ఆకాశంలో మహా అద్భుతం: ఆరు గ్రహాలను ఒకే చోట చూడొచ్చు. ఎప్పుడంటే..

ఆకాశంలో ఎప్పుడూ వింతలు జరుగుతూనే ఉంటుంది. వాటిని మనం నేరుగా చూడలేం. కాని ఇప్పుడు జరుగుతున్న ఆరు గ్రహాల అద్భుత విన్యాసాన్ని నేరుగా చూడొచ్చు. ఈ గ్రహ విన్యాసం ఎప్పుడు, ఎలా చూడొచ్చో ఇప్పుడు తెలుసుకుందాం. 

ఈ అనంత విశ్వంలో ఎప్పుడూ ఎక్కడో ఒకచోట వింత సంఘటనలు జరుగుతూనే ఉంటాయి. వాటిని గమనిస్తూ శాస్త్రవేత్తలు ఖగోళ శాస్త్ర రహస్యాలను కనిపెడుతుంటారు. సైంటిస్టులు కాబట్టి వారి వద్ద ఉన్న పెద్ద పెద్ద పరికరాలు, టెలీస్కోప్ లను ఉపయోగించి యూనివర్స్ లో రహస్యాలను తెలుసుకుంటారు. ఆకాశంలో ఎప్పుడు ఏం జరుగుతుంతో ముందే కనిపెడతారు. గ్రహాలు, గ్రహ శకలాల కదలికల వల్ల భూమిపై కలిగే మార్పులను అంచనా వేస్తుంటారు. 

గ్రహాల కదలికలను ఎప్పటికప్పుడు గమనిస్తూ వాతావరణ మార్పులను లెక్కిస్తుంటారు. సౌర గ్రహ కూటమిలోని గ్రహాల కదలికలనే కాకుండా ఇతర నక్షత్ర కుటుంబాల్లో గ్రహాలను కూడా మన సైంటిస్టులు కనిపెడుతుంటారు.

సూర్య గ్రహణం, చంద్ర గ్రహణం వచ్చినప్పుడు సూర్యుడు, భూమి, చంద్రుడు ఒకే లైన్ లోకి వస్తాయి కదా.. అలాగే ఇప్పుడు మన సౌర కుటుంబంలోని ఆరు గ్రహాలు ఒకే లైన్ లోకి వచ్చాయి. అవేంటో ఇప్పుడు తెలుసుకుందాం. 

జనవరి నెలలోనే సౌర కుటుంబలోని ఆరు గ్రహాలు అందంగా ఒకే వరుసలో కనిపించనున్నాయి. అరుదైన ఈ ఖగోళ వింతను మనమూ చూడొచ్చు. 

గ్రహాల విన్యాసం 

మూడు లేదా అంతకంటే ఎక్కువ గ్రహాలు ఆకాశంలో ఒకే చోట, అందమైన వరుసలో కనిపిస్తే దాన్ని "గ్రహాల విన్యాసం" అంటారు. గ్రహాల కక్ష్యలు, భూమి నుంచి చూసే కోణం వల్ల అవి వరుసలో ఉన్నట్టు కనిపిస్తాయి.

ఈ వింతను ఎప్పుడు చూడొచ్చు

ఆరు గ్రహాలు ఒకే వరుసలో కనిపించే ఈ ఖగోళ వింతను జనవరి 21 నుంచి 29 వరకు చూడొచ్చు. జనవరి 25న మరింత స్పష్టంగా చూడొచ్చు. 

ఏ గ్రహాలు వరుసలో కనిపిస్తాయి?

గ్రహాల విన్యాసం ఓ అరుదైన ఖగోళ సంఘటన. శుక్రుడు, కుజుడు, గురుడు, శని, యురేనస్, నెప్ట్యూన్ అనే ఆరు గ్రహాలు రాత్రి ఆకాశంలో ఒకే చోట కనిపిస్తాయి.

గ్రహాల విన్యాసం ప్రత్యేకత ఏమిటి?

వరుసలో కనిపించే ఆరు గ్రహాలలో నాలుగు గ్రహాలను మన కళ్ళతో చూడవచ్చు. గ్రహాల విన్యాసం చాలా అరుదు కాబట్టి ఈ ఖగోళ సంఘటన అందరినీ ఆకర్షిస్తుంది.

ఎలా చూడాలి?

గ్రహాల విన్యాసం స్పష్టంగా చూడాలంటే తక్కువ కాలుష్యం ఉన్న ప్రదేశంలో చూడొచ్చు. ఆకాశం స్పష్టంగా కనిపించాలి. సూర్యాస్తమయం తర్వాత లేదా తెల్లవారుజామున గ్రహాల విన్యాసం చూడవచ్చు. టెలిస్కోప్ తో చూస్తే మరింత స్పష్టంగా కనిపిస్తుంది.

ఫోటో తీయవచ్చా?

విశ్వంలో రహస్యాలను తెలుసుకోవాలని ఆసక్తి ఉన్న వారికి ఈ ఆరు గ్రహాల విన్యాసం ఎంతో ఆనందాన్ని కలిగిస్తుంది. మరి ఇలాంటి వింతను కంటితో నేరుగా చూడాలంటే మీరు DSLR కెమెరాలను ఉపయోగించాలి. DSLR లేనివారు ఎక్కువ రెజల్యూషన్ ఉన్న కెమెరా స్మార్ట్‌ఫోన్‌తో ఫోటోలు కూడా తీయవచ్చు.