అతనొక్కడే, నేను సెట్ చేసిన ఫీల్డింగ్‌‌ని పూర్తిగా మార్చేస్తాడు! మాజీ బౌలర్‌పై ధోనీ కామెంట్స్...

కెప్టెన్ మహేంద్ర సింగ్ ధోనీ ఒక్కసారి ఫీల్డింగ్ సెట్ చేస్తే, దానికి ఏ బౌలర్ కూడా అభ్యంతరం చెప్పడు. ఓ మ్యాచ్‌లో దీపక్ చాహార్, ఫీల్డింగ్ మార్చాల్సిందిగా కోరితే, బౌలర్‌ని మార్చేస్తా... అంటూ ధోనీ బెదిరించడం అప్పట్లో తెగ వైరల్ అయ్యింది. 

Image credit: PTI

అపారమైన అంతర్జాతీయ అనుభవం, 15 సీజన్లుగా ఐపీఎల్ ఆడుతూ నాలుగు టైటిల్స్ గెలిచిన మహేంద్ర సింగ్ ధోనీకి తెలిసినంత, పిల్లాడు దీపక్ చాహార్‌కి తెలియదని అప్పుడు మాహీకే సపోర్ట్ చేశారు అభిమానులు...

అయితే చెన్నై సూపర్ కింగ్స్‌కి ఆడిన ఓ సీనియర్ బౌలర్ మాత్రం ధోనీ ఫీల్డింగ్ సెట్టింగ్‌ని పూర్తిగా మార్చేస్తాడట. అతను మరెవరో కాదు డీజే బ్రావో ఉరఫ్ డ్వేన్ జాన్ బ్రావో.. ఐపీఎల్‌లో అత్యధిక వికెట్లు తీసిన బౌలర్‌గా ఉన్నాడు డ్వేన్ బ్రావో. 

ఐపీఎల్‌లో 183 వికెట్లు తీసిన డ్వేన్ బ్రావో, ప్రస్తుతం చెన్నై సూపర్ కింగ్స్‌కి బౌలింగ్ కోచ్‌గా వ్యవహరిస్తున్నాడు.. ఐపీఎల్ ఆరంభంలో ముంబై ఇండియన్స్‌కి ఆడిన బ్రావో, ఆ తర్వాత చెన్నై సూపర్ కింగ్స్, గుజరాత్ లయన్స్ టీమ్స్‌కి ఆడాడు. మాహీకి అత్యంత ఆప్తుడిగా మారిన బ్రావో, ఐపీఎల్ నుంచి ప్లేయర్‌గా తప్పుకోగానే సీఎస్‌కేకి బౌలింగ్ కోచ్‌గా బాధ్యతలు తీసుకున్నాడు..

Image credit: PTI

‘బ్రావో ఒక్కడే నేను సెట్ చేసిన ఫీల్డింగ్‌ని అస్సలు ఒప్పుకోడు. అతన్ని ఇక్కడా, ఇతన్ని అక్కడా అని మొత్తం మార్చేస్తాడు. నేను ఏమీ అనలేను. ఎందుకంటే బ్రావోకి నాకంటే ఎక్కువ టీ20 అనుభవం ఉంది... అందుకే తనకి నచ్చినట్టుగా ఫీల్డ్ సెట్ చేస్తాను..’ అంటూ కామెంట్ చేశాడు మహేంద్ర సింగ్ ధోనీ...

2023 సీజన్‌తో మహేంద్ర సింగ్ ధోనీ కూడా ఐపీఎల్ నుంచి తప్పుకోబోతున్నాడు. ఆటగాడిగా రిటైర్మెంట్ ఇచ్చిన తర్వాత ధోనీ, చెన్నై సూపర్ కింగ్స్‌కి బ్యాటింగ్ కోచ్‌గా వ్యవహరించబోతున్నాడని వార్తలు వస్తున్నాయి. సీఎస్‌కేతో పాటు సౌతాఫ్రికాటీ20 లీగ్, మేజర్ టీ20 లీగ్ వంటి టోర్నీలో సూపర్ కింగ్స్‌ టీమ్‌కి ధోనీ కోచ్‌గా వ్యవహరిస్తాడని సమాచారం...