IND vs AUS live: 14వ సారి టాస్ ఓడిన రోహిత్ శ‌ర్మ‌.. టీమిండియానే గెలుస్తుంది మ‌రి !

IND vs AUS Champions Trophy 2025 Semi-Final: ఛాంపియ‌న్స్ ట్రోఫీ 2025లో 1వ సెమీ ఫైన‌ల్ లో భార‌త్-ఆస్ట్రేలియాలు త‌ల‌ప‌డుతున్నాయి. ఈ మ్యాచ్ లో టాస్ గెలిచిన ఆసీస్ కెప్టెన్ స్టీవ్ స్మిత్ బ్యాటింగ్ ఎంచుకున్నాడు. దీంతో రోహిత్ సేన మొద‌ట‌ బౌలింగ్ చేయ‌నుంది.    

India vs Australia

India vs Australia Champions Trophy 2025 Semi-Final: దుబాయ్‌లోని దుబాయ్ ఇంటర్నేషనల్ క్రికెట్ స్టేడియంలో 2025 ఛాంపియన్స్ ట్రోఫీలో తొలి సెమీఫైనల్‌లో రోహిత్ శర్మ నేతృత్వంలోని భారత జ‌ట్టు స్టీవ్ స్మిత్ నాయకత్వంలోని ఆస్ట్రేలియాతో తలపడుతుంది. 2023 ప్రపంచ కప్ ఫైనల్ తర్వాత భారత్-ఆస్ట్రేలియా మధ్య జరుగుతున్న తొలి ODI మ్యాచ్ ఇది. ఈ మ్యాచ్ లో టాస్ గెలిచిన ఆసీస్ కెప్టెన్ స్టీవ్ స్మిత్ బ్యాటింగ్ ఎంచుకున్నాడు. దీంతో భార‌త్ మొద‌ట‌ బౌలింగ్ చేస్తోంది. 

ఇరు జట్లు ఇవే

ఆస్ట్రేలియా (ప్లేయింగ్ XI): కూపర్ కొన్నోలీ, ట్రావిస్ హెడ్, స్టీవెన్ స్మిత్ (కెప్టెన్), మార్నస్ లాబుస్చాగ్నే, జోష్ ఇంగ్లిస్ (wk), అలెక్స్ కారీ, గ్లెన్ మాక్స్వెల్, బెన్ డ్వార్షుయిస్, నాథన్ ఎల్లిస్, ఆడమ్ జంపా, తన్వీర్ సంఘ

భారత్ (ప్లేయింగ్ XI): రోహిత్ శర్మ(కెప్టెన్), శుభ్‌మన్ గిల్, విరాట్ కోహ్లి, శ్రేయాస్ అయ్యర్, అక్షర్ పటేల్, కేఎల్ రాహుల్(w), హార్దిక్ పాండ్యా, రవీంద్ర జడేజా, మహ్మద్ షమీ, కుల్దీప్ యాదవ్, వరుణ్ చక్రవర్తి. 

Team India (Photo: @BCCI/X)

వ‌రుస‌గా 14వ సారి టాస్ ఓడిన రోహిత్ శ‌ర్మ 

ఐసీసీ ఛాంపియన్స్ ట్రోఫీ 2025 సెమీ ఫైన‌ల్ భార‌త్ - ఆస్ట్రేలియా మ్యాచ్ లో ఇండియా టాస్ ఓడిపోయింది. దీంతో భార‌త జ‌ట్టు వ‌రుస‌గా 14వ సారి టాస్ ఓడిపోయి మ‌రో చెత్త‌ రికార్డును సాధించింది. ఈ టోర్నీలో అంత‌కుముందు న్యూజిలాండ్ తో జ‌రిగిన మ్యాచ్ లో కూడా భార‌త్ 13 సారి టాస్ ఓడిపోయింది.  వరుసగా 11 టాస్ లు ఓడిన నెదర్లాండ్స్ రికార్డును ఇప్ప‌టికే బ్రేక్ చేసింది.

2023 ప్రపంచ కప్ ఫైనల్స్ నుండి భారత్ వరుసగా 14 టాస్‌లను కోల్పోయింది. వన్డేల్లో ఒక జట్టుకు టాస్ లు ఓడిపోవడం ఇదే అత్య‌ధికం. ఇప్పుడు మ‌రోసారి టాస్ ఓడిపోయింది. అంత‌కు ముందు  ఈ  రికార్డు నెదర్లాండ్స్ (మార్చి 2011 & ఆగస్టు 2013 మధ్య 11 టాస్‌లు ఓడిపోయింది) పేరిట ఉంది.  

టాస్ ఓట‌మిలోనూ రోహిత్ శ‌ర్మ రికార్డు 

భార‌త జ‌ట్టుతో పాటు రోహిత్ శ‌ర్మ కూడా టాస్ విష‌యంలో చెత్త రికార్డు న‌మోదుచేశాడు. టీమిండియా కెప్టెన్ రోహిత్ శర్మ వన్డే ఇంటర్నేషనల్స్‌లో (ODIs) వరుసగా 11 టాస్‌లు ఓడిపోయాడు. 2023 ప్రపంచ కప్ ఫైనల్లో అహ్మదాబాద్‌లో జరిగిన మ్యాచ్‌లో రోహిత్ టాస్ ఓడిపోవడం మొదలైంది. అప్ప‌టి నుంచి రోహిత్ దుబాయ్‌లో జ‌రుగుతున్న ఛాంపియ‌న్స్ ట్రోఫీ 2025 సెమీ ఫైన‌ల్ మ్యాచ్ లో ఆసీస్ తో కూడా టాస్ ఓడిపోయాడు. దీంతో వ‌రుస‌గా 11 టాస్ ఓటములను కంప్లీట్ చేశాడు.

Rohit Sharma

అత్య‌ధిక టాస్ లు ఓడిపోయిన కెప్టెన్లు ఎవ‌రు?

భార‌త కెప్టెన్ రోహిత్ శర్మ వరుసగా 11వ సారి టాస్ ఓడిపోవ‌డంతో వన్డేల్లో వరుసగా అత్యధిక టాస్‌లు కోల్పోయిన కెప్టెన్ల జాబితాలో హిట్ మ్యాన్ 2వ స్థానానికి చేరాడు. 

బ్రియన్ లారా- 12 మ్యాచ్ టాస్ లు, అక్టోబర్ 1998 నుండి మే 1999 వరకు
పీటర్ బోర్రెన్    - 11 మ్యాచ్ టాస్ లు, మార్చి 2011 నుండి ఆగస్టు 2013 వరకు
రోహిత్ శర్మ - 11 మ్యాచ్ టాస్ లు, నవంబర్ 2023 నుండి మార్చి 2025 వరకు

Image Credit: Getty Images

రోహిత్ టాస్ ఓడితే భార‌త్ గెలిచిన‌ట్టే !

రోహిత్ శ‌ర్మ టాస్ ఓడితే చాలు భార‌త క్రికెట్ ల‌వ‌ర్స్ పండ‌గ చేసుకుంటున్నారు. వ‌రుస‌గా టాస్ లో ఓడిపోతున్నా.. భార‌త అభిమానులు ఎందుకు హ్యాపీగా ఉన్నారంటే.. రోహిత్ శ‌ర్మ టాస్ ఓడిన చాలా స‌మ‌యాల్లో భార‌త్ విజ‌యాన్ని అందుకుంది. ఈ ఛాంపియ‌న్స్ ట్రోఫీలో ఇప్ప‌టివ‌ర‌కు భార‌త్ టాస్ గెల‌వ‌లేక‌పోయింది. కానీ, ఆడిన అన్ని మ్యాచ్ ల‌లో విజ‌యం సాధించింది. దీంతో రోహిత్ టాస్ ఓడ‌టంతో భార‌త అభిమానులు హ్యాపీగా ఉన్నారు. ఈ ట్రోఫీ టాస్ ఓడిన భార‌త్ బంగ్లాదేశ్, పాకిస్తాన్, న్యూజిలాండ్ పై హ్యాట్రిక్ విజ‌యాలు అందుకుంది. 

రెండు జట్లు బ‌లంగా ఉన్నాయి.. ! 

2025 ఛాంపియన్స్ ట్రోఫీలో టీమిండియా హ్యాట్రిక్ విజ‌యాలతో సెమీ ఫైన‌ల్ కు చేరుకుంది. గ్రూప్ మ్యాచ్ ల‌లో బంగ్లాదేశ్, పాకిస్తాన్, న్యూజిలాండ్‌లపై అద్భుతమైన విజయాలు అందుకుంది భార‌త జ‌ట్టు. 

2025 ఛాంపియన్స్ ట్రోఫీలో ఆస్ట్రేలియా సెమీ-ఫైనల్‌కు చేరుకోవడంలో బలమైన జట్టుగా నిలిచింది. ఈ ఐసీసీ టోర్న‌మెంట్ లో త‌న తొలి మ్యాచ్ లో ఆసీస్ ఇంగ్లాండ్‌పై అద్భుతమైన విజయం సాధించింది. ఆ తర్వాత వర్షం కారణంగా  రెండు మ్యాచ్ లు ర‌ద్దు అయ్యాయి. దీంతో 4 పాయింట్ల‌తో కంగారు టీమ్ సెమీ ఫైన‌ల్ కు చేరుకుంది.