Dhanteras 2024: ధన్‌తేరాస్‌లో ప్రధానంగా విలువైన పాత్రలు, బంగారం-వెండి, వాహనాలను కొనుగోలు చేయడం చాలా శుభప్రదంగా భావిస్తారు. ఈ క్ర‌మంలోనే బంగారు, వెండికి డిమాండ్ భారీగా పెరిగి వాటి ధరలు సైతం రికార్డుల మోత మోగించాయి.
Dhanteras 2024: ప్రతి సంవత్సరం కార్తీక మాసంలోని కృష్ణ పక్ష త్రయోదశి నాడు ధన్‌తేరాస్ పండుగను జరుపుకుంటారు. ధన్తేరస్ పండుగను ధన్ త్రయోదశిగా, ధన్వంతరి జన్మదినంగా కూడా జరుపుకుంటారు. హిందూ సాంప్ర‌దాయంలో సంపద, శ్రేయస్సు, ఆనందం, ఆరోగ్యంలో ఈ పండుగకు చాలా ప్రత్యేక ప్రాముఖ్యత ఉంది.
మత విశ్వాసాల ప్రకారం ఈ పండుగ రోజున ధన్వంతరి, మ‌హా లక్ష్మి, కుబేరులను పూజిస్తారు. ఐదు రోజుల దీపావళి పండుగ ధన్‌తేరస్‌తో ప్రారంభమవుతుంది. ధన్‌తేరస్‌లో పూజలు, షాపింగ్‌లకు ప్రత్యేక ప్రాముఖ్యత ఉంది. ధన్‌తేరస్‌లో షాపింగ్, పెట్టుబడి, ఏదైనా కొత్త పనిని ప్రారంభించడం చాలా శుభప్రదంగా భావిస్తారు.
అయితే, ఈసారి ధన్‌తేరస్‌లో త్రిపుష్కర యోగా కూడా రావ‌డం, ధన్‌తేరస్‌లో షాపింగ్ చేయడం, కొత్త పనులు చేయడం వల్ల మూడు రెట్లు ప్రయోజనాలు లభిస్తాయని నమ్ముతారు. ధన్తేరస్ నాడు ప్రధానంగా పాత్రలు, బంగారం-వెండి, వాహనాలను కొనుగోలు చేయడం చాలా శుభప్రదంగా భావిస్తారు.
ఈ నేప‌థ్యంలోనే దేశంలో ధన్‌తేరాస్ సందర్భంగా బంగారు, వెండి ధరలు రికార్డు స్థాయికి చేరుకున్నాయి. ధన్‌తేరాస్ 2024 దీపావళి వేడుకల ప్రారంభాన్ని సూచిస్తుంది. దేశవ్యాప్తంగా రిటైల్ వ్యాపారం ₹ 60,000 కోట్లకు పెరిగింది. సాంస్కృతిక ప్రాముఖ్యత, ఆర్థిక ధోరణులను ప్రతిబింబిస్తూ బంగారం, వెండి కొనుగోళ్లు కూడా కొత్త రికార్డులు మోగించాయి.
ధన్‌తేరాస్ సందర్భంగా దేశవ్యాప్తంగా రిటైల్ వ్యాపారం సుమారు ₹ 60,000 కోట్లుగా అంచనా వేయబడిందని ట్రేడర్స్ బాడీ కాన్ఫెడరేషన్ ఆఫ్ ఆల్ ఇండియా ట్రేడర్స్ (CAIT) మంగళవారం తెలిపింది. దేశవ్యాప్తంగా ధన్తేరస్ సందర్భంగా దాదాపు ₹ 20,000 కోట్ల విలువైన బంగారం, ₹ 2,500 కోట్ల విలువైన వెండి విక్ర‌యాలు జ‌రిగాయ‌ని సీఏఐటీ పేర్కొంది. CAIT ప్రధాన కార్యదర్శి, బీజేపీ నాయ‌కుడైన ప్రవీణ్ ఖండేల్‌వాల్ ఇదే విష‌యాన్ని ఒక ప్ర‌క‌ట‌న‌తో తెలిపారు.
బంగారం, వెండికి అధిక డిమాండ్ ఉందని సీఏఐటీ ఆల్ ఇండియా జ్యువెలర్స్ అండ్ గోల్డ్ స్మిత్ ఫెడరేషన్ (ఏఐజేజీఎఫ్) జాతీయ అధ్యక్షుడు పంకజ్ అరోరా ఆ ప్రకటనలో పేర్కొన్నారు. అయితే పెరుగుతున్న ధరల కారణంగా తూకంలో తక్కువ వస్తువులు విక్రయించగా, ద్రవ్య పరంగా అమ్మకాలు పెరిగాయని ఆయన చెప్పారు.
బంగారం, వెండికి అధిక డిమాండ్
“ఈ సంవత్సరం, దేశవ్యాప్తంగా సుమారు 25 టన్నుల బంగారం అమ్ముడైంది. దీని విలువ ₹ 20,000 కోట్లు. దాదాపు 250 టన్నుల వెండి ₹ 2,500 కోట్లకు అమ్ముడైంది . అదనంగా పాత వెండి నాణేలకు డిమాండ్ పెరిగింది. ఒక్కో నాణెం ₹ 1,200 - ₹ 1,300 మధ్య ఉంటుంది” అని ఆయన చెప్పారు.
ఢిల్లీలో, చాందినీ చౌక్ , దరిబా కలాన్, సదర్ బజార్, కమలా నగర్, అశోక్ విహార్, మోడల్ టౌన్, పితంపురా, పశ్చిమ్ విహార్, రోహిణి, రాజౌరీ గార్డెన్, ద్వారక, జనక్‌పురి, సౌత్ ఎక్స్‌టెన్షన్, గ్రేటర్ కైలాష్, గ్రీన్ పార్క్, లజ్‌పత్ నగర్, కల్కాజీ, ప్రీత్ విహార్, షాహదారా మరియు లక్ష్మీ నగర్ వంటి ప్రముఖ రిటైల్ మార్కెట్‌లలో ధన్తేరస్ అమ్మకాలు పెరిగాయి.
ధన్‌తేరాస్ 2024 ఐదు రోజుల దీపావళి వేడుకల ప్రారంభాన్ని సూచిస్తుంది . ధనత్రయోదశి అని కూడా పిలుస్తారు, ఈ పండుగను అక్టోబర్ 29 మంగళవారం భారతదేశంలోని అనేక ప్రాంతాలలో జరుపుకుంటారు. భక్తులు ఈ రోజున కుబేరుడు, లక్ష్మీ దేవి, ధన్వంతరిని పూజిస్తారు. వీరు సంపద, ఆరోగ్య అనుగ్రహాన్ని ఇస్తార‌ని నమ్ముతారు. ధన్‌తేరస్‌కు భారీ డిమాండ్ కారణంగా మంగళవారం దేశ రాజధానిలో బంగారం ధరలు 10 గ్రాముల ₹ 81,400కు చేరుకుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి