IPL 2025: ఐపీఎల్ 2025 మార్చిలో మొదలవనుంది. అన్ని ఫ్రాంఛైజీలు రాబోయే సీజన్ కోసం సిద్ధమవుతున్నాయి. ధోని టీమ్ సీఎస్కే కూడా ఐపీఎల్ 2025లో సత్తా చాటాలని చూస్తోంది.
IPL 2025 - CSK: ప్రపంచమంతా ఎంతో ఆసక్తిగా ఎదురుచూస్తున్న ఐపీఎల్ 2025 మార్చి 21 నుంచి మొదలవుతుంది. ప్రతి జట్టు కూడా కప్పు గెలవడానికి సిద్ధమవుతోంది. ఐపీఎల్లో ఎంఎస్ ధోని టీమ్ చెన్నై సూపర్ కింగ్స్ (సీఎస్కే) రికార్డుల గురించి ప్రత్యేకంగా చెప్పాల్సిన పనిలేదు. ధోని నాయకత్వంలో 5 సార్లు ఐపీఎల్ కప్పు గెలిచిన సీఎస్కే ఈసారి కూడా కప్పు గెలుస్తుందని అభిమానులు ఆశిస్తున్నారు.
ఐపీఎల్ మెగా వేలంలో సీఎస్కే పలువురు స్టార్ ప్లేయర్లను కొనుగోలు చేసింది. 2025 ఐపీఎల్లో సీఎస్కే తరపున బాగా ఆడతారని భావిస్తున్న ముగ్గురు ఆటగాళ్లు ఎవరో ఇప్పుడు తెలుసుకుందాం.
25
రుతురాజ్ గైక్వాడ్
సీఎస్కే కెప్టెన్ రుతురాజ్ గైక్వాడ్ జట్టులో మంచి బ్యాట్స్మెన్. ఫాస్ట్ బౌలింగ్తో పాటు స్పిన్ బౌలింగ్ను కూడా బాగా ఎదుర్కొంటాడు. చెపాక్లో 140 స్ట్రైక్ రేట్తో 706 పరుగులు చేశాడు. గత సీజన్లో 14 మ్యాచ్లలో 583 పరుగులు చేశాడు.
గత సీజన్లో అతని నాయకత్వంలో సీఎస్కే కప్పు గెలవలేకపోయింది. ఈసారి రుతురాజ్ తన కెప్టెన్సీ, బ్యాటింగ్తో జట్టుకు కప్పు అందిస్తాడని అభిమానులు ఆశిస్తున్నారు.
చెన్నైకి చెందిన భారత స్టార్ స్పిన్నర్ రవిచంద్రన్ అశ్విన్ ఇటీవలే అంతర్జాతీయ క్రికెట్కు రిటైర్మెంట్ ప్రకటించాడు. ఐపీఎల్ ప్రారంభంలో సీఎస్కే తరపున ఆడిన అతను మళ్ళీ పసుపు జెర్సీలో ఆడాలని ఉత్సాహంగా ఉన్నాడు. 212 ఐపీఎల్ మ్యాచ్లలో 180 వికెట్లు తీసుకున్నాడు.
ఓవర్కు సగటున 7.12 పరుగులు మాత్రమే ఇచ్చాడు. బౌలింగ్తో పాటు బ్యాటింగ్లో కూడా రాణించగలడు కాబట్టి సీఎస్కేకి కీలక ఆటగాడిగా ఉంటాడు. మైదానంలో అతని సలహాలు కెప్టెన్ రుతురాజ్కు ఉపయోగపడతాయి.
45
నాథన్ ఎల్లిస్
ఆస్ట్రేలియా ఫాస్ట్ బౌలర్ నాథన్ ఎల్లిస్ను సీఎస్కే రూ.2 కోట్లకు కొనుగోలు చేసింది. వేగంగా బౌలింగ్ చేయడమే కాకుండా స్లోయర్ బంతులతో బ్యాట్స్మెన్లను ఇబ్బంది పెట్టగలడు. చెపాక్ మైదానానికి అనువైన బౌలర్.
అతని స్లో వేరియేషన్లు చెన్నై పిచ్పై బాగా ఉపయోగపడతాయి. ఇటీవల ఆస్ట్రేలియాలో జరిగిన బిగ్బాష్ లీగ్లో 13 మ్యాచ్లలో 10 వికెట్లు తీసి హోబార్ట్ హరికేన్స్ కప్పు గెలవడంలో కీలక పాత్ర పోషించాడు.
భారత మాజీ కెప్టెన్ ఎంఎస్ ధోని కూడా రాబోయే ఐపీఎల్ 2025 సీజన్ కోసం సిద్ధమవుతున్నాడు. తాజాాగా ధోని ప్రాక్టిస్ కు సంబంధించిన వీడియోలు సోషల్ మీడియాలో వైరల్ అయ్యాయి. 43 ఏళ్ళ వయసులో అతని అద్భుతమైన ఫిట్నెస్కు పలువురు అభిమానులు ఫిదా అవుతున్నారు.
ధోని IPL 2025 కోసం సిద్ధమవుతున్న సమయంలో ఈ వీడియో వచ్చింది. ధోని చెన్నై టీమ్ ను ఐదు సార్లు ఐపీఎల్ ఛాంపియన్ గా నిలబెట్టాడు. IPL 2025 వేలానికి ముందు ఫ్రాంచైజీ అతనిని ₹4 కోట్లకు రిటైన్ చేసుకుంది. రాబోయే సీజన్ లో సత్తా చాటాలని చూస్తున్నాడు.
