Gold Price: బంగారం ధర మళ్లీ ఎందుకు పెరుగుతోంది.? అసలు ఇప్పుడు కొనడం కరెక్టేనా?

బంగారం ధర మళ్లీ జెట్‌ స్పీడ్‌ వేగంతో దూసుకుపోతోంది. మొన్నటికి మొన్న రూ. 89 వేల మార్క్‌కు చేరిందని సంతోషారు. ఇక తులం బంగారం రూ. 55 వేలు అవుతుందని వార్తలు వచ్చాయి. అయితే అందరి నమ్మకాలను తారుమారు చేస్తూ బంగారం ధర శరవేగంగా రూ. లక్షకు పరుగులు పెడుతోంది. ఈ నేపథ్యంలో అసలు బంగారం ధరలు ఎందుకు పెరుగుతున్నాయి.? ఈ సమయంలో బంగారం కొనుగోలు చేయడం సరైన నిర్ణయమేనా.? ఇప్పుడు తెలుసుకుందాం..   

1. ట్రేడ్ వార్ ముప్పు

అమెరికా అధ్యక్షుడు డొనాల్డ్ ట్రంప్ టారిఫ్ పాలసీ వల్ల ట్రేడ్ వార్ ముప్పు పెరిగింది. దీనివల్ల ఎకానమీ వృద్ధి రేటు తగ్గొచ్చు. గ్లోబల్ మాంద్యం కూడా రావొచ్చు. అందుకే చాలామంది బంగారం మీద పెట్టుబడి పెడుతున్నారు.

2. ఎకానమీలో మందగమనం భయం

అమెరికాలో మాంద్యం వస్తుందనే భయం, రేట్లు పెరుగుతాయనే అంచనాల వల్ల ఫెడరల్ రిజర్వ్ బ్యాంక్ మీద వడ్డీ రేట్లు తగ్గించమని ఒత్తిడి ఉంది. దీనివల్ల కూడా బంగారం రేటుకి సపోర్ట్ దొరుకుతోంది.

3. జియోపాలిటికల్ టెన్షన్

మిడిల్ ఈస్ట్, యూరప్, ఆసియాలో జియోపాలిటికల్ టెన్షన్లు, చైనా-అమెరికా గొడవలు ఇన్వెస్టర్ల నమ్మకాన్ని దెబ్బతీస్తున్నాయి. అందుకే వాళ్ళు బంగారం మీద పెట్టుబడి పెంచారు, రేట్లు పెరుగుతున్నాయి.

4. డాలర్ తో పోలిస్తే రూపాయి బలహీనం

డాలర్ తో పోలిస్తే రూపాయి బలహీనంగా ఉండటం వల్ల బంగారం రేట్లు పెరుగుతున్నాయి. రూపాయి బలహీనంగా ఉంటే దిగుమతి చేసుకోవడానికి ఎక్కువ డబ్బులు ఖర్చు చేయాల్సి వస్తుంది. ఈ ఏడాదిలో రూపాయి 4% పడిపోయింది.

5. సెంట్రల్ బ్యాంక్ ల భారీ కొనుగోలు

ప్రపంచంలో అనిశ్చితి పెరగడం వల్ల ఇండియానే కాదు చైనా, ఇంకా చాలా సెంట్రల్ బ్యాంకులు బంగారం కొంటున్నాయి. దీనివల్ల బంగారం రేటు పెరుగుతోంది.

6. ETF ఇన్ ఫ్లో పెరుగుతోంది

గోల్డ్ బేస్డ్ ఎక్స్ఛేంజ్ ట్రేడెడ్ ఫండ్ అంటే ఈటీఎఫ్ లో పెట్టుబడి బాగా పెరిగింది. ఇన్వెస్టర్లు లాంగ్ టర్మ్ కోసం బంగారం మీద నమ్మకం ఉంచుతున్నారని తెలుస్తోంది. దీనివల్ల రేట్లు పెరుగుతున్నాయి.

7. బంగారు ఆభరణాల డిమాండ్ పెరుగుతోంది

ఇండియాలో పెళ్లిళ్ల సీజన్ వస్తోంది. దీనివల్ల బంగారు ఆభరణాల డిమాండ్ పెరుగుతోంది. ముంబై, ఢిల్లీ, కోల్ కతా, చెన్నై లాంటి నగరాల్లో రేట్లు ఎక్కువైనా అమ్మకాలు జోరుగా ఉన్నాయి.

బంగారం ధర తగ్గే అవకాశం లేదా.?

బంగారం ధర తగ్గే అవకాశం లేదా.?

బంగారం ధరల్లో పెరుగుదల ఇలాగే కొనసాగుతుందా? అంటే కచ్చితంగా అవుననే సమాధానం చెప్పలేము. అంతర్జాతీయ నెలకొన్న అనిశ్చితిలో మార్పులు వస్తే బంగారం ధర మళ్లీ తగ్గుముఖం పట్టే అవకాశం ఉందని నిపుణులు అభిప్రాయపడుతున్నారు. స్టాక్ మార్కెట్లు తిరిగి పుంచుకున్న తర్వాత బంగారం ధరలో మళ్లీ మార్పులు వచ్చే అవకాశం ఉన్నట్లు అంచనా వేస్తున్నారు.

అందుకే బంగారం కొనుగోలు చేసే వారు కొద్ది రోజులు ఆగితే మంచిదనే అభిప్రాయాలు వ్యక్తమవుతున్నాయి. ముఖ్యంగా బంగారాన్ని పెట్టుబడి భావించే వారు కాస్త ఆలోచిస్తే మంచిదనే అభిప్రాయాలు వ్యక్తమవుతున్నాయి. అయితే బంగారం అనేది ఎప్పుడైనా ఒక సేఫ్టీ ఇన్వెస్ట్ అని ఆర్థిక నిపుణులు చెబుతుంటారు.