Interest Rates: కొత్త ఆర్థిక సంవత్సరంలో సేవింగ్స్ చేస్తే చాలు చక్కటి వడ్డీ లభిస్తుంది. ఆర్బీఐ సూచనల మేరకు కేంద్ర ఆర్థిక శాఖ పొదుపు పథకాల వడ్డీ రేట్ల గురించి నోటిఫికేషన్ ఇచ్చింది. మరి ఏప్రిల్ 1 నుంచి కొత్త ఆర్థిక సంవత్సరం మొదలైన నేపథ్యంలో సుకన్య సమృద్ధి సహా పోస్ట్ ఆఫీస్ కు చెందిన 11 పొదుపు పథకాల వడ్డీ రేట్లు ఎంత ఉంటాయో ఇప్పుడు తెలుసుకుందాం.
మీరు చిన్న మొత్తాల్లో సేవింగ్స్ చేయాలనుకుంటే పోస్ట్ ఆఫీస్ బెస్ట్. ఎలాంటి టెన్షన్ లేకుండా పోస్ట్ ఆఫీస్ ద్వారా ఇన్వెస్ట్ చేయొచ్చు. చిన్న అమౌంట్ తో కూడా ఇన్వెస్ట్ చేసే అవకాశం ఉంది. ఏప్రిల్ 1 నుంచి కొత్త ఆర్థిక సంవత్సరం మొదలైంది. ఆర్బీఐ సూచనల మేరకు కేంద్ర ఆర్థిక శాఖ అన్ని బ్యాంకులు, పొదుపు ఖాతా పథకాలకు నోటిఫికేషన్ ఇచ్చింది. ఏప్రిల్ నుంచి జూన్ వరకు చిన్న పొదుపు ఖాతాల వడ్డీ రేట్లు, ఛార్జీలు ఈ నోటిఫికేషన్‌లో ఉన్నాయి. దీన్ని బట్టి ఏప్రిల్ 1 నుంచి సుకన్య సమృద్ధి, పీపీఎఫ్, కేవీపీ వంటి ఈ పథకాల వడ్డీ రేట్లు ఏవిధంగా మారతాయో ఇప్పుడు తెలుసుకుందాం.
పోస్టాఫీస్ పొదుపు పథకం వడ్డీ రేటు సంవత్సరానికి 4%
1 సంవత్సరం పెట్టుబడి వడ్డీ రేటు సంవత్సరానికి 6.9%, రూ.10,000 కు రూ.708 (క్వార్టర్లీ)
2 సంవత్సరాల పెట్టుబడి వడ్డీ రేటు సంవత్సరానికి 7.0%, రూ.10,000 కు రూ.719 (క్వార్టర్లీ)
3 సంవత్సరాల పెట్టుబడి వడ్డీ రేటు సంవత్సరానికి 7.1%, రూ.10,000 కు రూ.719 (క్వార్టర్లీ)
5 సంవత్సరాల పెట్టుబడి వడ్డీ రేటు సంవత్సరానికి 7.5%, రూ.10,000 కు రూ.771 (క్వార్టర్లీ)
5 సంవత్సరాల రికరింగ్ డిపాజిట్ (ఆర్డీ పథకం) వడ్డీ రేటు 6.7%. ఇది క్వార్టర్లీ టైమ్ పీరియడ్ కి వర్తిస్తుంది.
సీనియర్ సిటిజన్ సేవింగ్స్ స్కీమ్ వడ్డీ రేటు 8.2%. ఇది కూడా క్వార్టర్లీ టైమ్ పీరియడ్ కి వడ్డీ రేటు రూ.10,000 రూ.205 వడ్డీ లభిస్తుందన్న మాట. ఇదే స్కీమ్ కి నెలకు వచ్చే సేవింగ్స్ అకౌంట్ వడ్డీ రేటు 7.4%. అంటే నెలకు వడ్డీ రేటు 10,000 రూ.కు 62 రూ. వస్తుందన్న మాట.
ఇది కూడా చదవండి మూడు రోజుల్లోనే పీఎఫ్ డబ్బులు మీ ఖాతాల్లోకి.. EPFO కొత్త మార్పులు: ఏప్రిల్ 1, 2025 నుండి అమలు
నేషనల్ సేవింగ్స్ సర్టిఫికేట్ (VIII) వడ్డీ రేటు 7.7%. అంటే రూ.10,000 పెట్టుబడి పెడితే మెచ్యూరిటీ టైమ్ కి రూ.14,490 లభిస్తుంది.
పబ్లిక్ ప్రావిడెంట్ ఫండ్ పథకం వడ్డీ రేటు సంవత్సరానికి 7.1%.
కిసాన్ వికాస్ పత్ర వడ్డీ రేటు 7.5% . ఈ స్కీమ్ మెచ్యూరిటీ వ్యవధి 115 నెలలు.
మహిళా సమ్మాన్ సేవింగ్స్ సర్టిఫికేట్ వడ్డీ రేటు 7.5%. ఈ స్కీమ్ ద్వారా మీరు రూ.10,000 పెట్టారనుకోండి. క్వార్టర్లీ కి రూ.11,602 లభిస్తుంది.
సుకన్య సమృద్ధి ఖాతా యోజన వడ్డీ రేటు సంవత్సరానికి 8.2%
సూచన: మీరు సేవింగ్స్ పథకాల్లో పెట్టుబడి పెట్టాలనుకుంటే దగ్గరలోని పోస్ట్ ఆఫీస్ బ్రాంచ్‌లో వడ్డీ రేట్ల మరిన్ని వివరాలు తెలుసుకోండి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి