ఉద్యోగాలు, వ్యాపారాలు చేసే మహిళలు స్మార్ట్ పెట్టుబడుల ద్వారా తమ దీర్ఘకాలిక లక్ష్యాలను చేరుకోవచ్చు. కాని పెట్టుబడులు పెట్టడం తమ పని కాదన్నట్టు ఎక్కువ శాతం మహిళలు భావిస్తుంటారు. డబ్బులు దాయడం, ఇంటి అవసరాలకు ఉపయోగించడం జంట్స్ చేయాల్సిన బాధ్యత అనుకుంటారు. ఈ ఆలోచన ఒకప్పుడు సరైనదే కాని.. ఇప్పుడు కాదు. ప్రస్తుత రోజుల్లో మహిళలు పురుషులతో సమానంగా, కొన్ని రంగాల్లో వారి కంటే ఎక్కువగా సంపాదిస్తున్నారు. మహిళలకు తమ వ్యక్తిగతమైన ఆర్థిక భవిష్యత్తును ఏర్పరచుకుంటే అది వారికి, వారి కుటుంబానికి కూడా ఉపయోగపడుతుంది. దీనికి మ్యూచువల్ ఫండ్స్ లో ఇన్వెస్ట్ మెంట్ సరైన మార్గం.
LXME, మనీ పవర్ సంస్థలు కలిసి నిర్వహించిన సర్వే ప్రకారం భారతదేశంలో కేవలం 7% మహిళలు మాత్రమే స్వతంత్రంగా పెట్టుబడులు పెడుతున్నారు. సొంత ఆర్థిక భవిష్యత్తు కోసం ఆలోచిస్తున్నారు. సంపాదన మార్గాల్లో ఉన్న చాలా మంది మహిళలు తమకి వచ్చిన డబ్బులను సొంత అవసరాలు తీర్చుకోవడానికి, వివిధ రకాల వస్తువులు కొనడానికే ఆసక్తి చూపుతున్నారు. వాటిల్లో ముఖ్యంగా డ్రెస్సులు, నగలు, అలంకరణ వస్తువులు కొనడానికే ఉపయోగిస్తున్నారట.
మారుతున్న కాలానికి అనుగుణంగా మహిళలు కూడా ఆర్థికంగా స్ట్రాంగ్ గా మారాలని నిపుణులు సూచిస్తున్నారు. వివిధ ఫీచర్లు అందించే మ్యూచువల్ ఫండ్స్ మహిళలకు సంపదను నిర్మించడానికి, ఆర్థిక స్వాతంత్య్రానికి సాధించడానికి, వారి కుటుంబాల భద్రతను కాపాడుకోవడానికి మంచి మార్గం అందిస్తాయి. మహిళలు మ్యూచువల్ ఫండ్స్‌లో పెట్టుబడి పెట్టాల్సిన 5 ముఖ్యమైన కారణాలు ఇక్కడ ఉన్నాయి.
వైవిధ్యం(Diversification)
మ్యూచువల్ ఫండ్స్ ప్రధాన ప్రయోజనాల్లో డైవర్సిఫికేషన్ ఒకటి. మ్యూచువల్ ఫండ్స్ సేకరించే సంస్థలు ఎక్కువ మంది పెట్టుబడిదారుల నుండి డబ్బును సేకరించి వివిధ ఆస్తులను కొనుగోలు చేస్తాయి. ఇవి రిస్క్‌ను, ట్రెండ్స్‌ను విశ్లేషిస్తూ సేఫ్ గా పెట్టుబడులు పెడతాయి. ఒక పెట్టుబడి పనితీరు మొత్తం పోర్ట్‌ఫోలియోపై ప్రతికూల ప్రభావం చూపదు. పెట్టుబడుల విషయంలో ఎక్కువగా జాగ్రత్త వహించే మహిళలకు ఇది ఆత్మవిశ్వాసం కల్పిస్తుంది.
వృత్తి నిర్వహణ(Professional Management)
ప్రొఫెషనల్ మేనేజ్‌మెంట్ మ్యూచువల్ ఫండ్స్‌ను ఆర్థిక నిపుణులు నిర్వహిస్తారు. వారు మార్కెట్ ట్రెండ్స్‌ను విశ్లేషిస్తారు. రిస్క్‌లను అంచనా వేస్తారు. వివరంగా నిర్ణయాలు తీసుకుంటారు. ఇన్వెస్ట్ మెంట్ చేయడానికి సమయం లేదని, అనుభవం లేదని అనుకొనే మహిళలకు మ్యూచువల్ ఫండ్స్ చక్కటి ఆలోచన. మ్యూచువల్ ఫండ్స్‌లో పెట్టుబడి పెట్టడం ద్వారా మహిళలు వారి ఆర్థిక ప్రయాణాన్ని నిపుణుల సలహాలతో ముందుకు తీసుకెళ్లవచ్చు.
సౌలభ్యం(Flexibility)
మహిళల ఆర్థిక అవసరాలు విభిన్నంగా ఉంటాయి. ఇంటిని కొనడానికి, చదువు కోసం, పదవీ విరమణ తర్వాత ఉపయోగపడాలని పొదుపు చేయాలనుకుంటారు. ఇలాంటి ఆలోచనలకు మ్యూచువల్ ఫండ్స్ బెటర్ ఆప్షన్ అవుతుంది. సేఫ్ గా పెట్టుబడి లక్ష్యాలు, రిస్క్‌లను తీర్చగల సామర్థ్యం ఉంటుంది. ఇది మహిళలకు వారి వ్యక్తిగత అవసరాలు, ఆకాంక్షలకు సరిపోయే ఫండ్స్‌ని అందిస్తుంది.
దీర్ఘకాల వృద్ధి సామర్థ్యం(Long-Term Growth Potential)
రికార్డ్స్ ప్రకారం మ్యూచువల్ ఫండ్స్ దీర్ఘకాలంలో మంచి ఫలితాలను ఇచ్చినట్లు తెలుస్తోంది. మహిళలు క్రమం తప్పకుండా, వారి కెరీర్ ప్రారంభంలోనే పెట్టుబడి పెడితే కౌంపౌండ్ ఇంట్రెస్ట్ ద్వారా సంపదను గణనీయంగా పెంచుకోవచ్చు. లాంగ్ టర్మ్ లో సంపదను పెంచడమే లక్ష్యం అయితే ఈక్విటీ స్కీమ్స్‌లో పెట్టుబడి పెట్టడం మంచి ఎంపిక. లేదా మీ సేఫ్టీ కోసం పెట్టుబడి పెట్టాలనుకుంటే డెట్ స్కీమ్స్ మీకు మంచి రిటర్స్ ఇస్తాయి. మీకు రిస్క్ తీసుకొనే ధైర్యం ఉంటే ఈక్విటీ, డెట్ మిశ్రమం అయిన హైబ్రిడ్ స్కీమ్స్‌ని కూడా మీరు ఎంపిక చేసుకోవచ్చు.
మ్యూచువల్ ఫండ్(Mutual Fund)
మ్యూచువల్ ఫండ్స్ (SIP) మహిళలకు అనేక ఆకర్షణీయ స్కీమ్స్ అందిస్తాయి. SIPతో మహిళలు కేవలం రూ.500తో నెలవారీగా పెట్టుబడి ప్రారంభించవచ్చు. దీని ద్వారా పెద్ద మొత్తం అవసరం లేకుండా రెగ్యులర్ గా పెట్టుబడి పెట్టే అవకాశం ఉంటుంది. మార్కెట్ ఒడిదుడుకులను ఎదుర్కొనటానికి SIPలు అందించే రూపాయి-ఖర్చు సగటు (rupee-cost averaging) సహాయపడుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి