకూర్‌. దీంతో ఈ భామ పారితోషికాన్ని కూడా అమాంతం పెంచేసిందట. ప్రస్తుతం ఈ సొగసరి ఒక్కో సినిమాను రెండు నుంచి మూడు కోట్లు డిమాండ్‌ చేస్తున్నదని తెలిసింది. గతంలోఎంత ఉన్నా.. ఇప్పుడు ఆమె డిమాండ్ చేసేది మాత్రం స్టార్ హీరోయిన్ తీసుకునే పారితోషికమే. 

సీతారామం సినిమాతో టాలీవుడ్ ఎంట్రీ ఇచ్చిన మృణాల్.. సీతగా తెలుగు ప్రేక్షకులు మనసుల్లో చెరగని ముద్ర వేసింది. అంతేనా.. అందం అభినయంతో మెప్పించింది. ఇక వరుసగా ఆఫర్లు ఆమె గుమ్మం ముందుకు వచ్చి చేరాయి.. ప్రస్తుతం నానీ 30వ సినిమాలో నటిస్తోంది బ్యూటీ.. 

అంతే కాదు ప్రస్తుతం విజయ్ దేవరకొండ సరసన మెరుపులు  మెరిపించబోతోంది. గీతగోవింద మూవీ కాంబో రిపీట్ కాబోతోంది. విజయ్ తో పరశురామ్ సినిమా తాజాగా స్టార్ట్ అయ్యింది. ఇక ఈసినిమాలో రౌడీ మీరో జతగా మృణాల్ ఠాకూర్ నటిస్తోంది. దాంతో ఈబ్యూటీ ఈసినిమాతోనే తన రెమ్యూనరేషన్ కూడా పెంచేసినట్టు తెలుస్తోంది. ముందు ముందు మృణాల్ కెరీర్ ఎలా ఉంటుందో చూడాలి మరి.