ప్రస్తుత తరంలో అత్యుత్తమ బ్యాటర్ విరాట్ కోహ్లీ. మూడు ఫార్మాట్లలో పరుగుల వరద పారిస్తూ, సచిన్ టెండూల్కర్ రికార్డులే లక్ష్యంగా దూసుకుపోతున్నాడు విరాట్. అలాగే ప్రస్తుత తరంలో బెస్ట్ టెస్టు ప్లేయర్ స్టీవ్ స్మిత్. ఇప్పటిదాకా 32 టెస్టు సెంచరీలు చేసిన స్టీవ్ స్మిత్, ప్రస్తుత తరంలో అత్యధిక టెస్టు శతకాలు బాదిన ప్లేయర్‌గా టాప్‌లో ఉన్నాడు...
జో రూట్ 30, విరాట్ కోహ్లీ 29, కేన్ విలియంసన్ 28 టెస్టు సెంచరీలతో తర్వాతి స్థానాల్లో ఉన్నారు. సచిన్ టెండూల్కర్‌ని తన ఫెవరెట్‌ బ్యాటర్‌గా ప్రకటించిన స్టీవ్ స్మిత్, ఫ్యాబ్ 4లో విరాట్ కోహ్లీతో కలిసి పోటీ పడుతున్నాడు..
విరాట్ కోహ్లీ, స్టీవ్ స్మిత్‌ల్లో ఎవరు బెటర్ బ్యాటర్ అనే ప్రస్తావన వస్తే, చాలా మంది స్టీవ్ స్మిత్ పేరే చెబుతారు. విరాట్ కోహ్లీ కంటే బెటర్ బ్యాటింగ్ టెక్నిక్‌, స్టీవ్ స్మిత్ సొంతం. అయితే స్టీవ్ స్మిత్ బ్యాటు మీద కోహ్లీ పేరు ఉంటే.. విరాట్ హేటర్స్‌ని ఇది షాకింగ్ విషయమే..
‘ఐసీసీ వరల్డ్ టెస్టు ఛాంపియన్‌షిప్ 2023 ఫైనల్‌‌కి నేను కామెంటేటర్‌గా వ్యవహరించాను. ఆ సమయంలో స్టీవ్ స్మిత్‌ని కలిశా. అతని బ్యాటు మీద విరాట్ కోహ్లీ అని రాసి ఉండడం చూసి షాక్ అయ్యా. అతను బ్యాటు తీసుకుని, ప్రాక్టీస్ చేస్తున్నాడు.
బ్యాటు కింద విరాట్ కోహ్లీ అని రాసి ఉండడం చూసి, ఆశ్చర్యపోయా. ‘‘ఈ బ్యాటు విరాట్ కోహ్లీ ఇచ్చాడా’’ అని అడిగాను. దానికి స్టీవ్ స్మిత్ అవునని సమాధానం చెప్పాడు..
స్టీవ్ స్మిత్, చాలా రోజులుగా విరాట్ కోహ్లీ బ్యాటుతోనే ఆడుతున్నాడు. యాషెస్ సిరీస్ కోసం విరాట్ కోహ్లీ పంపించే బ్యాటు కోసం ఎదురుచూస్తున్నట్టు కూడా స్మిత్ నాతో అన్నాడు. వాళ్లిద్దరి మధ్య అంత మంచి స్నేహం ఉంది.. ఈ విషయం తెలిసి నాకు ఎంతో గొప్పగా అనిపించింది..’ అంటూ చెప్పుకొచ్చాడు టీమిండియా క్రికెటర్, కామెంటేటర్ దినేశ్ కార్తీక్..
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి