ఈ లోకాన్ని వీడినప్పటికీ రతన్ టాటా అనుకున్నది సాధించారు. సామాన్యులకు బైక్ ధరకే కారు అందించాలనే ఉద్దేశంతో రతన్ టాటా రూపొందించిన నానో కారు కొత్త డిజైన్ తో మళ్ళీ మార్కెట్లోకి వచ్చేసింది. కొత్త లుక్, కొత్త ఫీచర్స్ చూస్తుంటే లగ్జరీ కార్లకు ఏం తక్కువ కాకుండా కనిపిస్తోంది. నానో కారులో వచ్చిన అప్డేషన్స్, మైలేజీ, ధర తదితర వివరాలు తెలుసుకుందాం రండి.
రతన్ టాటా కలల కారు నానో కొత్త అప్డేట్ తో మళ్ళీ మార్కెట్లోకి వచ్చేసింది. టాటా నానో ప్రపంచంలోనే అత్యంత చవకైన కారుగా 2008లో మార్కెట్లోకి వచ్చింది. కుటుంబాలు పెద్దగా ఖర్చు చేయకుండా వాహన యజమాన్యాన్ని పొందాలని భావించి రతన్ టాటా ఈ ప్రాజెక్ట్ కి రూపకల్పన చేశారు. ప్రారంభంలో ఈ కారు 1 లక్ష రూపాయల ప్రాథమిక ధరతో మార్కెట్లోకి విడుదలైంది. ప్రారంభంగా దీని డిజైన్, ధర, భద్రతా లక్షణాలు మంచి స్పందనను పొందాయి.
టాటా నానోపై మొదట్లో ఆసక్తి కలిగినా, మార్కెట్‌లో దీని అమ్మకాలు ఆశించినంతగా జరగలేదు. ఆర్థికంగా తక్కువ పెట్టుబడి చేసినా కొన్ని సాంకేతిక సమస్యలు, భద్రతా అంశాలపై ప్రశ్నలు, కస్టమర్ల అభిరుచులు, రహదారి భద్రతా అంశాలు ఈ అమ్మకాలపై ప్రతికూల ప్రభావం చూపాయి.
నానో కారులో పలు మార్పులు తీసుకురావడానికి టాటా మోటార్స్ గతంలో చాలాసార్లు ప్రయత్నించింది. వేరే వేరే వేరియంట్లు, ఇతర మార్పులు తీసుకువచ్చినా అమ్మకాలను పెంచలేకపోయింది. చివరికి 2018లో టాటా మోటార్స్ అధికారికంగా నానో ఉత్పత్తిని నిలిపివేసింది. ఇప్పుడు మళ్లీ పూర్తి అప్డేటెడ్ వెర్షన్ తో మార్కెట్ లోకి రిలీజ్ అయ్యింది.
ఆధునిక డిజైన్
కొత్త టాటా నానో అందం, సౌకర్యం రెండింటినీ కలిగి ఉంది. చిన్న సైజులోనే అధునిక డిజైన్ తో ఆకర్షణీయంగా ఉంది. ట్రాఫిక్ లో, పార్కింగ్ లో ఇబ్బంది లేకుండా నడిపేలా డిజైన్ చేశారు. కొత్త హెడ్ లైట్లు, బాడీ డిజైన్ తో అదిరిపోయే లుక్ ఉంది.
శక్తివంతమైన ఇంజిన్
624 సీసీ పెట్రోల్ ఇంజిన్ తో సూపర్ పెర్ఫార్మెన్స్, మైలేజ్ ఇస్తుంది. లిటరుకు 25-30 కిలోమీటర్ల మైలేజ్ తో డైలీ యూజ్ కి బెస్ట్. గంటకు 105 కి.మీ వేగంతో నగరంలో, హైవేలపై కూడా బాగా పనిచేస్తుంది.
అదిరిపోయే ఫీచర్స్
పవర్ విండోస్, ఏసీ, మ్యూజిక్ సిస్టం లాంటి ఫీచర్స్ తో కొత్త నానో ఇంటీరియర్ అదుర్స్. డిజిటల్ ఇన్స్ట్రుమెంట్ క్లస్టర్, రిడిజైన్ చేసిన సీట్లు, లెగ్ రూమ్ తో నలుగురు కూడా కంఫర్టబుల్ గా ప్రయాణించవచ్చు.
టెక్నాలజీ
కొత్త టెక్నాలజీతో, డిజిటల్ ఇన్స్ట్రుమెంట్ క్లస్టర్, మోడ్రన్ ఎంటర్టైన్మెంట్ సిస్టం వంటి ఫీచర్స్ ఈ కారుకు కొత్త అందాన్ని తెచ్చాయి. లగ్జరీ కార్లకు ఎక్కడా తక్కువ కాని ఫీచర్స్ తో ఈ కారు పోటీగా నిలుస్తోంది.
నగరానికి సూపర్
చిన్న సైజులో ఉండటం ఈ కారు ప్లస్ పాయింట్. టర్నింగ్ రేడియస్ తో ట్రాఫిక్ లో సులువుగా వెళ్ళడానికి ఈ కారు చాలా సౌకర్యంగా ఉంటుంది. సుమారు రూ.30 కి.మీ. వరకు మైలేజ్ ఇచ్చే ఈ కారు డైలీ యూజ్ కి బెస్ట్ ఆప్షన్ అని చెప్పొచ్చు.
భద్రత
కొత్త నానోలో భద్రతకు ప్రాధాన్యత ఇచ్చారు. మెరుగైన మెటీరియల్స్ తో బలమైన బాడీని రూపొందించారు.
తక్కువ ధర
సుమారు రూ.2.5 లక్షల ధరతో కొత్త నానో అందుబాటులో ఉంది. EMI ఆప్షన్స్ కూడా ఉన్నాయి. సూపర్ అప్డేషన్స్ తో ఉన్న ఈ కారు చిన్న ఫ్యామిలీకి బెస్ట్ ఆప్షన్. మీరు ఈ కారు కొనాలనుకుంటే ఒకసారి టాటా కార్స్ గురించి ఆన్ లైన్ లో గాని, టాటా కంపెనీ అధికారిక వెబ్ సైట్ లో గాని పూర్తి వివరాలు తెలుసుకోండి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి