యశ్ ధుల్ మరో పృథ్వీషా అవుతాడా... అండర్ 19 వరల్డ్ కప్ గెలిచిన ఇద్దరు కెప్టెన్ల మధ్య...

అండర్ 19 వరల్డ్ కప్ 2022 టోర్నీని గెలిచి అందరి దృష్టినీ ఆకర్షించాడు యశ్ ధుల్. అండర్ 19 ఆసియా కప్, అండర్ 19 వరల్డ్ కప్ గెలిచిన యశ్ ధుల్‌కీ, 2018లో అండర్ 19 వరల్డ్ కప్ గెలిచిన పృథ్వీషాకి మధ్య చాలా పోలికలు ఉండడం విశేషంగా మారింది...

2018-19 కెప్టెన్‌గా ఐసీసీ అండర్ 19 వరల్డ్ కప్‌ గెలిచాడు పృథ్వీషా. 2022లో కెప్టెన్‌గా ఐసీసీ అండర్ 19 వరల్డ్ కప్ గెలిచాడు యశ్ ధుల్...

రంజీ ట్రోఫీలో తమిళనాడుతో జరిగిన మ్యాచ్ ద్వారా ఫస్ట్ క్లాస్ క్రికెట్‌లో ఆరంగ్రేటం చేశాడు పృథ్వీషా... యశ్ ధుల్ కూడా తమిళనాడుతో మ్యాచ్‌ ద్వారానే రంజీ ట్రోఫీలో ఎంట్రీ ఇచ్చాడు...

తన మొదటి ఫస్ట్ క్లాస్ ఇన్నింగ్స్‌లోనే సెంచరీ చేసిన పృథ్వీషా 175 బంతుల్లో 120 పరుగులు చేశాడు. యశ్ ధుల్ కూడా మొదటి ఇన్నింగ్స్‌లోనే సెంచరీ చేసి 150 బంతుల్లో 113 పరుగులు చేశాడు...

సెంచరీకి ముందు 99 పరుగుల వద్ద నో బాల్ వల్ల పృథ్వీషాకి లైఫ్ దక్కింది. యశ్ ధుల్‌కి కూడా 97 పరుగుల లైఫ్ దొరికింది. యశ్ ధుల్‌ నాటౌట్‌గా నిలవడానికి కూడా నో బాల్ కారణం...

పృథ్వీషా, ఢిల్లీ క్యాపిటల్స్ జట్టు ద్వారా ఐపీఎల్ ఎంట్రీ ఇవ్వగా యశ్ ధుల్‌ కూడా డీసీ తరుపునే ఇండియన్ ప్రీమియర్ లీగ్‌లో ఆరంగ్రేటం చేయబోతున్నారు... 

దీంతో యశ్ ధుల్, మరో పృథ్వీషా అవుతాడా? అని లెక్కలు వేస్తున్నారు క్రికెట్ ఫ్యాన్స్... దూకుడైన బ్యాటింగ్‌తో మరో యంగ్ టాలెంటెడ్ ప్లేయర్‌గా రిజర్వు బెంచ్‌కే పరిమితమవుతాడా? అంటూ అంచనాలు కడుతున్నారు.

అండర్ 19 వరల్డ్ కప్‌లో సెంచరీ చేసిన మూడో భారత కెప్టెన్‌గా రికార్డు క్రియేట్ చేశాడు యశ్ ధుల్. ఇంతకుముందు విరాట్ కోహ్లీ, ఉన్ముక్త్ చంద్ ఈ ఫీట్ సాధించారు...

విరాట్ కోహ్లీ, అండర్ 19 వరల్డ్ కప్ 2008 తర్వాత భారత జట్టులోకి ఎంట్రీ ఇచ్చి, టీమిండియా కెప్టెన్‌గా, లెజెండరీ బ్యాటర్‌గా నిలిచాడు...

2012లో అండర్ 19 వరల్డ్ కప్ గెలిచిన ఉన్ముక్త్ చంద్ మాత్రం వచ్చిన క్రేజ్‌కు ఉప్పొంగిపోయి, వరుసగా ఫెయిల్ అవుతూ... భారత జట్టుకి ఎంపిక కాలేక, యూఎస్‌కే వలసెళ్లి పోయాడు...

యశ్ ధుల్ మరో పృథ్వీషా, విరాట్ కోహ్లీ కాకపోయినా కనీసం ఉన్ముక్త్ చంద్‌లా ఉసురుమనిపించకపోతే చాలని అంటున్నారు టీమిండియా ఫ్యాన్స్...