రోహిత్ శర్మ... పరిమిత ఓవర్ల క్రికెట్లో అత్యంత ప్రమాదకర ఓపెనర్. అతడి బ్యాటింగ్ స్టైల్ సీనియర్ డాషింగ్ ఓపెనర్ వీరేంద్ర సెహ్వాగ్ ను పోలివుంటుందని ఇటీవలే కెప్టెన్ కోహ్లీ ప్రశంసించాడు. ఇదొక్కటి చాలు రోహిత్ ఎంత గొప్ప ఓపెనరో చెప్పడానికి. కానీ వన్డే, టీ20 ఫార్మాట్ లో తొందరగానే ఓపెనింగ్ చేసే అవకాశాన్ని దక్కించుకున్న అతడికి టెస్టుల్లో మాత్రం అంత ఈజీగా ఈ అవకాశం రాలేదు. అయితే కాస్త లేటయినా రావడం మాత్రం పక్కా... ఫార్మాట్ ఏదైనా ఓపెనర్ గా అదరగొట్టడం పక్కా అని రోహిత్ వైజాగ్ టెస్ట్ ద్వారా నిరూపించాడు.
undefined
భారత్-సౌతాఫ్రికాల మధ్య మహాత్మా గాంధీ-నెల్సన్‌ మండేలా ఫ్రీడమ్‌ ట్రోఫీలో భాగంగా మూడు టెస్టుల సీరిస్ జరుగుతోంది. ఇందులోభాగంగా గాంధీ జయంతి రోజున అంటే ఇవాళ విశాఖపట్నంలో మొదటి టెస్ట్ ప్రారంభమయ్యింది. ఈ మ్యాచ్ ద్వారా టీమిండియా ప్లేయర్ రోహిత్ శర్మ పూర్తిస్థాయి ఓపెనర్ గా మారాడు. అంతర్జాతీయ స్థాయిలో ఇప్పటికే టీ20, వన్డేల్లో ఓపెనర్ గా సత్తాచాటిన అతడు ఈ మ్యాచ్ ద్వారా టెస్ట్ ఎపెనర్ గా ఆరంగేట్రం చేశాడు.
undefined
వైజాగ్ లో మొదటిరోజు బ్యాటింగ్ కు దిగిన టీమిండియాకు రోహిత్-మయాంక్ ల జోడీ అద్భుత ఆరంభాన్నిచ్చారు. ముఖ్యంగా మొదటి ఓపెనింగ్ మ్యాచ్ లోనే రోహిత్ సెంచరీ(115 పరుగులు నాటౌట్)తో కదంతొక్కాడు. అతడికి మయాంక్ అగర్వాల్ చక్కటి సహకారం అందించాడు. అగర్వాల్ 84 పరుగులతో నాటౌట్ గా నిలిచి సెంచరీ దిశగా బ్యాటింగ్ కొనసాగిస్తున్నాడు.
undefined
ఓపెనర్లిద్దరి విజృంభణతో మొదటి టెస్ట్ మొదటిరోజు కోహ్లీసేనదే పైచేయిగా నిలిచింది. 59.1 ఓవర్లలో భారత్ వికెట్లేవీ నష్టపోకుండా 202 పరుగులు చేసింది. టీవిరామం తర్వాత వర్షం అడ్డంకి సృష్టించడంతో ఇదే స్కోరువద్ద మొదటిరోజు ఆట ముగిసింది.
undefined
ఆ మ్యాచ్ ఆరంభానికి ముందు కొందరు అదేపనిగా రోహిత్ టెస్టుల్లో ఓపెనర్ గా పనికిరాడంటూ విమర్శించారు. ఈ విమర్శలు క్రికెట్ ప్రియులనే ఎంతో బాధించాయి. అభిమానులే అంతలా బాధపడితే రోహిత్ ను మరెంత బాధించి వుంటాయో ఊహించవచ్చు. కానీ అతడు ఆ విమర్శలకు మాటలతో కాకుండా ఆటతోనే సమాధానం చెప్పాలనుకున్నట్లున్నాడు. అందుకు కసితో బ్యాటింగ్ చేసి సెంచరీ సాధించడం ద్వారా రోహిత్ విమర్శకుల నోళ్లను బ్యాట్ తోనే మూయించగలిగాడు.
undefined
రోహిత్ కు వైజాగ్ పట్టణంతో విడదీయరాని సంబంధముంది. అతడి అమ్మమ్మ వాళ్ల స్వస్థలం ఇక్కడే. ''ఇప్పుడు క్రికెటర్ గా బిజీ అవడంవల్ల ఇక్కడికి రాలేకపోతున్నాను. గతంలో ప్రతి సమ్మర్ వైజాగ్ లోనే గడిపేవాడిని.'' అని స్వయంగా రోహితే తెలిపాడు. ఇలా చిన్నపుడే వైజాగ్ తో అనుబంధాన్ని పెంచుకున్న రోహిత్ తాజా ఇన్నింగ్స్ ద్వారా అభిమానుల మనసులను కూడా గెలుచుకున్నాడు. చిన్నపుడు బుడిబుడిఅడుగులు వేసిన గడ్డపైనే అతడు టెస్టుల్లో ఓపెనర్ గా ఆరంగేట్రం చేయడం విశేషం.
undefined
ఈ సెంచరీ రోహిత్ కు టెస్ట్ ఓపెనర్ గా మొదటిదే అయినప్పటికి మొత్తంగా నాలుగోది. ఇలా ఈ ముంబై ఆటగాడు ఇప్పటివరకు 28 టెస్టులాడి 39.62 సగటుతో పరుగులు సాధించాడు. ఇందులో నాలుగు సెంచరీలే కాకుండా 10 హాఫ్ సెంచరీలున్నాయి. ఇలా కేవలం పరిమిత ఓవర్ల క్రికెట్లోనే కాకుండా టెస్టుల్లో కూడా ఓపెనర్ గా సత్తాచాటిన రోహిత్ అంతర్జాతీయ క్రికెట్లో మరోస్ధాయికి చేరుకున్నాడు.
undefined