Womens T20 World Cup 2026 Prize Money: మహిళల టీ20 వరల్డ్ కప్ 2026 టైటిల్ గెలిచిన ఆస్ట్రేలియాకు ఐసీసీ భారీ ప్రైజ్ మనీ ఇచ్చింది. రన్నరప్ ఇంగ్లాండ్ కూడా భారీగానే అందుకుంది. మరి టీమిండియాకు దక్కిన మొత్తం మనీ ఎంతో తెలుసా?
లార్డ్స్ హిస్టారికల్ గ్రౌండ్లో విమెన్స్ టీ20 వరల్డ్ కప్ 2026 ట్రోఫీని గెలుచుకున్న వరల్డ్ ఛాంపియన్ ఆస్ట్రేలియా టీమ్పై కాసుల వర్షం కురిసింది. కేవలం విన్నర్ మాత్రమే కాదు.. ఫైనల్లో ఓడిపోయి రన్నరప్గా నిలిచిన ఇంగ్లాండ్ టీమ్ కూడా భారీ మొత్తాన్ని వెనకేసుకుంది. ఇంటర్నేషనల్ క్రికెట్ కౌన్సిల్ (ICC) ఈ మెగా టోర్నీ కోసం కోట్ల రూపాయల ప్రైజ్ మనీని ప్రకటించింది.
26
ఆస్ట్రేలియా రికార్డ్ విక్టరీ.. 7వ సారి కప్ సొంతం
విమెన్స్ టీ20 వరల్డ్ కప్ 2026 ఫైనల్ మ్యాచ్లో ఇంగ్లాండ్పై 7 వికెట్ల తేడాతో గ్రాండ్ విక్టరీ కొట్టింది ఆస్ట్రేలియా. ఈ గెలుపుతో రికార్డు స్థాయిలో ఏడోసారి వరల్డ్ కప్ టైటిల్ను తన ఖాతాలో వేసుకుంది. ఆదివారం లార్డ్స్ మైదానంలో జరిగిన ఈ హై-వోల్టేజ్ మ్యాచ్లో బెత్ మూనీ, ఫోయెబ్ లిచ్ఫీల్డ్ మధ్య జరిగిన సెంచరీ పార్ట్నర్షిప్ టీమ్ విజయానికి మెయిన్ పిల్లర్గా నిలిచింది. కాగా, ఆస్ట్రేలియా టీమ్ ఇంతకుముందు 2010, 2012, 2014, 2018, 2020, 2023 సంవత్సరాల్లో ట్రోఫీలను గెలుచుకోగా, ఇంగ్లాండ్ టీమ్ కేవలం 2009లో ఒకే ఒక్కసారి ఛాంపియన్గా నిలిచింది.
36
బెత్ మూనీ వన్ ఉమెన్ షో.. ప్లేయర్ ఆఫ్ ది సిరీస్
ఆస్ట్రేలియాకు విమెన్స్ టీ20 వరల్డ్ కప్ 2026 టైటిల్ అందించడంలో ఓపెనర్ బెత్ మూనీ అద్భుతమైనచ బ్యాటింగ్తో అదరగొట్టింది. ఫైనల్ మ్యాచ్లో కేవలం 49 బంతుల్లో 10 ఫోర్ల సాయంతో 64 రన్స్ చేసి అదరగొట్టిన బెత్ మూనీకి 'ప్లేయర్ ఆఫ్ ది మ్యాచ్'తో పాటు 'ప్లేయర్ ఆఫ్ ది సిరీస్' అవార్డు కూడా దక్కింది. ఈ టోర్నీలో మొత్తం 7 మ్యాచ్లు ఆడిన మూనీ.. 47.60 సగటుతో 238 రన్స్ చేసింది. బ్యాటింగ్తోనే కాకుండా ఫీల్డింగ్లోనూ 5 క్యాచ్లు పట్టి సూపర్ అనిపించుకుంది. ఈ ఎడిషన్లో అత్యధిక పరుగులు చేసిన బ్యాటర్ల లిస్ట్లో ఆమె రెండో స్థానంలో నిలిచింది.
లార్డ్స్ లో వరల్డ్ కప్ ట్రోఫీని ముద్దాడిన ఆస్ట్రేలియా టీమ్కు ఐసీసీ భారీ నజరానా ఇచ్చింది. ఛాంపియన్గా నిలిచిన ఆస్ట్రేలియాకు మెరిసిపోయే ట్రోఫీతో పాటు ఏకంగా 2.34 మిలియన్ యూఎస్ డాలర్లు అంటే మన ఇండియన్ కరెన్సీలో దాదాపు రూ. 22 కోట్ల భారీ ప్రైజ్ మనీ లభించింది. అలాగే ఫైనల్లో రన్నరప్గా నిలిచిన ఇంగ్లాండ్ టీమ్కు 1.17 మిలియన్ యూఎస్ డాలర్లు అంటే దాదాపు రూ. 11 కోట్ల భారీ అమౌంట్ దక్కింది.
56
టీమిండియాకు దక్కిన ప్రైజ్ మనీ ఎంతంటే?
ఇక విమెన్స్ టీ20 వరల్డ్ కప్ 2026 సెమీఫైనల్స్ వరకు వచ్చి ఓడిపోయిన వెస్టిండీస్, సౌతాఫ్రికా టీమ్స్కు సమానంగా ప్రైజ్ మనీ లభించింది. ఈ రెండు జట్లకు 6.7 లక్షల యూఎస్ డాలర్లు అంటే సుమారు రూ. 6.29 కోట్ల చొప్పున ఐసీసీ అందజేసింది. ఇదిలా ఉంటే, ఈ టోర్నీలో నాకౌట్ స్టేజ్కు చేరుకోలేకపోయిన మిగిలిన 8 టీమ్స్కు కూడా ఐసీసీ ప్రైజ్ మనీ ఇచ్చింది.
ఇందులో ప్రతి టీమ్కు రూ. 2.35 కోట్లు లభించాయి. లీగ్ స్టేజ్ దాటలేకపోయిన టీమ్ ఇండియా కూడా ఈ రూ. 2.35 కోట్ల ప్రైజ్ మనీతోనే సరిపెట్టుకోవాల్సి వచ్చింది. వీటితో పాటు గ్రూప్ స్టేజ్లో సాధించిన ప్రతి గెలుపునకు గానూ ఆయా టీమ్స్కు అదనంగా 31,154 యూఎస్ డాలర్లు అంటే సుమారు రూ. 29 లక్షల చొప్పున ఐసీసీ బోనస్ మనీ ఇచ్చింది.
66
Womens T20 World Cup 2026 Prize Money: ఏ టీమ్కు ఎంత ప్రైజ్ మనీ వచ్చింది?
విన్నర్ టీమ్ (ఆస్ట్రేలియా) - రూ. 22 కోట్లు
రన్నరప్ టీమ్ (ఇంగ్లాండ్) - రూ. 11 కోట్లు
మొదటి సెమీఫైనలిస్ట్ (వెస్టిండీస్) - రూ. 6.29 కోట్లు
రెండో సెమీఫైనలిస్ట్ (సౌతాఫ్రికా) - రూ. 6.29 కోట్లు
నాకౌట్ చేరని జట్లు (భారత్తో సహా 8 టీమ్స్) - రూ. 2.35 కోట్లు (ప్రతి టీమ్కు)
