జియోఫోన్ నెక్స్ట్ లేటెస్ట్ అప్ డేట్ : ప్రగతి ఓ‌ఎస్ అంటే ఏమిటి.. దీని ఎవరు, ఎందుకు రూపొందించారు.. ?

జియోఫోన్ నెక్స్ట్(jiophone next) సేల్ దీపావళి (diwali)పండగకి ముందు ప్రారంభం కానుంది. అయితే లాంచ్ కి ముందు జియోఫోన్ (jiophone) ముఖ్యమైన  ఫీచర్స్, హైలెట్స్ పై ఒక చిన్న వీడియో టీజర్‌ విడుదల చేసింది. జియోఫోన్ నెక్స్ట్  ఆప్టిమైజ్ చేయబడిన ఆండ్రాయిడ్ ఆధారిత ప్రగతి ఓఎస్(pragathi os) పై రన్ అవుతుందని టీజ్ చేసింది. 

 ఈ ఫోన్ గూగుల్ (google)భాగస్వామ్యంతో రూపొందించారు, ఇంకా క్వాల్కమ్(qualcomm) చిప్‌సెట్ ద్వారా శక్తిని పొందుతుంది. ఇతర ఫీచర్లలో వాయిస్ అసిస్టెన్స్, లౌడ్ రీడ్, ట్రాన్స్‌లేట్, 13 మెగాపిక్సెల్ రేర్ కెమెరా, ప్రీలోడ్ చేసిన గూగుల్, జియో యాప్‌లు ఉన్నాయి. జియోఫోన్ నెక్స్ట్  డిజైన్ వివరాలు కూడా ఈ చిన్న వీడియోలో ఆవిష్కరించారు.

వీడియోలో  తయారీ వివరాలు,  జియోఫోన్ నెక్స్ట్   కీలక ఫీచర్స్  ఉన్నాయి. జియో నుండి వస్తున్న మొదటి స్మార్ట్‌ఫోన్ ఆంధ్రప్రదేశ్‌లోని తిరుపతిలో అసెంబుల్ చేస్తుంది. ఆండ్రాయిడ్ ఆధారిత అలాగే ప్రత్యేకంగా భారతీయ ప్రేక్షకుల కోసం ప్రత్యేకంగా రూపొందించిన ప్రగతి ఓఎస్ పై జియోఫోన్ నెక్స్ట్ రన్ అవుతుంది. కొత్త ఆపరేటింగ్ సిస్టమ్ "లాంగ్ బ్యాటరీ లైఫ్  ఆప్టిమమ్  పర్ఫర్మెంస్" అందిస్తుందని పేర్కొంది. అంతేకాదు జియోఫోన్ నెక్స్ట్ ఆటోమేటిక్ సాఫ్ట్‌వేర్ అప్‌గ్రేడ్‌లతో వస్తుంది. అంటే మీరు మ్యాన్యువల్ సాఫ్ట్ సాఫ్ట్ వేర్ అప్ డేట్ చేయకపోయిన ఆటోమేటిక్ గా అప్ డేట్ అవుతుంది అలగే కొత్త ఫీచర్స్ కూడా అప్ గ్రేడ్ అవుతాయి.

వీడియోలో వివిధ కోణాల నుండి జియోఫోన్ నెక్స్ట్  హ్యాండ్‌సెట్‌ను చూపుతుంది. మైక్రో-యూ‌ఎస్‌బి పోర్ట్, కెపాసిటివ్ టచ్ బటన్‌లు, క్యాప్సూల్ ఆకారపు బ్యాక్ కెమెరా మాడ్యూల్‌లో 13-మెగాపిక్సెల్ సెన్సార్‌ను చూపిస్తుంది. మాడ్యూల్ సెన్సార్‌కి కింద ఫ్లాష్‌ కూడా ఉంది. బ్యాక్ కెమెరా ఫీచర్‌లలో పోర్ట్రెయిట్ మోడ్, నైట్ మోడ్, ప్రీలోడెడ్ కస్టమ్ ఇండియా-ఆగ్మెంటెడ్ రియాలిటీ ఫిల్టర్‌లు ఇచ్చారు. స్మార్ట్‌ఫోన్‌ పై చుక్కల ఆకృతి గల బ్యాక్ ప్యానెల్, వెనుక స్పీకర్లు, డిస్‌ప్లే చుట్టూ  బెజెల్స్ ఉన్నట్లు కనిపిస్తుంది. సెల్ఫీ కెమెరా ఫ్లాష్ సపోర్ట్‌తో ఉన్నట్లు చూపిస్తుంది.

అంతేకాకుండా, జియోఫోన్ నెక్స్ట్  వాయిస్ అసిస్టెంట్‌తో కూడా వస్తుంది. అంటే  యూజర్లు “ఓపెన్ యాప్” లేదా “మ్యానేజ్ సెట్టింగ్‌” వంటి ఆదేశాలకు ప్రతిస్పందించడం ద్వారా స్మార్ట్‌ఫోన్‌ను ఆపరేట్ చేయడంలో సహాయపడుతుంది. 'రీడ్ అలౌడ్' ఫీచర్ కూడా ఉంది దీని వల్ల వినియోగదారుడు ఆన్-స్క్రీన్ కంటెంట్‌ను  చదవడానికి ఉపయోగపడుతుంది. ఇంకా వినియోగదారులకు అర్థం చేసుకోగలిగే భాషలో వినేందుకు అలాగే కంటెంట్‌ను వినియోగించుకోవడానికి అనుమతిస్తుంది. చివరగా జియోఫోన్ నెక్స్ట్ 'ట్రాన్స్లెట్' ఫంక్షన్ వినియోగదారుడికి ఎంచుకున్న భాషలో ఏదైనా టెక్స్ట్ అనువదించడానికి వినియోగదారుని అనుమతిస్తుంది.

పేర్కొన్నట్లుగా జియోఫోన్ నెక్స్ట్ క్వాల్కమ్ ప్రాసెసర్ ద్వారా శక్తిని పొందుతుంది, కానీ చిప్ మోడల్ పేరు వెల్లడించలేదు. తాజాగా గూగుల్ ప్లే కన్సోల్ లిస్టింగ్ ఫోన్ క్వాల్కమ్ స్నాప్‌డ్రాగన్ 215 (క్యూఎమ్ 215) SoC ద్వారా శక్తినివ్వవచ్చని సూచించింది. ఒక పాత లీక్ లో రాబోయే జియో స్మార్ట్ ఫోన్  రూ.3,499, లేదా $50 కంటే తక్కువ ధరతో లాంచ్ కావొచ్చని సూచించింది.

ప్రగతి ఓ‌ఎస్ అంటే ఏమిటి?
రిలయన్స్ జియోకి చెందిన జియోఫోన్ నెక్స్ట్ కోసం ఆండ్రాయిడ్ గో ఎకోసిస్టమ్‌ను ఉపయోగించాలని చూస్తోందని ఇప్పటికే తెలుసు. కొత్త పేరు  ప్రగతి ఓఎస్ అండ్రాయిడ్ గో ఆపరేటింగ్ సిస్టమ్ పైన సాఫ్ట్‌వేర్ స్కిన్‌గా ఉండే అవకాశం ఉంది.  అండ్రాయిడ్ గో అనేది అండ్రాయిడ్ స్ట్రిప్డ్ డౌన్ వెర్షన్, అంటే లిమిటెడ్ హార్డ్‌వేర్ సామర్థ్యాలతో లో-ఎండ్ ఫోన్‌లకు సపోర్ట్ చేయడానికి ఉద్దేశించింది.

గూగుల్ భాగస్వామ్యంతో రూపొందించిన కొత్త ఓఎస్ ఎంట్రీ-లెవల్ కస్టమర్‌లకు అందించే ఎన్నో ఫీచర్లను కలిగి ఉంటుంది. ప్రగతి ఓఎస్ ను భారత్ కోసమే ప్రత్యేకంగా రూపొందించినట్లు రిలయన్స్ చెబుతోంది. "బడ్జెట్ ధరలో అతుకులు లేని అనుభవాన్ని అందించడానికి, అందరికీ ప్రగతి (ప్రోగ్రెస్) అందించాలనే లక్ష్యంతో జియో, గూగుల్‌లోని టాప్ టెక్నీషియన్లు రూపొందించారు" అని కంపెనీ సోమవారం ఒక ప్రకటనలో తెలిపింది.